عرض للطباعة
محتار في الشراء ماتريكس اتوماتيك ام لانسر 1300 اتوماتيك حيث أنني ليس لدي خبرة في السيارات قررت أن اسألكم أنتم أهل الخبرة فبعض الناس يقول ابعد عن الاتوماتيك الكوري ولكن لاتركب أي اتوماتيك أقل من 1600ccفهل منكم من له سابق تعامل مع السيارتين مع العلم بأن اقصي امكانياتي لانسر 1300 ولكم مني كل المحبة والشكر
أنا مريت بالتجربة دى بس كان اختيارى بين المانيوال لانى لا احب الاوتوماتيك، ورسيت على لانسر لانها فعلا عربة شديدة وسحبها ممتاز وشكلها ممتاز ، الماتريكس برضه جميلة وعملية لكن يبقى تفوق السيارات اليابانية على الكورية بالاضافة لتفضيلك لعربة سيدان ام عربة شبه فان وأيهما تشترى فلن تندم باذن الله
ملحوظة: لو كنت من هواة السرعة فلا انصحك بالاوتوماتيك لانها لن تساعدك على ذلك وستجبرك على القيادة باسلوب مختلف ، وعلى حسب اقوال البعض ان سحب لانسر 1300 اوتوماتك اضعف او ابطأ من مثيلتها المانيوال
وطبعا لا تنسى صلاة الاستخارة
وبالتوفيق
لأولا أنا متشكر جدا علي الرد لكنني مضطر للاتوماتيك لاسباب صحية مما اضطرني لبيع سيارتي المانيوال بعد شهور قليلة من شرائها و للمرة الثانية أشكرك علي اهتمامك وسعة صدرك
الماتريكس اسهل فى الركوب و النزول عن اللانسر و هو صحيح الكورى اقل جودة شوية من اليابانى لكن الماتريكس بالذات من العربيات اللى اثبتت نفسها جامد فى مصر و مفيش مشاكل ظهرت فيها باستثناء ان الأتوماتيك بتاعها سحبه بطئ شوية لكن اعتقد ان دة مش حيفرق جامد معك طالما مش من هواة السرعة و الشد ... فأنا شايف بالنسبة للظروف اللى حضرتك وضحتها الماتريكس هى الأفضل ليك و بالتوفيق ان شاء الله
أيهما سحبها أفضل
عزيزي
موضوع الأوتوماتبك الكوري ده إشاعة مغرضة أنا كان معايا لانوس أوتوماتيك 8 سنين و زي الفل و صاحبي عنده سيفيا أوتوماتيك من 8 سنين برضه.
أنا رايي ان العربيتين ممتازين ميكانيكيًا و مفيش ملاحظات تذكر و متنساش ان موضوع اللانسر ال 1600 ده جديد نسبيا و الأول كان كله 1300 و محدش كان بيشتكي. بالعكس ال لنسر 1300 أوتوماتيك كانب بتطلع من عربييتي اللنوس ال 1500 أوتوماتيك برضه...كقاعدة عامة يا باشا متبصش لا عال سيسي ولا عال Horse power بص علي العزم.
خلي الشكل يبقي هوه فيصلك في الإختيار و دي مسألة أذواق و أهم حاجة صلي إستخارة و ربنا معاك.
أشكر الجميع للاهتمام والردولكنني والحمد لله وفقني الله للتصرف وحجز لانسر 1600 اتوماتيك....اتمني لكم جميعا كل خير
الف مبروك وهو ده الأختيار الصح ان شاء الله
ولا تنسى الدعاء
اللهم اني أعوذ بك من شرها وشر ما جبلتها عليه
وأسالك خيرها وخير ما جبلتها عليه ........ آمين
انا عندى لانسر 1600 اوتوماتيك خليجى بصراحة العربية ممتازة و ادائها عالى جدا خاصة مع استخدام بنزين 95
الف مبرووووك يا باشا و هوة دة الاختيار الموفق لو عاوز لانسر اوتوماتيك
و حكاية سحبها ضعيف دة مش علشان الموتور علشان ناقل الحركة CVT مش عادى