زيارة لأحمد عمارة

**amrfox2002eg** · 07-11-2009 05:45 PM

توجهت أمس الجمعة لمركز الخدمة المعتمد لبيجو (احمد عمارة) علشان اضبط عربيتي العزيزة بيجو 305 وكنت قد سألت من قبل وعرفت انهم بيفتحوا الساعة تسعة وفعلا كنت هناك حوالى الساعة تسعة ونص فسألت قالى استريح شوية لغاية لما حد يجى واولى الملاحظات ان المركز عبارة عن قسمين القسم الاول وهو خاص بالعربيات الجديدة 405 ، 406 ، 407 ,,, وشكله ده من بره مركز متكامل ياعنى كل حاجة ميكانيكا وكهرباء وكله والقسم الثانى وهو ما تعاملت معه فعلا طبعا انا عرفت من الزملاء الاعزاء ان احمد عماره مركز متكامل حتى للعربيات القديمة مادامت بيجو وانى اديله المفتاح وهو بيظبط العربية كلها المهم العربية كان فيها شغل ميكانيكا وشغل عفشة وشغل فى العدادات قلتله على الميكانيكا ( تركيب قاعدة موتور ، صوت عالى ، تسريب فى تنك البنزين عند امتلائه ، دخانة سوداء من الشكمان ، فرامل ضعيفة ) وشغل العدادات (مؤشر البنزين عايز يترحل شوية ، عداد السرعة وال ار بى ام مش شغالين ) هو عمل قاعدة الموتور واخدت هواء للفرامل والصوت العالى قال عايزة عمود كامة وتاكيهات هاتهم وانا اركبهملك وتنك البنزين قال ما ينفعش يتعمل فى ايه حاجة وما بصش عليه قالى هات واحد استيراد وانا اركبهولك أما شغل العفشة قالى العفشجى ما جاش وشغل العدادات قالى لا ما باشتغلش فيه وسألته عن السمكرة والدوكو قالى برضه ما باشتغل فيه وخلاصة الزيارة لأحمد عماره بيجو
تخصصات احمد عمارة فى العربيات البيجو القديمة ميكانيكا وكهرباء فقط
التعامل محترم
الشغل نضيف واحترافى
قطع الغيار الجديدة فى محل تبعهم جنبيهم على طول
بس مش شغال كـــــله ياعنى ميكانيكا وكهرباء بس

**the-hero** · 07-11-2009 06:18 PM

طب والمصناعية اخبارها اية ودفعت كام

**the-hero** · 07-11-2009 06:19 PM

وياريت العنوان كمان عشان الكل يستفيد

**ya_broker** · 07-11-2009 11:59 PM

احمد عماره ده اكبر حرامي رحتله قبل كده
انا عربيتي 206 و قبل كده نضفلى الرشاشات و كانت الفاتوره 500 جنيه ده غير المعامله السيئه جدااااااااو من ساعتها مرحتلوش تانى
نصيحه روح ابو رواش

**amrfox2002eg** · 07-11-2009 11:59 PM

المصنعية تمام ياعنى الصنايعيى اللى اشتغل فى العربية كويس جدا وزى ما انا ما قلت الحاجات اللى حصلت فى العربية(تركيب قاعدة موتور + اخد هواء للفرامل وتظبيطها + تعلية الدبرياج) القاعدة اللى اشتريتها ب 25 جنيه والمصنعية 15 جنيه وانت بقى تشوف الصنايعي والعنوان ش احمد عمارة - مصر القديمة - خلف حديقة الفسطاط وبعد مرور عين الصيرة مباشرة

**amrfox2002eg** · 08-11-2009 12:02 AM

الاخ ya broker المشكلة ان انا باتكلم هنا عنه كميكانيكى للبيجو القديمة مش مركز خدمة معتمد للعربيات البيجو الجديدة ياعنى انت عارف ان اى ميكانيكى مابيرضاش يحط ايده فى البيجو وخصوصا ال 305

**the-hero** · 08-11-2009 05:31 AM

المشاركة الأصلية كتبت بواسطة ya_broker

احمد عماره ده اكبر حرامي رحتله قبل كده
انا عربيتي 206 و قبل كده نضفلى الرشاشات و كانت الفاتوره 500 جنيه ده غير المعامله السيئه جدااااااااو من ساعتها مرحتلوش تانى
نصيحه روح ابو رواش

500 ج مصنعية ليه عمل ايه اكيد ركب قطع غيار

**ya_broker** · 09-11-2009 12:22 AM

المشاركة الأصلية كتبت بواسطة the-hero

500 ج مصنعية ليه عمل ايه اكيد ركب قطع غيار

ولا ركب اي حاجه
انا كنت رايح اساساعلشان الار بي ام كان بيعلي و يوطي لوحده و مش عارف ايه المشكله
كل اللى عمله انه نضف الانجيكشن بس حتى انا اتخانقت معاهم و قلتلهم 500 جنيه ليه |(مع واحد اسمه المهندس ماهر )قاللى الفكره مش فى اللى اتعمل الفكره فى معرفه المشكله

**monmonmon** · 09-11-2009 01:06 AM

المشاركة الأصلية كتبت بواسطة ya_broker

ولا ركب اي حاجه
انا كنت رايح اساساعلشان الار بي ام كان بيعلي و يوطي لوحده و مش عارف ايه المشكله
كل اللى عمله انه نضف الانجيكشن بس حتى انا اتخانقت معاهم و قلتلهم 500 جنيه ليه |(مع واحد اسمه المهندس ماهر )قاللى الفكره مش فى اللى اتعمل الفكره فى معرفه المشكله

يا سلام دا ايه العبقرية دى... معرفة المشكلة
دا عايز يترقى و ياخد فيزا

**the-hero** · 09-11-2009 06:24 AM

الحق عليك انت ازاى تدفع مبلغ زى دة كنت طلبت له النجدة ده استغلال

الموضوع: زيارة لأحمد عمارة

LinkBack

أدوات الموضوع

عرض

-

-

-

-

-

-

المواضيع المتشابهه

مبروك لأحمد فهمى و فادى

!!!!روححححححححححححت لأحمد فهمى !!!

شكر خاص لأحمد عبد المقصود

قصيدة من أوباما لأحمد مطر

الكلمات الدلالية لهذا الموضوع

المفضلات

المفضلات

ضوابط المشاركة