يريت بكن حد يفدني بمقارنه بين التيريوس والتيجو 1600 من الناحيه الفنيه (الماتور- نظام الفرامل
-نظام التعليق – نظام الجر .................) انا مبتكلمش عن أنه أحسن أو عن دي حلوه ودي وحشه أنا بسأل عن جميع النواحي الفنيه
عرض للطباعة
يريت بكن حد يفدني بمقارنه بين التيريوس والتيجو 1600 من الناحيه الفنيه (الماتور- نظام الفرامل
-نظام التعليق – نظام الجر .................) انا مبتكلمش عن أنه أحسن أو عن دي حلوه ودي وحشه أنا بسأل عن جميع النواحي الفنيه
التيجو 4285 * 1765
التيريوس 4065 * 1695
( يعني التيجو اعرض و اطول )
الاتنين ارتفاعهم عن الراض 19 سم ( ممتاز )
الوزن واحد 1180
التيجو 1600 سي سي - 117 حصان عند 6100 لفة - 143 نيوتن عند 3750 لفة
تيريوس 1500 سي سي - 103 حصان عند 6000 لفة - 140 نيوتن عند 4400 لفة
( يعني التيجو أقوي و أسرع )
التيجو مصممة لتتحمل مواتير لحد 2400 سي سي ( ده الأصل أصلا )
التيريوس معمولة لمواتير 1500 سي سي
الاتنين تعليقهم ممتاز و يتحمل المطبات اكتر من أي سيارة سيدان عادية في نفس الفئة
صاج التيجو أمتن 50 %
كاوتش التيجو أعرض 235
تقفيل التيريوس أحسن بكتير
خامات التابلوة أفضل من التيجو
لو التيجو 1600 يبقي فيه فرق 50000 جنيه
و بالتوفيق
ده يابانى وده صينى
ومش اتكلم تانى
هى وصلت انكو تقارنو يابانى بصينى ؟؟؟؟؟
اكيد طبعا التيجو تكسب مش كده ؟؟؟؟
من ناحية الموتور و السعر التيجو طبعا تكسب..... لكن من ناحية الاعتمادية و عمر التشغيل الطويل اليابانى مش محتاج كلام..... الصينى فيه فلتات نادرة من حيث الشكل و المضمون اهم هذه الفلتات ال frv و التيجو..... لكن ما يزال الصينى لا يتمتع بالاعتمادية الكافية و التقفيل الخالى من العيوب.....
طيب انا معاك ان العربيتين واقفين جنب بعض وهما زيرو ان التيجو تتفوق .. حضرتك المفروض قبل ما تكتب الموضوع تدخل قسم سبيرانزا وتشوف تقارير التيجو عامله ازاي والناس باعتها ليه ... ومشاكلها ايه .. وزي مابقول التيجو وهي في المعرض تكسب .. احنا ممكن نوقفهم جنب بعض بعض ست شهور .. وانا واثق من كلامي وبقولك ست شهور .. واتفرج . يا راجل ده في واحد معانا في المنتدى هنا الفرش بتاع الباب والتابلوه بدأ يقشر بعد شهرين .. اعذرني بس لسه بدري على الصيني .. ياريت احنا كمصريين نبطل نقارن بالفئة السعرية .. في حاجات تانيه كتير .. يعني مش هدفع 80 الف مثلا عشان اركب عربية كاملة وبعد سنتين اخسرهم لمجرد اني اخترت غلط .. معلش لو كلامي ضايقك بس انا بفكر بمنطقيه شوية
ياريت حضرتك تاخد برأى المجربين فقط او تجرب بنفسك علشان تاخد قرار مظبوط
من الاخر التيريوس تتفوق بس فى الخامات الداخلية و التقفيل
اى حاجة تانية التيجو تتفوق و بمراحل سواء فى العفشة او الموتور او قوة الصاج أو التحمل و اكيد السعر
على فكرة موضوع يابانى و صينى دة المفروض انه انتهى من زمان لان الصين اللواقتى من اقوى بلاد العالم اقتصاديا حتى اقوى من اليابان كمان فى الوقت الحالى بس ده ميمنعش ان فيه صينى ردئ وملوش لازمة و فيه برده صينى ممتاز
وبرده مش كل اليايانى اعتمادية و معمر
اليابانى فيه الحلو وفيه الوحش زى الصينى برده فيه الحلو والوحش
ممكن حضرتك تدخل على اللينك عن التيجو
http://www.nilemotors.net/Nile/103690-a.htm
>>>>>مع احترامى لرايك التيجو تكتسح التريوس بمراااااحل ......
