الموضوع: إشترى لوجان و لا لأ ؟؟

المشاركة الأصلية كتبت بواسطة fadyspot

hobby10 انا هاسال فى موضوع الاسعار ده ما بين هنا و القاهرة , و بالنسبة للفيديو استحالة دى تكون زى الشاهين عشان الشاهين دى خارج المنافسة اصلا :) و عموما ربنا يباركلك فى عربيتك و بجد انا اطمنت لما عرفت ان فى مشاكل ليها حلول فى التوكيل , متشكر جدا على اهتمامك :)

تحت امرك وبالتوفيق ان شاء الله

المشاركة الأصلية كتبت بواسطة superiorboy

صعب اني احددها من الفيديو بس اللي انا شايفو انها مش بسيطة انا عندي بحس ان العصاية بتتحرك بسرعة بس مسافة قليلة مش المشوار ده كلو
لو ممكن تصوري الهزة من فوق من عند الحتة السيلفر و نقارن

شكرا على اهتمامك وححاول اصورها تانى ان شاء الله

Hobby انا اللى فهمته من تعليقات حضرتك فى المواضيع التانية ان حضرتك من اسكندرية , صح ؟
يا ريت لو حضرتك من اسكندرية تقوليلى مكان التوكيل و المعرض اللى حضرتك جبتى منه العربية و سعرها كان كام ؟؟
و هل فى موضوع العازل اللى هيركبوه فى التوكيل ده لو انا اشتريت من التوكيل على طول هاقدر اتلافى العيوب دى من غير ما استنى اول صيانة حتى لو كان السعر اغلى شوية ؟؟؟

المشاركة الأصلية كتبت بواسطة fadyspot

hobby انا اللى فهمته من تعليقات حضرتك فى المواضيع التانية ان حضرتك من اسكندرية , صح ؟
يا ريت لو حضرتك من اسكندرية تقوليلى مكان التوكيل و المعرض اللى حضرتك جبتى منه العربية و سعرها كان كام ؟؟
و هل فى موضوع العازل اللى هيركبوه فى التوكيل ده لو انا اشتريت من التوكيل على طول هاقدر اتلافى العيوب دى من غير ما استنى اول صيانة حتى لو كان السعر اغلى شوية ؟؟؟

انا فعلا من اسكندرية ... واشتريت من الطارق بس لظروف خاصة مش حبا فيه !! (اخر دفعة من اللوجان الرومانى وكانت عنده بس .... لحقتها على الاخر بس كانت قبلها فى التوكيل ب 67000 بس كانت خلصت خلاص وعنده كانت ب 69000 وسمعت بعدها بشوية انه فضل يغلى فيها لحد ما وصلت تقريبا 73000 !!!!!!! )

بالنسبة للعازل معتقدش انها حتتباع بيه على الاقل الفترة الجاية القريبة .. والله اعلم
بس عموما حضرتك مش محتاج تشغل بالك بالقصة دى لاسباب وهى ان القصة مش غلسة او ملحوظة لدرجة انك تدفع زيادة علشانها وكمان وده الاهم حضرتك برضه مش لازم تستنى ميعاد الصيانة علشان مشكلة ملحة عندك هم عادى بيستقبلوا العملاء فى غير مواعيد الصيانة وحضرتك تقدر تتصل بيهم وتتأكد من المعلومة دى ... بس ده اللى اعرفه .......... بالتوفيق

Hobby انا شاكر جدا يا باشمهندسه , انشاء الله انا هاقوم بزيارة للطارق فى اقرب وقت و هاحاول كمان ازور التوكيل ( هو فى العامرية صح ؟؟ ) و هاقارن الاسعار و ربنا يقدم اللى فيه الخير .
الف شكر لكل وحوش اللوجان على اهتمامهم :)

المشاركة الأصلية كتبت بواسطة fadyspot

hobby انا شاكر جدا يا باشمهندسه , انشاء الله انا هاقوم بزيارة للطارق فى اقرب وقت و هاحاول كمان ازور التوكيل ( هو فى العامرية صح ؟؟ ) و هاقارن الاسعار و ربنا يقدم اللى فيه الخير .
الف شكر لكل وحوش اللوجان على اهتمامهم :)

فرع العامرية ده للصيانة لكن فرع البيع عند سان ستيفانو على الترام ........ وتحت امرك فى اى حاجة

المشاركة الأصلية كتبت بواسطة superiorboy

بالنسبة للفيديو فالهزة دي زيادة جدا و مش بالشكل ده و اعتقد انها حالة فردية مش اكثر و هي مش هزة بسيطة في الفيديو ده

اسفة على التأخير ... انا حاولت اصور الفتيس من فوق بس ياريت تكون واضحة ( على قد ما قدرت ) ..........
4shared.com - online file sharing and storage - download logan.rar

فى جزئية كمان عاوزة استفسر عنها بعد اذنك ... انا لما روحت التوكيل كنت شايفة ان كل الملحوظات اللى عندى معناها غالبا ان الموتور عالى ( ااقصد كهربته مش صوته ) وتوقعت ان مجرد ما يضبط الموتور كل الحاجات دى تقريبا حتروح ... المفاجأة بقى واللى انا مش فاهماها ان المهندس قاللى ان العربية دى ميقدرش يعلى او يوطى موتورها اصلا وان القصة دى بتتظبط بكمبيوتر العربية اوتوماتيك وانه ملوش اكسس عليها على حد تعبيره !!!!!!!!؟؟

ارجو الافادة ... وشكرا وفى انتظار رأى حضرتك .. واكيد طبعا اى وحش حابب انه يشاركنا برأيه