كنت عايزة اقول كدة وسكت
خلاص الكورة شاغلة بالنا وتفكيرنا للدرجة دي
انا بصراحه مش فاهم
ايه اللى مقصود
بس عموما
--
موضوع انه قبل ما يموت قال نفسى مصر تدخل كاس العالم و بعدين مات
حاسس انه فيلم عربى قديم من ايام الاسود و الرمادى
و اختراع فاشل من اعلامنا اللى مالوش فيها من الاساس
--
بالذمة مين الشخص اللى ابنه بيكون لسه ميت و يحاول ينقل الى صحفى الكلام ده
---
لو الموضوع حسب ما انا فهمته
للأسف
يبقى اعلام غبى
بيعمل حاجات كان ينفع فى اوائل الاربعينيات تضحك بها على طفل صغير ما اخدش الكفاءة
زى الحزام فى بدايته واصيب اليمانى
جابوه فى المستشفى و حديث طويل عن الحزام و انه نجاه من الموت
و الختان
و الحرائق
و
و
منتخب مصر
انا قرفت
لاحول ولاقوة الا بالله..بقى عندنا اكبر احتياطى عالمى فى فوضى ترتيب الاولويات...ازاى تبقى جلدة منفوخة 22 شخص بيجروا وراها دى شغلنا الشاغل..الله يرحمه..لكن موضوع كان نفسة مصر تصعد كاس العالم..دى حتة كدة دراما وكمان بايخة ورخمة اوى
معلش بس مش فاهم حضرتك يعني ايه جلده منفوخه بيجري وراها 22 شخص يعني حضرتك موضوعي دا جلده منفوخه ؟؟؟ تفتكر دا اسلوب رد في موضوع ؟ تفتكر انا اللي كنت كاتب الموضوع في المصري اليوم ؟ انا حبيت انقل خبر لفت نظري مش اكتر
وبعدين حضرتك ما طول عمرنا مهتمين بالاولويات تقدر تقولي عملنا ايه ؟ غير اننا نتكلم وبس وكل واحد يدخل يسب ويلعن او يقول شعارات رنانه وخلص الموضوع على كدا ويا ريت لو الادراه شايفه انه جلده منفوخه ممكن تقفله وشكرا لذوق حضرتك
ولية الفرحة بتبقى كورة بس؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟ يعنى احنا بنجتمع ونفرح ونحلل فى برامج ونتكلم فى كل حتة وتعم الفرحة والبهجة للكبير والصغير الغنى والفقير الغفير والوزير عندما يحصل عالم مصرى على جائزة نوبل مثلا..سيدى الفاضل احنا مش حنضحك على بعض احنا حاصرين وهم فرحتنا الوحيد فيما لاينفعنا(بمعنى رياضة نتابعها بلهفة ولايمارسها اغلبنا)وسايبين حاجات كتير ممكن انجازنا فيها تكون نتيجتة فرحة وانجاز ورضا الله لكن احنا اللى عاوزين كدة
لحظة بس ياسيدى المحترم انت ب اللى فهمتنى غلط انا لااقصد اى اهانة لحضرتك اطلاقا انا بتهكم انشغال الناس الشديييييييييييييييييييد بالكورة لدرجة اول حالة فى مدرسة توفى بانفلونزا الخنازير..الله يرحمه..يبقى ايية اخر كلمة قلها__طبعا مصر تتاهل للمونديال بالزمة دة كلام حضرتك انا بعقب على الكلام المنشور مش كلامك انت...والجلدة المنفوخة اكيد اقصد بيها الكورة...غير كدة حضرتك بتقول طول عمرنا مهتمين بالاولويات عملنا ايية......لا احنا مش مهتمين بالاولويات معلش لاننا لوكنا مهتمين بالاهم ثم المهم كنا عملنا حاجة ومكناش شاغلين نفسنا بمباراة اكتر من اى حاجة تانية..ياراجل دا فى معررررررررررررررررررررررر كة فى كل حتة بين مصر والجزائر وتطاول رهيب من الجانبين وكلام اقسم بالله انا مش مصدق نفسى انى بقراه كل دة تعرف منايية.؟.؟.؟.؟.؟من الكورة
حضرتك الكلام اللي بتقوله دا قالو الاف قبلك وحيقوله الاف بعدك ويبقى الحال كما هو عليه انجازات ايه اللي حضرتك بتتكلم عنها احنا مش موجودين بين اول 500 جامعه على العالم ! انجازات ايه وميزانيه البحث العلمي في اسرائيل بس 3 مليار يعني جمع البحث العلمي في ال 22 دوله عربيه واضربه في 2 برده مش حنوصل زيهم ؟ انجازات ايه حضرتك ولا بلاش اكمل احنا احنا اقصى حاجه نعملها اعتصام على الفيس بوك ودا بقا انجاز دلوقتي
كلام صحيح 100%
وبالمناسبة، رغم وضوح المسحة الدرامية المفتعلة على موضوع أمنية الوصول لكأس العالم، لكن نفترض انه فعلا الموضوع مش متفبرك، بيتهيألي مش هانهاجم (ملاك) عمره 6 سنين عشان منطقش الشهادتين، وكان بيحب الكورة، وده طبعا مع الإيمان التام بغرس تعاليم الدين الإسلامي الحنيف في اطفالنا منذ الصغر.
رأيي الشخصي (المتواضع جدا)، ان افضل تعليق على الموضوع، اللي نقله مشكورا الأخ keemvip، هو الدعاء لأهل الطفل بالصبر، وان وربنا يجعله سبب دخول اهله الجنة بإذن الله.