السلام عليكم
العربيه معايه من سنتين و شهرين وتمام التمام واتحدي اي عربيه من الي انت ذكرتهم في التسارع
ومش ممكن تحس بالنقله في الجيربوكس
عرض للطباعة
thanks a lot:B4_388:
بصوا ياجماعه هقول ليه الناس مختلفه على موضوع التسارع
اولا التسارع بتاعها عموما ممتاز واللي يخليك تحس انه ممتع علو العربيه
لما سوقتها حسيت انها اسرع من السيفيك بتاعتي وده بسبب ان السيفيك اوطى ويمكن اتقل
بس على ارض الواقع السيفيك بعد ال60 طلعت منها بسهوله
هوا ليه محدش بيجيب سيرة العربيه ديه فى المنتدى مافيش اى مواضيع عنها
ليه بس المنتدى فيه كذا موضوع عنها
بس هي عشان مش منتشره
انا العربية معايا بقلها سنة ونص مشيت بيها 35000
بجد مش قادر افهم ازاي العربية دي مش العربية السيدان الاولي في مصر
صاج ممتاز,تسارع رائع, واسعة, واهم حاجة تبقي سايق وانت مطمن علي 180
مشكلتها العفشة ناشفة وصوت الموتور عالي, بجد مش قادر اصدق ان قي حد مكن يفضل الصني عليها
العربيه معايا بقالها سنتين ونص من الزيرو وعامل 45 الف
هي عربيه ممتازه وعمليه بس اكيد مش العربيه السيدان الاولى في مصر - الحق يقال - ولكن في هي الاولى في سعرها - كانت في 2009 ب 107 فل اوبشنز بكل وسائل الامان وياباني بالكامل ولو كنت هشتري عربيه احسن كنت هزود على الاقل 30 - 40 الف كمان
التسارع رائع فعلا خصوصا على السرعات العاليه مش من الثبات ... واسعه بس مش اوي الكورولا والتيدا اوسع بكتير ولكن الشنطه هي الاكبر على الاطلاق في فئتها ... الثبات رائع طبعا مفيش جدال
صوت الموتور مش عالي اوي .. مش بيضايق الا لو ركزت معاه .. ولكن أنعم من المواتير الكوري
العفشه ناشفه فعلا بس اللي بيضايق اكتر من النشوفيه صوت التخبيط بتاع علبة الدريكسيون
عايز اقول ان فراملها رائعه ماشاء الله .. الساوند سيستم ممتاز .. والتكييف ممتاز وتاثيره يكاد لا يذكر ولكن اقل من التويوتا في التبريد
اقتصاديه جدا في استهلاك البنزين
واضيف ان التوكيل محترمين ولكن مش experts في العربيه دي بالذات ..
هي كانت تستحق انتشار اكبر من كده لانها فعلا محترمه
يا ريت اعرف رينج سعر المستعمل في السيارة دي لو فابريكا برة و جوه و اوتوماتيك و شكرا