احنا جينا نتكلم بالورقة والقلم لقينا التيجو احسن فى كل حاجة تقريبا ما عدا التقفيل والخامات .......بس فعلا التيجو دة معمولة غلطة فى اسبرنزا عربية تحفة ودة بيرجع للاستخدام .......
هقول على حاجة هبلة بس ممكن تفيد فى الحوار انا عمر ما ساعة بتكمل فى ايدى اكتر من 5 شهور ومركات وحاجات نضيفة وليها اسم ...والله وانا ماشى فى رمسيس اشتريت ساعة عاجبنى شكلها من واحد فارش ب 13 ج عجبنى شكلها بس قلت لبستين اد فلوسها وتترمى والله كل الى يشوفها بتعجبة وعمر ما دماغة تجيب انها ب 13 ج وسبحان الله دخلت دماغى ومحافظ عليها وقاعدة معاية اكتر من سنة وشهرين لحد دلوقتى ورامى الباقى .........يبقى بالاستخدااااام
وبعدين فرق الخمسين الف دول حتى لو هتفكر تبيعها وتخسر فى تمنها عمرك ما هتخسر فيها 50 الف ......انا مش بدافع عنها بس بالسعر دة والامكانيات دية والناس بتشكر فيها يبقى تستاهل ..........محنا عندنا البريلنس محدش بيفتح بؤة عليها رغم انها صينى .....؟؟
..وكل الى الى معاهم التريوس قالو سحبها ضاااااايع وملهاش ثبات على السرعات العالية ....يعنى ولا واخدة عربية مدينة ولا منها عربية جيب ...؟؟؟
بصو يا شباب .. هي اولا واخيرا وجهات نظر .. انا شايف ان التيجو كصناعة صينية ما زالت لا ترقى انها تنافس عربية زي التيريوس ... اولا تقفيل خامات .. استهلاك بنزين عالي جدا وناس كتير اشتكت منه .. مفيش اعتمادية وعمر طويل .. وخدو بالكو ان التيريوس القديمه كلها ماشية لحد دلوقتي وزي الفل ... مظنش ان بعد سنتين هنلاقي الاتنين بنفس الشكل والحاله حتى مع استعمال بسيط .. اما عن صناعة السيارات في الصين .. محدش يقدر ينكر انها مصنع قوي وبقى ليه وزنه .. بس احنا دايما لازم نفصل السوق المصري عن باقي الاسواق .. لانه في الاول والاخر بيكون مواصفات وكيل .. يعني مش باخد العربية زي ما المصنع بينزلها .. يعني انا مجبر اني اخد العربية بالمواصفات اللي الوكيل بيطلبها .. وطبعا ده غير منطقي لانه على حساب المستهلك وهي تكلفة اقل في مصلحة التاجر (الوكيل ) عشان نسبة ربحيته تزيد .. التيجو اللي في مصر .. مش متكلفة خامات ولا تقفيل ولا كماليات زي مثيلاتها .. مش هتكون اعتمادية ومش هتكون عمرها طويل .. ولو عربية بالسعر والتكلفة والخامات دي كانت هتبقى اعتمادية كان زمان بي ام وجيب وجي ام سي نفذوها من زمان .. لسه بدري على الصيني .. بس هو حلو على اد فلوسه
برده منقدرش نقول اللواقتى ان التيجو ملهاش اعتمادية او عمر طويل الا بالاستخدام و التجربة ممكن كمان تبقى حالاتها احسن من عربيات يابانى بعد 3 او4 سنين من الاستعمال و ممكن برده لأ على العموم حيبان مع الوقت
بس على فكرة هى موجودة فى اوروبا الشرقية و روسيا و امريكا الجنوبية من سنة 2006 و عاملة شغل جامد هناك:U_thin1[1]:
معقولة يا جماعة تقارنوا بين التيريوس و التيجو ؟؟؟ ازاي طيب ؟؟
علي العموم احب اقولكم حاجة، انا مقيم في هونج كونج من اكتر من ٣ سنين و شبه موجود في الصين علطول ما بين تشنزن و جوانزو و احياناً بكين، و باذن الله هعملكم تقرير قريب مدعوم بالصور عن العربيات اللي بيركبوها الصينيين، هتتفاجؤا ان فين و فيييييييين علي ما بشوف عربية صيني ماشية في الشارع، المفاجأة كمان ان الفقراء بتوع الصين بيفضلوا يشتروا عربية ياباني او حتي كوري مستعملة عن انهم يشتروا عربية صيني زيرو، و حاليا انا موجود في الصين بشكل متواصل من اكتر من ٣ شهور مع تحرك مستمر و ماشفتش التيجو غير مرة واحدة بس.
