الموضوع: اول صور تظهر لمقابلة المهندسين

المشاركة الأصلية كتبت بواسطة sherif_84

ياجماعة والله المقابلة فعلا كانت أكتر من ممتازة وانا كان ليا الشرف انى أتعرف على الناس الحلوة دى كلها وفعلا زى ماقال اكتوو كأننا نعرف بعض من زمان بفضل نايل موتورز الحمدلله
وبجد ياجماعة أشكركم على الكلام الحلو اللى قولتوه عنى والله انتوا اللى شخصيات لذيذة ومحترمة بس فى ملحوظة كده تقريبا انا الوحيد اللى جيت من شرق القاهرة وكل الشباب من غرب القاهرة عايزين المرة الجاية نعمل المقابلة فى أرض محايدة ( :

هههههه طيب انا جيت من اكتوبر

المشاركة الأصلية كتبت بواسطة sherif_84

برضوا غرب القاهرة يا اكتوو ( :
غرب القاهرة يشمل امبابة والجيزة واكتوبر وضواحى الجيزة
شرق القاهرة : مدينة نصر و مصر الجديدة و شبرا و المعادى و حلوان

بس برضة بعيدة امممممممممم طيب ايفو جة من حلوان هههههه

المشاركة الأصلية كتبت بواسطة evoo90

انطباعاتى عن الناس اللى كانت موجوه

محمد عزت :
اتشرفت بجد بمعرفته وفعلا كنت عايز اشوفه من ساعه ماشفت شغله فى موضوع تصميم البودى كايت
شخصيه محترمه جدا طبعا هو من اكبر الناس اللى كانوا موجودين لكن ملاحظتش ده فى تعاملاته وكلامه خااااالص
بس بصراحه كان نفسى اقعد معاه اكتر من كده كان فى حاجات كتير عايز اتكلم فيها مع كل واحد فيهم لكن الوقت لم يسعف

zaza lanos
استاذ محمد من الناس اللى مااخدتش بالى منهم كتير فى المنتدى فعلا استغربت لما شوفته واتكلمت معاه!!!
ازاى ماخدتش بالى منه هنا برضه من الناس الكبيره فى المقابله والكبيره فى الماكس وان شاء الله هحتاج اتعلم منه كتييير

اوكتوووو
كان نفسى اقابله بجد وكنت فاكر انه تخين زى ماكان بيقول ( انا تخيييين قوى ) عشان كده لما شوفته ماتخيلتش انه هو خالص
اوكتو من فئه الطلبه المطحونين والرومانسيين المنسيين بجد
واضح عليه رومانسى وهاااادى وواضح الجرح طبعا عكسى تماما

كابوس المرعب

اترعبت لما شوفته هههههه
كنت فاكره اقصر من كده طلع درفه دولاب
على الطبيعه اهدى كتيير من مابنشوفه فى المنتدى
عقله فعلا برضه كبير ماتحسش انه فى ثانوى خالص

احمد bmw
حبيب قلبى
قعد يحفظنى المكان قبل المقابله بأسبوع
برضه من ساعه ماعرفته من فتره كنت متخيل انه اضخم من كده ههههههه
طلع من نفس حجمى تقريبا ودماغه عاليه تقريبا بلكونتى وبلكونته قريبين من بعض
مجنون شويه فى ايه مش هقول
وبصراحه كنت مشغله امين شرطه هااااايل امبارح ليك مستقبل يا احمد ( العربيات المخالفه عندكم كتير قوى وعندنا برضه مولعه ) هههههه

استاذ شريف 84
برضه من الناس الكويسه جدا جدا فى المنتدى وماكنش ليا اختلاط بيه قوى فى المنتدى لكن اتشرفت بمعرفته وهو شخصيه لذيذه قوى بجد اتمنى نتعرف اكتر فى المقابلات الجايه ان شاء الله

سيف
لذيذ جدا وهادى جدا وعنده قدر من المعرفه بالطيران الحربى كبير جدا جدا
قعد يحفظنى فى اسمه كتير ولسه بتلخبط فيه
احمد bmw حكالى عنه كتير واتشرفت بمعرفته بجد ولسه ليا كلام كتير معاه ان شاء الله المره الجايه منتظرها بفارغ الصبر

استاذ ياسر it
جه متأخر شويه وكنت اندمجت مع الشباب ومااخدتش بالى منه غير فى الاخر مااتكلمتش معاه كتير لكن مسير الحى يتلاقى :u_thin1[1]:

د/ حسام الزلابانى
جارى العزير طبعا بينا وبين بعض امتار واتعرفت عليه عن طريق المنتدى برضه
بجد بجد استاااااذ متواضع قوى وواضح انه طموح جدا وعلى قدر كبير من العلم وان شاء الله اتمنى له النجاح البااااهر فى الفتره اللى جايه انا عارف انها فتره صعبه عنده لكن لو اجتازها بنجاح وبثبات كما هو واضح يبقى ان شاء الله هتبقى نقطه تحول كبيره فى حياته دعواتكم معايا ياجماعه الراجل تعب ووصلنى لحد باب البيت وماعرفتش اعمل معاه الواجب

بجد ياجماعه انا اتشرفت بمعرفتكم كلكم واتمنى نتقابل تانى وتالت ورابع
والناس اللى اعتذرت تيجى المره الجايه ان شاء الله

ايه يا ايفوا الكلام الجامد ده
بس متغبش علينا بعد كده
والناس اللى معرفتش تيجى نشوفها فى المقابلة الجاية
ان شاء الله

كابوس المرعب

اترعبت لما شوفته هههههه
كنت فاكره اقصر من كده طلع درفه دولاب
على الطبيعه اهدى كتيير من مابنشوفه فى المنتدى
عقله فعلا برضه كبير ماتحسش انه فى ثانوى خالص

هههههه مسخرة يا ايفو والله ضحكتنى اوى بس انا شكلى هادى ازاى يعنى ؟؟ هههههه