-
دوران العربية في الصباح
عندي عربية 128 بقلاها حوالي اربع ايام بدور الصبح بصعوبة جدا اكثر من 6 مرات ادور العربية مبدورش وممكن تلقت وتبطل تاني علي طول والبطلرية كشفت عليها لقتها سليمة
مع العلم ان دة في الصباح فقط فانا اذهب الشغل وبركنها اكثر من 8 ساعات واجي ادور تدور من غير مشاكل
اجوا المساعدة هو دة عيب اية بالظبط
-
الحكايه دي كانت بتحصل معايا في المزدا
وكان السبب ان فيه رشاش في الكاربيراتير ده بينزل البنزين في اول دواره الصبح بس كان مسدود روحت لبتاع الكاربيراتير نضفه وخلاص
وغالبا ده بيحصل لما تدخل وساخه في الكاربيراتير من وساخه التنك لو وصل للأخر
-
كانت العربية بتعمل كده معايا لغاية من اسبوعين غيرت البوجيهات وبقت زى الفل تدور وانت واقف بره - المهم النهاردة حلفت انها مش ممكن تدور حتى لما حاولت ازق و احط الفتيس على 2 و ادور مارضيتش برده تدور و نزلت الشغل مواصلات و ها حاول بكرة اشوف الميكانيكى علشان النهاردة الاحد كلهم اجازة و اتمنى حد من خبراء المنتدى يرد علينا و لهم الشكر . :evil: :evil: :twisted: :cry: :shock:
-
كان عندي عيب زي ده و فضل يزيد لحد ما بطلت تدور خالص
طلع ان طرمبة البنزين و دعت
و تعرفها ان فلتر البنزين الشفاف بيكون مفهوش بنزين
الطبيعي بتلاقي نصه او تلات تربعه بنزين
-
شوف البوجيهات و الأسلاك بتاعتها و الابلاتين و كوندنسر لو العربية مش الكتروني
و شوف الكاربراتير ربما فية وساخه و محتاج تنظيف او فية تهريب بنزين من جوان الكاربراتير فيبخرالبنزين بالليل و العربية مركونة
و حاول تشد الشفاط قبل ماتدور او تكرك بنزين خمسة او ستة بس مش اكتر علشان العربية ماتشرقش و بعدين تدور و انت ساند سنة خفيفة عالبنزين مؤقتا لغاية ما تنضف الكاربراتير و تغير طقم الكهرباء
-
- محتاجة ضبط كهرباء وكربيراتير
- لو معملتش صيانة لطقم الكهرباء من زمان غيره بالمرة :::
(بوجيهات أصلي + ابلاتين + كوندنسر + غطاء اسبراتير لو القديم مشروخ أو بايظ + أسلاك بوجيهات كربون أوروبي مش تركي لو الأسلاك وحشة + ضبط الكربيراتير + ضبط كهربة الاسبراتير)
-
بص
الموضوع ده ممكن يكون له اكثر من سبب
بس انا هقول لك على حاجة غريبة شوية، جربها ولو نجحت هاتدعيلى
قبل ما تدور العربية بكرة الصبح خد معاك حتة قطنة مبلولة سبرتو او نقطة جاز ، فك وش الإسبراتير وحط فيه حتة القطنة دى وولع وفيها، وبعدين اول ما تخلص نفض وش الإسبراتير كويس من الرماد وركبه بسرعة وحاول تدور العربية، لو دارت بدون مشاكل يبقى مشكلتك ان وش الإسبراتير فيه شرخ رفيع ووبياخد رطوبة بالليل، غير وش الإسبراتير تمنه 20 جنيه
لو المحاولة العجيبة دى مجابتش نتيجة ، فك البوجيهات وسخن اطرافها على البوتاجاز لحد ما تحمر ، وركبها، حلت المشكلة يبقى البوجيهات واخدة رطوبة، ممكن تعيش بالبوجيهات المحروقة او تجيب طقم جديد
لو المشكلة لسة ما اتحلتش يبقى غير ابلاتين وكوندنسر، محلوش المشكلة يبقى اعمل طقم بيكات للكاربيراتير واكشف على الاكس والباب بتوعه ولو محتاج اصلاح او تغيير صلحه او غيره
-
انا كان عندي نفس المشكله دي في 128 وهو ان طلمبة البنزين بتعمل راجع تيجي الصبح تتدور مدورش الا لما تكارك لها كتير جرب قبل ما تدور الصبح كارك شويه بنزين لو دارت بعد كده يبقي اكيد الطلمبه
Content Relevant URLs by
vBSEO 3.6.0 PL2