الموضوع: هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

صناعة السيارات صناعة معقدة جدا بيدخل فى صناعة العربية الواحدة الاف الاجزاء ومش هيقدر يحافظ على جودة الاجزاء ديه كلها وتوفيقها مع بعضه الا مصنع ذو تاريخ واسم وهو ده اعتراضى الاول على السيارت الصينى أنى ما اعتقد أن الصينى مش هيقدر يوصل للمعادلة الى بقولها ديه وهما مبتدين من سنين قليلة الموضوع محتاج وقت
وطبعا اوربا ما بتدخلش فيها عربيات الا بعد التأكد من جودتها عشان كده كان الحل فى الدول النامية الصين ها تتعلم فينا الاول لغاية ما تقدر توصل للجودة المطلوبة بعد كده تتجة لاوربا
ربنا يكرم مصر بقى وتصنع حتى موتسكيل

السلام عليكم ورحمة الله وبركاته..
أنا طبعا وبدون تفكير أفضل السيارة ذات الماركة المشهورة والاسم العريق والانطباع الجيد عنها لدى الناس في مصر..
ولكن إليكم بعض ملاحظاتي المتواضعة على أوضاع السيارات في بلدنا الحبيب مصر:-
أولا: ما يأتينا في مصر من سيارات - من كل الماركات - يعتبر درجة عاشرة من إنتاج الشركات المختلفة!
ثانيا: الجمارك المبالغ فيها جدا جدا جدا عامل أساسي وهام في طريقة اختيارنا لسياراتنا هنا في مصر.
ثالثا: أغلب توكيلات السيارات هنا في مصر - إلا من رحم الله - لا تحترم المواطن ولا تعطي خدمة ما بعد البيع الحقيقة!
رابعا: مجال الغش في قطع الغيار هنا - داخل أو خارج التوكيل - كبير وموضوع تفاوت الأسعار بين البائعين المختلفين.
خامسا: تقييم أغلب المشترين العاديين يعتمد على العاطفة وليس المبني على لغة الأرقام والواقع!
وأخيرا هذه وجهة نظري المتواضعة التي أسوقها إلى حضراتكم وأرجو منكم قبولها والتفاعل معها.
والسلام عليكم ورحمة الله وبركاته.