النقطة التانية، ان هونج كونج و بالرغم من انها تعتبر ولاية صينية و لكنها تتمتع بالحكم الذاتي، لحد النهاردة مانعة دخول العربيات الصيني نهائياً، حتي توكيل شيفروليه اتقفل من مدة كبيرة بسبب ان عربيات الشيفروليه بتتجمع في الصين
اقسم بالله العظيم ان هي دي الحقيقة بدون زيادة او نقصان، اي حد راح الصين هيشهد علي كلامي ده
صح .. انهم في الصين مش بيركبو عربيات صيني ..ممكن يركبو ماركة كويسه بس تقفيل صيني .. يعني هناك بيركبو الهوندا الاكورد والباسات ... لكن مشفتش سبيرانزا في الصين خالص
:S_thum1[1]::S_thum1[1]::S_thum1[1]: تمام كده، ٨٠٪ من العربيات بتتجمع في الصين فعلاً، و اكتر عربية منتشرة بشكل رهيب هي التويوتا الكامري (تحس انها اللادا في روسيا) و يليها الهوندا الاكورد، ده غير طبعاً العربيات اللي ماتحلمش تشوفها في مصر زي الاستون مارتن و البوجاتي و الفيراري و اللامبورجيني، و قليل جدا انك تشوف عربية صيني بالرغم من ان الحكومة و البنوك بتدي تسهيلات و اعفاءات رهيبة علي العربيات الصيني.... بجد انا بيصعب عليا ان الناس في مصر بتدافع عن الصيني اكتر من الصينيين نفسهم..
يا جماعة دة مش معناه انهم مش بيركبو الصينى علشان وحش او حاجة الموضوع بيبقى ليه ابعاد تانية كتير
مثلا فى امريكا فى اماكن معينة ممكن تلاقى معظم العربيات هناك تويوتا او عربيات يابانى و تلاقى فيها العربيات المريكانى قليلة
هل معنى كدة ان العربيات الامريكانى وحشة ؟؟؟:11:
فى السعودية مثلا العربيات الألمانى قليلة جدا جدا وتلاقى معظم العربيات هناك امريكانى و يابانى هل معنى كدة ان الألمانى وحش ؟؟؟؟:dzey:مع العلم ان التيجو موجودة هناك من حوالى اكتر من سنة بس بتنزل بموتور 2400 سي سي
يا فندم، بناء علي كلام الصينيين نفسهم، هما مش بيثقوا في العربيات الصيني، يا سيدي الفاضل، مفيش حتي واحد من اعضاء الحكومة او اعضاء الحزب الحاكم بيركب عربية صيني (بنعرف عربياتهم من علامة حمرا علي نمر العربية)، و باذن الله لما الجو يتحسن انا هصورلكم جراج الكومباوند اللي قاعد فيه في الصين، و حضرتك هتشوف بنفسك ان من وسط اكتر من ٢٠٠٠ عربية مفيش عربية واحدة صيني
انا عايز اقول انه حتى لو سأل فى قسم الصينى عن اللى جربوا التيجو بردو هيلبس فى الحيط
هو حد هناك بيشتم فى الصينى دا ممكن يقولو عليه احسن من الالمانى عادى عندهم
انا رأيى مبدأ الصنين معانا "رزق الـ....."اقتباس:
بجد انا بيصعب عليا ان الناس في مصر بتدافع عن الصيني اكتر من الصينيين نفسهم..
