المشاركة الأصلية كتبت بواسطة hanykd
السلام عليكم ورحمة الله
مافيش مشكلة فى الموتور ال 1000 لو كشفت عليه ولقيت حساساته شغاله كويس
الموتور ال 1000 أشد وأحدث من ال 1200 وموفر جداً فى البنزين يعنى العربية لو متزبطة تعمل معاك من 300 ل 350 كم فى الصفيحة ودة معروف عن المواتير الإيكوتيك إنها موفرة جداً فى البنزين.
مشكلة الموتور ال 1000 إنه معقد شويه فى الميكانيكا بتاعه محتاجة دايماً جهاز سكانر علشان تعرف عيوبها وعيوبها مش كتير.
هى فيها 5 أو 6 حساسات منهم 2 أو 3 لازم تتأكد منهم قبل ماتشتريها وهما MAF, Ideal & TPS وتتأكد منهم بأنك تعمل للعربية سكان وتشوف ال Rates تمام ولا مهييسة.
لو تمام يبقى توكل على الله لو مش تمام يبقى قدامك حل من إتنين إنك تسيب العربية أو إنك تنزل ثمن الحساسات دى من ثمن العربية.
أنا مرة كنت مع واحد بيشترى واحدة 1000 تخيل لقينا التاجر رابط لمبة ال check مع لمبة الدينامو يعنى العربية كان ممكن تكون مولعة وإنت ماشى ولا حاسس
أخوك فى الله هانى