الموضوع: قل لا لتكهين الملاكي

المشاركة الأصلية كتبت بواسطة ayliz_2009

يا نهار ابيض انت ايه اللي جابك هنا :)
الناس هيقطعوك :)
هيقولولك انت مش حاسس بالطبقة الكادحة عشان انت هاي كلاس و الكلام اللي قعدوا يقولوهولي ده :s
يا جماعة فكروا بموضوعية شوية

و الله لا هاي كلاس و لا حاجة بس كان عندى مجموعة افارقة فى الشغل من كبنيا و زيمبابوى و كينيا و موريشيوس و طول الوقت تريئة على العربيات القديمة الى ماشية فى الشارع و الى اتلغت من عندهم من زمان و طريقة سواقة المصريين و ازاى الناس بتمشى على الخطوط الى بتفصل الحارات الى فى الشارع بصراحة اتكسفت علشان هما عندهم حق عارف لو من بلاد عليها القيمة كنت رديت عليهم ان احنا بلد غلبانة و الناس التعباتة و القصة دى بس دى بلاد ضايعة و ورانا بمراحل

المشاركة الأصلية كتبت بواسطة tatao

صح النوووووووووم وهو فيه حد ضايع اكثر منا دلوقتي --- مصر من سئ لآسؤ --- وبعدين علشان حضرتك اتكسفت نقوم نضحي بالغلابة - يبقي علي كده نفجر العشوائيات بسكانها ونعدم جميع الفقراء والمرضي والمشردين في الشوارع / وبعدين متكسفتش ليه من اتوبيسات الحكومة الاثرية اللي عايزة متحف وهي ماشية والناس مكدسة فيها وحتقع من الباب وكذلك الحال بالترام اللي من عهد الفراعنة - ومتكسفتش ليه من طوابير العيش والناس اللي مش لاقية تأكل - دي البلد كلها بقت تكسف وخاصة اداء الحكومة داخليا وخارجيا وهيبة مصر اللي راحت وبقت اي بلد حقيرة تترئ علي مصر وتنكل بالمصريين المغتربين دون اي خوف من مصر --- اخييييييييييييه علي اللي احنا بقينا فيه / وبعدين انت ولا هاي كلاس ولا حاجة انت غلبان زينا والهاي كلاس دول بتوع المليارات وغالبيتهم بيقي شباب تافه ومعندهوش كفائة يدخل منتدي زي بتاعنا ويتحاور فيه والامور دي مش في دماغه اصلا - وفي الختام ياريت نساعد الناس علي تحسين اوضاعهم بدل منتكسف منهم - ارجو انك متكونش زعلت --- :u_thin1[1]:

على فكرة انت فهمت غلط انا عمري ما اتكسف من اهل بلدي علشان دول احسن و اجدع ناس فى الدنيا بس انا زعلت ان بلاد ضايعة اقتصاديا و اجتماعيا و سياسيا تتريأ على مصر الى خليتهم بلاد و رغم انهم فقرا و افقر مننا بكتيييييييييييييييييييييي ييييييير و مش عندهم عشوائيات لا دول عندهم مجاعات و حروب أهلية و لما تشوف شوارع نيروبى و لا حتى اديس ابابا هتزعل جدا جدا على شوارع القاهرة بس عندهم قوانين بيحترموها

أما المشاكل الى انت بتقول عليها دى فالعيب فلى ساكتين على الى بيحصلوهم ده و ياخوفى يكونوا ساكتين و راضيين لان كده عمر ما فى حاجة هتتغير

و ربنا ينتقم من اللى اللى خلى فيه عشوائيات و العيش بطوابير و الناس ماشية بعربيات من 50 سنة و مش قادرين يغيروها و شاغلهم بماتشات الكورة و الهيافات علشان مايفوقوش للى بيحصل فيهم اقول آمين

و طبعا مش زعلان طالما الحوار فى حدود الإحترام يا رب نعرف كلنا نتحاور صح ساعتها كل حاجة هننغير

مرحبا بك ايها العضو المحترم / وعلي فكرة احنا كلنا مع قانون احلال الملاكي ولكن دون جور علي حقوق احد .:b4_048:

يا جماعه انتو مش باصين لحاجه
هو الى راكب عربيه بقالها 50 سنه وطالع عينه بمشاكلها وقرفها مش عاوز يرتاح ويركب عربيه نضيفه
اى واحد نفسه يركب عربيه محترمه ومريحه بس هل تفتكر ده ممكن يحصل بدون مقابل
لا طبعا
حيطلعو عينا وينفضوا جيوبنا فى القسط
فالاحسن الواحد يرضا بالعربيه الى مطلعه عينه ويستحملها وهى مستحملاه وساكته
على الاقل لو يوم ملقتش اصلح عربيتى حسيبها فى الشارع
لاكن لو يوم ملاقتش ادفع القسط حروح السجن
هى بتتحسب كده
والى عاوز عربيه جديده انهارده بالبطاقه تاخد عربيه زيرو بس ادفع الاقساط يا حلو وبعد 3 سنين العربيه حتفتح بقها ويبقى اقساط وصيانه ورجعت ريما لعادتها القديمه
والكلام لا ينتهى