أول رحلاتي مع الأودي الجديدة
السلام عليكم..
احب الأول اعرفكم بنفسي بما اني عضو جديد انضميت هنا لرجالة الأودي الجامدين جدا.. :3mla:
انا احمد علاوي... اوبلاوي سابق و أودي حاليا و احب و اتشرف باستمرار انتمائي لعصابة اوبل العظيمة..ولو علي سبيل الانتساب ودي حاجة تشرفني و تبسطني..:ask::Ta_clap[1]:
المهم..
انا اشتري عربية اودي A4 موديل 98 من يومين تلاتة كده و الحمد لله..
و ربنا اكرمني بعربية كويسة و بنت حلال و مش متهانة..
كنت كشفت عليها عند واحد اسمه احمد عزت في جسر السويس قريب من ورشة هاني عصمت.. و عنده مهندسين شغالين في التوكيل..
المهم مش عايز اطول قوي عليكم.. روحت بيها النهاردة للمهندس بتاعي اللي باتعامل معاه من ايام الاوبل.. و الحمد لله هو عنده خبرة في فولكس جروب نتيجة شغله لفترة في ارتوك اوتو سكودا..
المهم اتضح التالي:
العربية محتاجة سيرفو فرامل و خرطوم و طلمبة باور و قواعد موتور دول مبدئيا كده..
و الحمد لله الموتور حالته كويسة و الفتيس كويس..
قريب قوي ان شاء الله هانزل للشهابي و اشوف اسعار الحاجات دي ايه.. و هابدأ رحلة الشرا و التوضيب.. و هاتابعكم بالاخبار ان شاء الله..