كنت عاوز اسال هما بردوة عندهم مطبات زينا ولا بيمشوا كدة
انا بصراحة عمري ماشوفت عربية العتبة مخبوطة عندهم هناك
واليي تلاقية ضارب العربية ارض ارض ولاهمة مطبات ولا حاجة :mahf(5):
هل يوجد حفر عيون قطة ومطبات عالية وكلام من دة
كنت عاوز اسال هما بردوة عندهم مطبات زينا ولا بيمشوا كدة
انا بصراحة عمري ماشوفت عربية العتبة مخبوطة عندهم هناك
واليي تلاقية ضارب العربية ارض ارض ولاهمة مطبات ولا حاجة :mahf(5):
هل يوجد حفر عيون قطة ومطبات عالية وكلام من دة
هناك عيون القط لتحديد الطريق
و ليست كمطبات زي عندنا بعرض الطريق!!!
هناك لو في مطب بيكون في مكان عند عبور مشاه و بيكون مطب من اللي بيشيل العربية كلها .. اللي ممكن تاخده عالتاني بعربيتك (المهم تهدي شوية و خلاص) ..مفيش مطبات على الطرق السريعة!!
هناك لو في حفر من اي نوع لتصليح كابلات تحت الأرض او إلخ..
بيتم تصليح مكانها في الأسفلت كأنها اتصلحت بالليزر
هناك في رصيف ممكن تمشي عليه!!
هناك في إحترام للقانون
التوقيع..
مصري كان عايش في الإمارات
يا باشا انا مهقلك غير حاجتين والدي سافر من الرياض لمكة مش عارف كام كيلو بس كتير و والدتي كانت جنبه تحطله كوباية الشاي و هو ماشي 180 متقعش منها نقطة على التابلوه لدرجة انو نام على الطريق مسافة بتاعة 30 كيلو و محصلش اي حاجة الحمد لله مفقش غير على مدخل مكة في عين القط في الارض قام عليها
و خلص الكلام
بلا فخر
نحن نمتلك مطبات ولا جبال الهيمالايا
وخصوصا بالأرياف
احنا دخلنا موسوعة جينس بسبب المطبات
كنت مرة راح لواحد صحبي وبيوصفلى الطريق بيقلى عدى اول مطب وبعد تانى مطب خش يمين وزمر هتلاقينى نزلك
ههههههههههههههههههههههههه ه
اهم حاجة تاخد بالك وماتسوقش بسرعة عشان ممكن الطرق تغرك
على الجانب الاخر احنا بنتمتع بحاجات كتير مع المطبات هما هناك اكيد بيحسدونا عليها
اولها انك بتتعلم هنا تعوم بالعربيه , بمعنى انك لو مطب عالى بتاخده بالجنب و تطلع وتنزل عجله عجله من العربيه ودى حاجه لا يحترفها الا المصريين
وبرده احساس ادرينالينى عالى وانت بتاخد شمال واحد ومركز جامد علشان تعدى منه وفى نفس الوقت بتفادى المطبات والحفر اللى على شماله بدون ما يحصل كارثه ودى مهاره مصريه خالصه
وبرده مهاره تانيه فى سرعه التصرف لما تبقى ماشى 120 على طريق سريع ( حط تحت سريع دى 10 خطوط ) وتلاقى فى وشك مطب او حفره , ويا سلام لما تظهر مهاره السائق المصرى هنا فى تغيير الحاره فى لمح البصر بدون ما يفقد السيطره على العربيه او يفرمل ويدخل ورا اللى جنبه بحركه تلقائيه لا يتمتع بها الا المصريين
ولو حصل ولا قدر الله طرت من فوق المطب هتشوف الاسفلت من فوق وانت جوا عربيتك ودى اتحدى اى خليجى عملها قبل كدا
وبعد كل ده الحفر مفيده فى اظهار اى عيب فى العفشه بحيث ان لو فى اى مشكله هتحس بيها فورا لان مينفعش تروح مشوار من غير مطبات وحفر
وبرده بتبقى فرصه سعيده لكل من معاه عربيه زيرو وعايز يجيب عفشه رياضيه بس مستخسر يرمى القديمه فيقوم ياكل بيها شويه مطبات وتبوظ العفشه ويرميها وعلى وشه ابتسامه عريضه
وسلملى على الشعب اللى دايما ظالم الحكومه بتاعته
على فكرة..
انا عشان اوصل للطريق الرئيسي من عند بيتي بعدي على عدد 6 مطبات !!