لوجان هاف اوبشنز الى فول أوبشنز

مساء الخير على أحلى ناس.
أنا كنت حاجز لوجان هاف اوبشنز من شهر 6 و قالولى حتستلم فى شهر 12 من التوكيل اللى فى المعادى وكتبت أستمارة حجز ب 62900 ودفعت 10000 كمقدم ولكن بعد ماقريت معظم مواضيع اللوجان فى المنتدى قررت من أسبوعين أنى أجيب الفول أوبشنزز.
أتصلت بالتوكيل فرع المعادى باللأستاذ هشام الدجوى وقاللى حكلمك بعد يومين فات أسبوع ومتصلش وبعد كدة كلمتة وقاللى حينفع تغير وحاستلم باذن اللة على شهر 12 أو 1 .قولتيلة لازم أجى التوكيل عشان أمضى أستمارة حجز جديدة ب 66900 بدل اللى معايا ب 62900 قاللى لأ .
أنا كنت بسأل هل دة صح ولا غلط؟
معلش أنا اسف للأطالة بس دى أول عربية فى حياتى وكنت عايز أعرف أنا ماشى كدة صح ولا لأ.
:11::11::11:

لا مفيش اى مشكله و من رأى اسأل محمد زكى ممكن يسلمك اسرع وفى الحاله دى اسحب فلوسك من التوكيل

اقتباس:

---

المشاركة الأصلية كتبت بواسطة mohamed1979

لا مفيش اى مشكله و من رأى اسأل محمد زكى ممكن يسلمك اسرع وفى الحاله دى اسحب فلوسك من التوكيل

---

+11111111111111111111111

كل الاخوة فى المنتدى بيتكلموا ان محمد زكى بيسلم اسرع من التوكيل اساله لو هتدفع كاش ممكن تستلم بعد اد ايه ولو الميعاد اسرع من التوكيل ادفع مبلغ من تحت الحساب بس يكون مبلغ كويس مش اقل من 30 الف عشان جديه التعاقد والف مبروك مقدما

أنا كدة اطمنت.
بس كان ليا سؤال تانى.
فى بند فى الأستمارة بيقول فى حالة ألغاء العميل لأستمارة الحجز لأى سبب غير التأخر فى التسليم يحق للشركة المصرية العالمية للسيارات الاحتفاظ ب 1000 جنية كرسوم الغاء. :khd:
أية الحل دلوقتى مع العلم أنى ممكن أدفع فلوس العربية كاش؟

لا انا سمعت هنا من اعضاء انك ممكن تتفاهم معهم وتخد كل فلوسك من غير مايتخصم منها حاجه استنى رد الوحوش

لا انا لما روحت اسال في التوكيل في اسكندرية قالي لحد قبل العربية ما توصل ولو بيوم لو حابب تسحب الفلوس بتسحبها كلها
لكن طالما العربية وصلت بيخص مبلغ مش فاكر الرقم صراحة في حالة استرداد الحجز

اقتباس:

---

المشاركة الأصلية كتبت بواسطة hamed_73

لا انا سمعت هنا من اعضاء انك ممكن تتفاهم معهم وتخد كل فلوسك من غير مايتخصم منها حاجه استنى رد الوحوش

---

+1111111111111111

ياباشا متقلقش لو عايز تاخد فلوسك هتاخدها كاملة انشاء الله :)

بس على فكرة استاذ هشام من الناس المحترمة جداا وده عن تجربة ومتقلقش من كلامة هوة عارف هوة بيعمل إيه بس لو فاضى عدى عليه فى الفرع وقلة لو جالة عربيات ممكن يسلمك قبل المعاد ده بكتير :)

طب سؤال بسيط للوحوش
هو سعر اللوجان عند توكيل اسكندرية كام وعند الموزعين برة كام
عشان انا عايز احجز واحدة

التوكيل 67000و برة لو استلام فورى غالبا تزيد 2000 ممكن تخطف المشوار ل محمد زكى فى القطاميه لو الوقت والفلوس تفرق معاك

هو السعر ده فول أوبشن؟
وشكرا جزيلا على الاجابة

ايوة فول اوبشن
هاف ب 63000

بأذن اللة حستلم يوم الجمعة 11/13 من التوكيل فى المعادى بعد محصل معايا الاتى:
روحت محمد زكى فرع فم الخليج وقالللى ممكن أستلم العربية تانى يوم نفس اللون بدون اوفر برايس ووجدت عندة احسن معاملة فعلا ناس فى منتهى الذوق.وقالتلة الاول الغى الحجز من التوكيل اللى كان حيسلمنى فى يناير.روحت أتصلت بالتوكيل بالأستاذ هشام قاللى ممكن تلغى الحجز وفلوس المقدم 10000 حترجع كاملة بعد اربع ايام . وبعد كدة قاللى اتصل بية تانى بكرة ممكن تستلم العربية فوقت اسرع .اتصلت بية تانى يوم وقاللى حتستلم الجمعة 11/13 بأذن اللة.
الحمد للة على كل حال وشكرا للاعضاء اللى ساعدونى بردودهم المفيدة ليا.

طلب اخير انا كنت قريت كذا توبيك هنا عن الحاجات اللى المفروض اخد باللى منها وانا بستلم العربية ممكن حد يدينى اللينكات بتاعة المواضيع دية.
شكرا http://www.nilemotors.net/Nile/image...yes%5B1%5D.gif

أية ياجماعة محدش بيرد عليا لية. أنا حستلم بكرة وعايز أعرف اية الورق اللى حستلمة واية الحاجات اللى المفروض اتاكد منها فى العربية. http://www.nilemotors.net/Nile/image...653%5B1%5D.gif

حضرتك هتستلم الكاتولجات والاستبن والكوريك وبس

اقتباس:

---

المشاركة الأصلية كتبت بواسطة BASKOTA

حضرتك هتستلم الكاتولجات والاستبن والكوريك وبس

---

Thanks very much
:hlopaet_prv: