عرض للطباعة
ايهما أفضل لادا 2107 روسي و لا رينو لوجان بيسك ... مع العلم ان سعر لادا الروسي 55000 واللوجان البيسك 56000 يعني السعر متقارب جدا . ولكن ايهما مناسب :U_thin1[1]: و أكثر عملية لأني بصراحه محتار بين الأثنين . أرجو المساعدة في اتخاذ القرار السليم... وشكرا....
الادا اللى بتتكلم عليها فيها تكييف وباور وفول اوبشن....الرينو مفهاش حاجه خالص ودى حاجه مش حلوه....
انا راى هات الادا هتريحك فى الصيانات واعتماديه اكتر
هات الرينو و يبقى املاها براحتك التكييف ساندن ياباني مش هيكلفك اكثر من 3000 جنية
و غير كدة الرينو في اعادة بيعها هتبقى ماسكة سعر شوية عن الادا
يعني مثلا في 2005 كانت الاكسنت زيرو هي و الادا ب 51500
دلوقتي المستعمل الادا بتعمل 37-38 ااما الاكسنت بتعمل 45 الف
هااات اللادا و انت متطمن موش علشان سألت في قسم اللادا ومعظم الموجودين من اصحاب اللادا بــــــــس فعلا الاكثر اعتمادية و الأضمن لسعر اعادة البيع و الأقل مصاريف والله أعلم هي اللادا 2107 بس هاتها الروسي و ركبلها تكييف ياباني لو عاوز
في ناس بتتكلم عن اللادا علشان موديل قديم جدا و تكنولوجيا قديمة بس فعلا مازالت مثبته لجدارتها عاوزك تسأل أي سواق تاكسي معاه لادا 2107 روسي عن كلامي هيقوللك انه فعلا سعيد جدا جدا بيها وانا فعلا موش متطمن لللوجان الجديدة
بسم الله الرحمن الرحيم
انا راى تشترى اللادا بص سيبك من الكماليات كلها ممكن تتركب لكن ( قارن ما بين صاج الرينو وصاج الادا ) وقارن ما بين مصاريف اللادا ومصاريف الرينو وخصوصا فى بلدنا دور على ميكانيكى للادا وملا ميككانيكى للرينو ) الفرق الوحيد هو الشكل بس مش اكتر الرينو هى اللى تكسب ولكن اللادا عملية جدا وعربية تتحب
صاج اللادا 2009 مش جامد ولا حاجة, اى احتكاك بيخليه مطبق, و العربية مشاكلها كتير, ذهبت للضمان لمعالجة عيوب تصنيع 3 مرات حتى الان و العربية يا دوب عاملة 3000 كيلو, مرة السرموستات بتاع المروحة عطل و ظلت المروحة تعمل حتى فضيت البطارية, و مرة فضلت السيارة تنتش و تترج و تتوقف فجأة و طلع الموتور عايز ضبط, و مرة لأن تدويرها الصبح حاجة صعبة جدا, و لا يزال و ربنا يستر فى الشتاء, و دلوقت السنتر لوك - وهو الكمالية الوحيدة- بيعلق, لكن بأجل مشوار التوكيل, لأنه بيضيع النهار و يحرق الدم, و فوق كده قفل السيارة اتضح أنه بيفتح بالمفاتيح المشابهة و اتسرق منى الأستبن وهو جديد و الطفاية, ده غير أن سواقتها و حتى غلق بابها محتاجة قوة بدنية, ربنا يعطينا الصحة
فعلا
بلاش لادا ابدا
كانت معانا مو 95 بس ايامها كانت عربيه كويسه
حاليا انا اركب ماروتى ومش اركبها خالص
بلاش لادا خلاص راحت عليها
كل زمن وله عربياته
التكييف والباور دلوقتي مهميين جدا في اي عربية وحرام تجيب عربية من غيرهم فهنا هات لادا ولو تقدر تزود وتجيب لوجان هاف اوبشن يبقى احسن بكتيير
رينو افضل شكل جديد و سعرها حلو و مريحة فى الجلوس
اما الادا
خدمة شاقة كل الميكانيكية تفريبا فاهمين فيها بس مش مريحة فى السفر موديل قديم و صوت موتورها عالى اوىى و الراى الاخير ليك شوف انهى انسبلك و توكل على الله
لوجااااااااااااااااااان
بدون تفكير
الصراحه انا شايف انك بتظلم الادا لما بتقارنها بالرينو من نواحي كتير...
فرق التكنولوجيا و استهلاك البنزين كبير لصالح الرينو لكن لو بتدور على عربيه (ب 50 جنيه تروقها ) يبقي الادا ....
انا عامه من واقع تجربتي اللي عايشها مع عربيتين لادا(نيفا 1993 و 2107 موديل 2008)و بتدور على راحه و سهوله و توكيل(خلي بالك ان قطع غيار الرينو مش رخيص زي الادا) يبقي خليك في الرينو...
عايز عربيه تقضي مصلحه و لو عطلت ممكن تتلم و متصرفش كتير يبقي الادا مع العلم ان الجديد و اقصد هنا الرينو مش الادا اعطالها مش كتير (انا الابلاتين و الكوندنسر كرهوني في عيشتي)...
عامه الادا عيوبها الاتي: الات الجر و بذاات الكرونه بعد ال 150,000 بتون و طبعاً عيب مجموعه الدبرياج و غير ان العربيه دريكسيونها بالفعل تقيل لو من غير باور و موضوع البيض و العفشه في الموديل ال 2107 و توكيل موتوفي اكلينيكياً و للعلم ضمانها سنه او 10,000 كيلو....
لو فاكر ان تكييف الادا هيبقي زي العربيات الجديد للاسف هو حمل على الموتور و مش قد كده عشان يبقي فرق يكون لصالحها...
انا معرفش عيوب اللوجان بس الادا كما ذكرت دي العيوب الشائعه اللي ممكن تصادفها و ممكن ربنا يكرمك ولا تقابلها...
الصراحه اللي هيفرق في الموضوع دا الرينج اللي انت حاطه في دماغك و قدرتك على تحمل مصاريف الصيانات العاديه ولا قدر الله في حاله الاعطال و الحوادث...
يا رب اكون افدت و انصحك تصلي صلاه استخاره و ربنا يوفقك للاصلح
انا كمان عندي نفس الحيرة أنا عندي لادا 2017 موديل 2005 بفكر ابيعها واجيب لوجان وخصوصا ان كل الناس بتشكر فيها وفي عفشتها ولكن برضه صعبانة عليا اللادا وقوتها الجبارة ورخص قطع غيارها:dzey::dzey:
لادا تاني
كله إلادا
كفاية بقى
لادا 2107 روسي سعرها 55 ألف !!!!!!!!!!!!
بدون تكيف أو باور واللي يقولك كده يبقى مشافش
اللي فيها تاكييف وباور هي الصري
المهم بلاش نقارن القرن الواحد والعشرين بالقرن التاسع عشر
اللادا راحت عليها خلاص
وأكبر غلطة هي إنهم سمحوا إنها تخش مشروع التاكسي الجديد في القاهرة
طالما حضرتك وصلت بالمبلغ إلى 55 ألف جنيه
يبقى ممكن تشوف اللوجان
أو إتفرج على الصيني
لكن بلاش تشتري سيارة بتحتضر
الصيني برقبة اللادا (مش أي صيني طبعاً)
ولي وجهة نظر
طالما حضرتك وصلت بالمبلغ ل 55 ألف
بلاش تفكر في سيارة غير مكيفة
مينعش
هتحس بإنها علبة صفيح في الصيف مهما كان جمالها
زود خمسة وهات المكيفة
بلاش تفكرني بناس بتندم الآن أشد الندم ربنا يعوض عليهم
و
والسلام عليكم ورحمة الله وبركاته
خير الكلام ما قل ودل انت جبت الخلاصه....اقتباس:
المشاركة الأصلية كتبت بواسطة ahmed1981
ربنا يكرمك
على فكرة
الرينو والاسكودا والفورد قطع غيارها من اغلى قطع غيار السيارات فى مصر طبعا بعدbmwوعربيات الفأة الاوى
المشكلة للاسف مش من السهل حد يلاقى لوجان بيسك لآنى سئلت عليها فى كذا مكان مش موجودة فالواحد مضطر يزود شوية ويجيب الهاف أبشن وهى للحق أفضل وأحسن من البيسك كتيير وفرق السعر 6000 جنية ولو حاولت تركب الحاجات الناقصة هتكلف أكتر من كدة ولن تكون أبدا مثل الفبريكا دة لو لقيت البيسك أصلا وبالتوفيق ان شاء الله