يا جماعة صين ايه بس اللى حندافع عنها دى
ياريت بس اللى يتكلم يتكلم بموضوعية و عن تجربة مش اكتر
بغض النظر عن كونها صينى او حتى هندى
مهو فيه حاجات صينى تعبانة كتير حتى غير العربيات و انا شخصيا عانيت مع الحاجات دى منهم تليفون لاسلكى معدش يوم و باظ:T_thum1[1]:
وفيه حاجات برده كويسة مثلا فيه عندى راديو صينى بقالو اكتر من 12 سنة شغال بالرغم انه وقع فى الشارع منتانى2 دور و لحد اللواقتى شغال :B4_388:
السوق الامريكانى مثلا مليان بالبضاعة الصينى يمكن كمان اكتر من اليابانى و الامريكانى وكمان بجودة عالية
فدة بيعتمد على المستورد او الوكيل اللى بيستورد هو اللى بيحدد حيجيب حاجات تعبانة ولا جيدة
و نفس الكلام ينطبق على السيارات في ماهو صينى ردئ و فيه كمان الجيد و الممتاز
الناس ليه مش قادرة تقتنع ان فيه و فيه !!!
انا مش فاهم
الصناعات الغربية فيه و فيه
بس يعني ليهم حد ادني من الجودة
الصين بقي .. بترضي طلبات الزبون
اللي عاوز أحسن حاجة .. عندهم
اللي عاوز أردأ حاجة .. عندهم
كله بسعره
احنا بس بداية معرفتنا بالصين ( و حتي الأن في بعض المنتجات ) كانت من المستوردين معدومي الضمير اللي بيجيبو حاجات استعمال مرة و تبوظ
لكن شوف المنتجات الصيني اللي بتتصدر أمريكا و أوربا .. حاجة تانية
ناقصهم إيه عشان يعملو حاجة كويسة ؟!!!
دولة عظمي .. اقتصاد جبار .. عمال زي المكن .. تكنولوجيا عالية .. اخلاص للبلد .. كرباج من الحكومة لكل متكاسل !!
ياريتنا كنا في مقدرة الصين
ممكن تطلعو علي الموضوع ده
http://www.nilemotors.net/Nile/92815-a.html
استاذ حجازي، انا متفق معاك ان المنتجات الصيني فيها و فيها، و ده مش مجرد كلام، ده عن تجربة فعلية، بس ما ننكرش برضه ان احنا في سوق الصين هنا بنشوف مهازل محدش يتخيلها، و ساعات حاجات كتير بتيجي مش مطابقة للمواصفات المطلوبة و فيها مشاكل كتير و مفيش حاجة اسمها تلغي الاوردر ....
المهم يعني ما تقارنش برضه بين البضاعة اللي بتيجي مصر و اللي بتروح امريكا و اوروبا، في مصر كل من هب و دب بيستورد من الصين دلوقت، في حين انا شفت الاوروبيين و الامريكان بيستوردوا ازاي، مفيش حاجة اسمها مستورد ماشي يدور علي بضاعة، دي كلها شركات كبيرة و بتبعت مندوبيها اللي بيشتروا كميات ضخمة فوق مما تتخيل و بعقود طويلة المدي، و لازم بيعينوا ناس كواليتي كنترول من بلادهم هما، ده غير طبعاً الماركات المعروفة اللي بتصنع في الصين...
المهم نيجي لموضوع صناعة السيارات، واضح اننا متفقين جميعاً ان شراء المنتج الصيني فيه نوع من المغامرة، و المغامرة تكون مقبولة في حدود معينة، و لكن تمن سيارة صيني يعتبر مبلغ كبير بالنسبة لمعظم الشعب المصري و في الحالة دي المغامرة يبقي مبالغ فيها، و خصوصاً ان صناعة السيارات صناعة معقدة جداً و تمس بشكل مباشر ارواح مستخدميها ، و الصينيين مش زي ما حضرتك متخيل قايمين علي اسس سليمة زي ما كوريا و اليابان ما ابتدوا، ده غير طبعاً اللغط القائم علي السيارات الصيني و عدم السماح بدخولها في معظم الدول المتقدمة و حتي هونج كونج اللي هي مقاطعة صينية، بالاضافة لعدم اقبال الشعب الصيني نفسه عليها و تخوفه منها، ناهيك عن عدم وجود معايير جودة في مصر للبضائع المستوردة....
