الموضوع: اسعار و مواصفات تويوتا كورولا 2008 بالتوكيل

السلام عليكم يا اخوانى
المفروض ان الكورولا الجديدة تقفيل جنوب افريقي وبالتالى فهيا نفس مواصفات الكورولا اللى ماشية عندهم
وكل البورشورس بتاعتها بتقول التالى:
1400 سي سي = 71 Kw يعني = 95 Hp
1600 سي سي = 91 Kw يعنى = 122 Hp
والكلام ده مكتوب على سايت كورولا ايجيبت
فمعلش يعنى منييييييييييييييين جت ان 1600 = 142 حصان والـ 1400 = 110 حصان ؟؟؟؟؟؟؟؟؟؟؟؟؟؟؟؟
وفي حاجة غريبة جدا في الموضوع ده
كل الموديلات الياباني منها سواء في الخليج او اوروبا او امريكا فيها نفس الموتور الـ 1600 (القديم) ومن غير تكنولوجيا الاستبترونيك والزينون
وكل الاوبشنز المذكورة
بالاضافة الى ان الكورولا الجديدة مش يابانى 100% (60% يابانى + 40% مكونات محلية من جنوب افريقيا) يعنى نفس حال العربيات اللي بتتقفل عندنا
انا ما بنتقدش العربية الجديدة وربنا يسهل للحجزها ويستلمها ان شاء الله
بس الموضوع بتاع الكذب من التوكيلات في مصر بالذات بقى يخنق والدليل على كده الهوندا السيفيك والـ 140 حصان
================================================== ===================

رامي (ابو احمد)

المشاركة الأصلية كتبت بواسطة ramyfawzy

السلام عليكم يا اخوانى
المفروض ان الكورولا الجديدة تقفيل جنوب افريقي وبالتالى فهيا نفس مواصفات الكورولا اللى ماشية عندهم
وكل البورشورس بتاعتها بتقول التالى:
1400 سي سي = 71 Kw يعني = 95 Hp
1600 سي سي = 91 Kw يعنى = 122 Hpرامي (ابو احمد)

يا جماعه انا روحت شفت العربية الخليجي عند احد اكبر موزعي تويوتا ايجيبت المعتمدين....
وطبعا الناس هناك اتكلموا عن العربية الجنوب افريقي.....وجابوا سيرة الـ 142 حصان....وساعتها انا ما قدرتش امسك نفسي من الضحك....لدرجة ان مدير الفرع جة بنفسة يشوف اية الحكاية....
قلت ما بدهاش ....واقول ايلي في نفسي ...خصوصا ان كلامي صح...
واتناقشت معاهم علي حكاية القوة الحصانية .....حتي علي الكورولا القديمة ايلي كانوا بيقولوا برضة انها 92 حصان وهي اصلا 85 حصان ....
المهم ....لما حسوا اني واثق قوي من نافسي...وقولتلهم ان كل مواقع تويوتا بمافيها تويوتا مصر..كاتبة القوة بالكيلو وات صح...بس القوة الحصانية محولة غلط...

قام مدير الفرع لم يجد مفر من انة يقولي بصراحة دة اسلوب دعاية وتسويق علشان المنافسين بيعملوا كدة....وكلهم مزودين القوة الحصانية....:D

يا جماعه احنا اتكلمنا قبل ذلك في الموضوع ده وقولنا انهم بيتكلموا على قوة الماتور لوحده
وليس قوة العربيه ككل
علشان كده في اعلاناتهم هتلاقيهم جايبين صورة الماتور لوحده وبيتكلموا عليه لوحده وانه 140 حصان
ده قوة الماتور وهو خارج السيارة وليس بها
يعني المسألة مسالة تسويق واعلانات ولكن ليست تزويد وتفخيم

فى الحقيقة انا مش فاهم اصرار تويوتا ايجيبت على 142 حصان لية.......حتى الرقم يبدو ساذج وكانه فقط عشان الهوندا 140 حصان ...........فعلا قوة الموتور 91 kw على موقع مصر وجنوب افريفيا المنتجة ومحدش جايب سيرة ارقم القوة بالحصان ....والعلاقة معروفة بين الحصان والوات طبقا للمعادلات التالية
Power (kW) = Power (HP) x 0.7457
Power (HP) = Power (kW) x 1.341

وعلية لا يمكن ان تكون 142 حصان...............
اعتقد احنا ممكن نشتكى تويوتا لجهاز حماية المستهلك لانهم يغرروا بالمستهلكين بالبيانات الخاطئة..............اسم تويوتا يحتاج الى اعادة تلميع وتنظيف.................
اية رأيكم ياشباب.....