الموضوع: مشكلة فى زرار الانتظار لا يعمل

السلام عليكم

دى اول مشاركة ليا بعد ما الحمد لله ربنا كرمنى واشتريت دايو لانوس موديل 2000

بس فى مشكلة بسيطة ظهرت بعد ما اشتريت العربية وهى ان زرار الانتظار مبيشتغلش غير وانا مدى اشارة شمال اول يمين وغير كدة مبيشتغلش خلاص وكمان الكلكس مبيشتغلش والطارة معدولة.

ياريت تفودونى قبل ما اروح لحد وخصوصا انى مش بفهم خلاص فى قصص الكهربا بتاعت العربيات وما الى ذالك وخايف حد يكبر الموضوع ياريت تفدونى.

وشكرا ليكم ولكل اعضاء المنتدى.

السلام عليكم وكل سنة وانتم طيبين.

انا رحت لمحمد السيد وعملى الكلكس بتاع العربية والطريقة طلعت سهلة اوى بس للأسف رجع عطل تانى بعد كام يوم المهم انا عرفت الطريقة وممكن اعملها بنفسى والفكرة كلها ان فى غطا فوق الدركسيون بمسمرين لف الطارة اقصى اليمين وفكو واقصى الشمال وفك المسمار التانى حتلاقى الغطا الى فوق طلع معاك وحتلاقى صباع نحاس بسستة موصل فى فبرة النحاس فى الطارة حط منديل بين الصباح والفبرة زى ما هو عمل ولف الطارة اقصى الشمال واقصى اليمين وجرب لو تمام ركب الغطا تانى بنفس الخطوات انا قريت فى موضع هنا انهم فى التوكيل بينضفوة بـ صنفرة ناعمة حجرب كدة وحقولكم اية الاخبار.

وتانى حاجة ان زرار الانتظار محمد السيد قلى ان العيب الزرار نفسو الى فى الطبلوة بس انا بصراحة مش مقتنع علشان هو اوقات يشتغل واوقات لا المهم هو انو شغال دلوقت ربنا يستر باة وميوقفش تانى

وشكرا ليكم مرة تانية