فتيس ليجانزا منين وبكام............

**ATKATOO** · 07-11-2009 04:58 PM

الليجانزا يا جماعة جابت فتيس مابقاش يتحرك غير على الrوباقى الغيارات مافيش............انا عايز اعرف الفتيس سعرة كام استيراد ..... وجديد لو فى جديد.......

واجيبة منين ......وياريت خطوات الشراء وارقام تليفونات للاماكن وطريقة التركيب علما ان العربية مش بتتحرك خاااااااالص ................

ارجو الاهتمام بالموضوع ..............

**zocor742** · 07-11-2009 05:22 PM

طيب حضرتك اكتب بيانات المنطقة اللى ساكن فيها ومحافظة اية عشان الاعضاء يقدروا يفيدوك صح

**ATKATOO** · 07-11-2009 08:38 PM

انا من شبرا .........احمد حلمى.............

**elwad_crazy** · 08-11-2009 01:30 AM

انزل الحرفين وروح اسئل على الاسعار

والتركيب فى ناس كتيره بس شوف الاول الفتيس

**kenway** · 09-11-2009 04:11 PM

انزل الحرفيين اكيد هتلاقيه هناك وسعره حوالي من 3500 الي 4000 جنيه وتشتريه علي تجربه عشان لاقدر الله يكون في حاجه يرجع. هو الفتيس اول مره يعطل منك؟

**alexcdx** · 10-11-2009 02:16 AM

لازم ميكانيكى بتاعك يكون فاهم فيهم وهو الى يروح معاك يختار ويركب و يكون على التجربه والضمان
أنا سألت وائل الميكانيكى بتاعى هو تخصصه فتيسات دايو وممكن تعمره بطقم أصلاح كلاتشات و اويل سيلات و حتوصل نفس التكلفه هو عنده واحد ليجانزا أستراد بحاله جديده بالضمان و التركيب والزيت يكلف 2500 جنيه بس هو فى أسكندريه ممكن تبعت العربيه على كساحه يخلص فى 24 ساعه أو تبعت تخده .

**mummy_47** · 10-11-2009 04:04 PM

خذ الرقم ده 0101455376-0106333504( علي السمان)
ده الميكانيكي بتاعي اللي في فيصل وهو عنده ليجانزا اوتوماتيك ملاكي مو2000 بتاعته شخصيا يعني حافظها وكمان ممكن يوفرلك ويركبلك فتيس اوتوماتيك وكمان جنبه بتوع الاستيراد وكل شئ ...بس اتصل بيه وان شاء الله مش هتندم

مع تحياتي

**tuttoo** · 13-11-2009 02:13 AM

ثواني يا جماعة فتيس الليجانزا الاستيراد ب 1300 يوم ما يطفحة الدم سوري

**tuttoo** · 13-11-2009 02:26 AM

ممكن اسال الاخ alexcdx انت مش ملاحظ انها غريبة شوية ان الراجل من القاهرة وانت تقولة ابعت العربية علي ونش ودي تكلفتها 500ج لوحدها عشان يغير فتيس عند صحبك دة اللي انت صدعتنا بالدعاية لية هما 3 احمالات يانت بتهرج وتهزر يانت بتقسم مع صحبك يانت وصحبك حاجة واحدة مش عارف كل مااقرأ ليك رسالة احس كدة انك مش ستريت مش دوغري يعني

**alexcdx** · 16-11-2009 12:35 AM

المشاركة الأصلية كتبت بواسطة tuttoo

ممكن اسال الاخ alexcdx انت مش ملاحظ انها غريبة شوية ان الراجل من القاهرة وانت تقولة ابعت العربية علي ونش ودي تكلفتها 500ج لوحدها عشان يغير فتيس عند صحبك دة اللي انت صدعتنا بالدعاية لية هما 3 احمالات يانت بتهرج وتهزر يانت بتقسم مع صحبك يانت وصحبك حاجة واحدة مش عارف كل مااقرأ ليك رسالة احس كدة انك مش ستريت مش دوغري يعني

مش ملاحظ ان جميع مداخلاتك بتهاجم فيها الميكانيكى وائل أو بتعمل دعايه للميكانيكى الى أسمه على
مع العلم أن الأثنين قرايب وكانو بيشتغلو مع بعض بس وائل سابه .
ده أنت ملكش ولا موضوع واحد فى المنتدى كله دعايه عن الميكانيكى على .
أنا باطلب من الناس الى فى المنتدى مراقبه مشاركات الأخ touto حتحسو من أسلوبه انه ..... مش مجرد واحد داخل المنتدى ليفيد الناس بمعلومه أو يستفيد .