عرض للطباعة
فى حاجة حيرتنى جدا جدا وأرجو من السادة خبراء نايل موتورز ان يشرحوا لى
قرأت اليوم فى ملحق أخبار السيارات لجريدة الأهرام أن قيمة الجرائم والضرائب على السيارة إلنترا 1600سى سى 2010 موديل 2010 هو 55الف جنيه وهو ما يعادل 61% من قيمتها
وفى نفس العدد كانت سعر الالنترا 92500ج
يعنى لو طرحنا 55000من 92500 يصبح الناتج 37500ج أى أن سعر العربية هز 37500ج
طب ازااااااااااااااااااااااا ااااااااااااى؟؟؟؟؟
ممكن حد يفَهِّمنى؟؟؟ ممكن؟؟؟
للرفع
ما هو ال 60 % دول هما الجمار ك بس ... لسه فيه ضرية مبيعات 15% ... ورسم وارد 3% تقريبا أو حاجة كده ...
والحساب يكون كالتالي .... تمن العربية سيف وارد + الجمرك محسوب على التمن + ضرية المبيعات محسوبة على مجموع التمن والجمرك + رسم الوارد محسوب على مجموع التمن والجمرك والضريبة .......
ما هو 55ألف دول هم جملة الجمارك والضرائب على العربية
لكن السؤال إذا كانت العربية بـ 92500ج
منها 55 ألف جمارك وضرائب
يبقى معنى كده إن ثمن العربية الأصلى 37500ج
هو ده اللى محيرنى
لأن كده الجمارك والضرائب دى أكتر من 125%
وفى نفس الوقت ده بيكشف إن سعر العربية دى رخيص جدا جدا فى الأصل؟؟
مش كده ولا أنا فاهم غلط ؟؟؟
ياريت بجد حد يكون فاهم الموضوع ده يوضح لنا
ولكم جزيل الشكر
ماتنساش ان العربية كمان نازلة عندنا فاضية من الاوبشنز يدوبك شوية الاوبشنز اللى بيضحكوا علينا بيها
على كدة العربيات اللى سعرها أقل من 92 الف جنية تبقى أرخص بكتير وكمان العربية الماروتى اللى ب35 الف جنية لوشيلنا منها الجمارك هتبقى بكام
برضو محدش جاوب على سؤالى
هى الجمارك بتتحسب ازاى فى بلدنا؟؟
واضح إن فى حاجة غلط ؟؟؟؟
وإن حساباتنا كلها مش مظبوطة
للرفع