حد جرب بنزين 95 مع الجيتا 1600 ؟؟؟ ياترى بيفرق فى السحب و السرعه القصوى و صوت الموتور و استهلاك البنزين ؟؟؟ ياريت اللى جربه يقول رايه ؟؟
عرض للطباعة
حد جرب بنزين 95 مع الجيتا 1600 ؟؟؟ ياترى بيفرق فى السحب و السرعه القصوى و صوت الموتور و استهلاك البنزين ؟؟؟ ياريت اللى جربه يقول رايه ؟؟
والله يا اسلام باشا انا ما جربتوش بس الى اعرفة عن 95 انة
1 - بيفرق فى السحب والاداء
2 - صوت الموتور بيكون اهدى من 92
3 - بيوفر فى الاستهلاك
دا كان عن كلام واحد مجرب جيتا هنا فى المنتدى ب بنزين 95 بس بينى وبينك انا مستحرم انى احط اللتر ب 2.75 لان كدا حرام بزيادة حتى لو كان هيدينى اداء الموتور 100 %
بس الواضح يا ابو اسلام ان محدش من رجالة الجيتا بيحط بنزين 95
بس لو عاوز تعرف البنزين 95 فى الدايو نوبيرا انا ممكن اقولك لان واحد صحبى كان بيحطة لعربيتة فى الاول ايام ما كان رخيص قبل ما يغلا :36_1_1[1]:
و الله انا كنت بفكر اجرب تفويله كدا و اشوف ايه النظام و ارجع لل92 تانى :d:d اصلو فعلا غالى اوى
أنا من ساعة لما جبتها وأنا بحط 95 وده لأني سمعت كلام كتير إنه غلط إنك تستخدم 92
والكتالوج كاتب يا 95 يا 98 (عربيتي خليجي (
وال فرق في التفويله هيبقى
95 : 2.75*40 = 110
92 : 1.85*40 = 74
يعني حوالي 35
وكمان 95 بيوفر في البنزين (أنا مجربتش بس الكلام من كذا شخص ثقة)
تقريبا الفرق هيبقى 25 )حوالي 30 % (
وبصراحه أنا هاسمع كلام الكاتلوج لاني لو عاوز اوفر ممكن أجيب أي عربية ارخص
طب و اخباار السحب معاك ايه و صوت الموتور و كدا و استجابه العربيه ؟؟ بس التانك 50 لتر
الفرق واضح جدا سواء في الصوت او في السحب او في الاستجابه والنعومه (للاحسن طبعا)
تقريبا الموتور ده متصمم عال 95
لما رجعت تاني ل 92 حسيت بالفرق
طب و غلط انك ترجع ل 92 تانى او تخلط الاتنين ؟؟
السحب كويس قوي وصوت الماتور بيبقى واطي في العادي ولما بقرص بيعلا
بس بيبقى جميل
ولما أحط 95 من بنزينة أي كلام بتراجرج ساعات (الامارات أحسن بنزينة )
أنا مش بستنى للاخر علشان 95 مش موجود في كل مكان
انا عايز اجرب كدا و اشوف ايه النظام ....هو فى مشكله ان احط 92 على 95 ؟؟ او ارجع لل 92 تانى ؟؟
انا ال 95 بيفرق فرق السما من الأرض معايا فى البولو ولو مش قادر انك تحط على طول 95 خليها نص التفويله 95 والنص التانى 92
بس الصح والمفروض عشان تعيش المتعه بعربيتك أنك تحط ال 95