حملة الصيانة الشتوية المجانية لشيفرولية

النهاردة في ملحق الأهرام بتاع السيارات لقيت الإعلان ده فقلت أرفعه في قسم شيفرولية علشان اللي ميعرفش يعرف و لو فيه إمكانية إننا نتجمع و نروح الصيانه مع بعض أهو نسلي بعض و لو حصل مشكلة لحد مننا نبقى كلنا جنبه
أنا إن شاء الله رايح يوم الأحد اللى هو بعد بكره بإذن الله لفرع مدينة نصر أو التجمع الخامس حسب الترتيب مع الأخوة الأعضاء الساعة 5 كده و إسمي محمد خطاب و رقمي 0121415126 أو 0166993602

بس عايز أسأل سؤال بيلح عليا : هي الصيانة دي مجانية مجانية ولا مجانية بفلوس ؟؟؟
أصل الحداية مبتحدفش كتاكيييييييييييييييت

http://img687.imageshack.us/img687/4091/727261428.jpg


تم تصغير حجم الصوره لتتناسب مع الموضوع

مشرف شيفروليه

الف شكر يامحمد على الموضوع

كان نفسى أجى معاك بس فى كذا سبب يمنعنى

اولا انا عامل 17000 فلسه بدرى على الصيانه بتاعتى

ثانيا مركز الهرم الرئيسى أقرب ليا وباتعامل معاه على طول

ثالثا انا بحب اروح الصيانه وانا حاجز قبلها بالتليفون عشان أروح فى ميعادى وأخلص على طول

لكن حملات الصيانه المجانيه اللى زى دى بتبقى من غير حجز وهاتبقى زحمه اوى

وانا مبحبش الزيطه والزحمه لان هاستنى كتير وأكيد هايبقى فيه كروته فى الشغل

بالنسبه لسؤالك اذا كانت الصيانه مجانيه ولا لأ

المصنعيه بتاعت الصيانه هاتبقى مجانا يعنى لو مش هاتغير اى حاجه فى العربيه يبقى هاتعمل الصيانه مجانا مش هاتدفع ولا مليم

لكن لو هاتغير اى حاجه يبقى هاتدفع تمنها + مصنعيتها وعليهم تخفيض 10 %

طب هيا الحملة دى لحد امتى؟

7-13

November if I read it correctly

اسبوع بس؟؟؟؟
قليل قوى
يبقى على راى hosam optrawi
كروته

بص ياباشا
الصيانة فى الحملة دى مجانية ومش بتدفع اى مليم مصنعيات غير تمن قطع الغيار والزيوت وقطع الغيار بتاخد عليها خصم 10% ولو مش عاوز تركب قطع غيار هيتعملك فحص مجانى ومش هتدفع ولا حاجة ولو العربية فيها اى مشكلة هتتظبط وببلاش ياسيدى