فرأيي اننا بدل ما نكون فئران تجارب للصناعة الصينية الوليدة زينا زي افقر الدول الافريقية، لا خلينا احسن زينا زي الدول المتقدمة و نستني لحد لما علي الاقل الشعب الصيني يفكر يرمبها و بعدهم نبقي نركبها احنا.........
انا حاتكلم عن الموضوع اللي احنا فيه و المقارنة اللي احنا بصددها
بذمتك .. يعني ال 80 الف جنية كتير علي التيجو حتي لو فيه عيوب تقفيل .. و ال 130 الف جنيه هما الأوفر و الأضمن في التيريوس ؟
يعني لو كانو نفس السعر و الله كان ممكن افكر .. و كان ممكن اختار التيجو برضه
بس فرق 50000 جنيـــــــــه !!!!
يعني بأي منطق ..
انا لعلمك لا عندي عربية صيني و لا حتي باقتنع بالكوري .. من حيث السعر أمام الامكانيات
انا دايما بادرس الـ Cost Effectiveness للعربية
فالتيــــجو .. Very Very Cost Effective مافيش كلام
ممكن عربيات صيني تانية تبقي سعرها يخليك تجيب كوري مثلا .. لكن تيـــجو ؟!!!
يا فندم ال Cost Effectiveness مش بيتحسب بالسعر بس، و لكن في عوامل كتير بتتداخل زي مثلاً عمرا الافتراضي و نسب الهلاك و غيره و غيره، ده غير قدرتها علي حماية الارواح ركابها و قائدا، و اعتقد ان لس بدري اوي علي ما نقدر نحكم علي النقط دي.... انا اعتقد انك لو حسبت بس نسب الهلاك و العمر الافتراضي هتلاقي التريوس تعوض فرق اكتر من ال ٥٠ الف بكتير
لأ .. برضه Very Cost Effective
معلومة بس صغيرة...... التيريوس 2010 الهاى لاين وصلت 150.000 جنيه فقط لاغير..... و الوكيل بيزودها كل سنة من 4-6 الاف جنيه..... و اعتقد ده ابلغ دليل على اد ايه هى مطلوبة رغم الارتفاع المستمر فى سعرها..... لان الناس عارفة كويس هى بتشترى ايه و توبه ايه.....
+1
طيب ماشي اللي حضرتك تشوفه، بس انا اعرف ان حضرتك مدير تسويق في شركة ادوية، هل ممكن تستعمل دواء او تتحمل مسئولية تسويق دواء تم رفضه عن طريق ال FDA ؟ اكيد طبعاً لا....
اللي انا عايز اقوله ان التيجو اكيد برضه هتبقي cost effective في امريكا برضه، و لكن علشان هما دولة عندهم معايير عالية للجودة، فالعربية مش بتدخل امريكا اساساً، و علشان كده العربية مش هتدخل في اي حسابات cost effectiveness بالنسبة للمستهلك الامريكي، و بما اننا معندناش في مصر هيئة محترمة لقياس معايير للجودة، يبقي احنا نحسبها بنفسنا و نستفيد بهيئات قياس الجودة في الدول المتقدمة و نعتبرها عربية مش موجودة اساساً في السوق، بالظبط زي ما بنرفض استخدام دواء غير مصرح به من ال FDA حتي و لو مسموح بدخوله مصر
مش قادر اجادل اكتر من كده بصراحة
ما تشتريهاش يا سيدي
انا مش عارف اية المشكلة..التريوس ممتازة جدا جدا ومفيش عليها اى اعتراض
احنا بنتكلم على فرق سعر فى عربيتين من نفس الفئة وكل واحد حر فى اختيار الشراء..انا مثلا نفس جدا جدا اجيب التريوس لانها تحفة لكن سعرها عالى جدا وماقدرش اجيبها وبالتالى فكرت فى التيجو
وبعدين هى حكاية مدى استخدامى للعربية ومحافظتى عليها...انا استخدامى ضئيل جدا وبالتالى متفرقش نوع العربية
التيجو والصينى بصفة عامة فى راى انه مقامرة ممكن تكسب وممكن تخسر والايام الجاية هى الى هتحدد ده هل العربيات هتصمد ولا لأ