الموضوع: موضوع عجيب سمعته عن اللوجان

المشاركة الأصلية كتبت بواسطة alfa_we

لو كنت قريت كويس فى قسم رينو كنت هاتصلحلهم المعلومة وانت واقف
الرفارف صاج 100 %

+111111111111111

المشاركة الأصلية كتبت بواسطة zkralla

أنا استملت العربية النهارده بحمد الله
أنا مبسوط جدا بالعربية وبسحبها وثباتها ونعومتها وحاسس أن ربنا وفقنى للعربية ديه وعقبال الجميع
لكن سمعت حاجة عجيبة جدا وأنا بركن تحت البيت كان فيه سمكرى معرفه واقف قالى مبروك بس خد بالك من الرفارف الامامى اصلها فيبر فأنا استغربت جدا بس هو بيأكدلى الموضوع ده أنا مش فرقة معايا عشان كلها محصله بعضها وربنا سبحانه وتعالى هو الى بيسترها بس الموضوع عجيب شويه رحت وأنا ماشى سألت واحد بوهيجى جامبه فقالى نفس الكلام فيه حد عنده معلومات مؤكده

و بعدين يا باشا ماهي الميجان رفارفها فيبر ايه اللي حصلها امان 5 نجوم و عربية جميلة
مش مثلا لو حد سند عليها هتنزل تلاقي العربية مطبقة ولا حاجة ده بالعكس في زميل هنا في المنتدى ميكروباص خبطه من ورا نزل لقى نغزة بسسيطة اوي في الاكصدام و الميكروباص جاب فانوس و مش عارف حاجة تانية

المشاركة الأصلية كتبت بواسطة zkralla

الكلام ده طلع كلام فاضى لان الرفرف اليمين عندى اتخبط وهى واقفة بعد اقل من اربعة وعشرين ساعة من الاستلام ولكن قدر الله وماشاء فعل المهم ان الرفرف طلع صاج وطلع الكلام الى اتقالى كلام فاضى بس مش عارف ليه الناس بتحب تفتى وبتتكلم بثقة شديدة وهى مش عارفه حاجة بالرغم من أن المفروض انهم صناعيية

لا اله الا الله
قدر الله و ما شاء فعل
يا باشا للاسف الناس بتحب تهاجم كل ماهو جديد حتى لو بدون علم و الحمد لله انها جت في الحديد و انك سليم
متنسا تقول اللهم اجرني في مصيبتي و اخلفني خيرا منها
و طلع حاجة لله على العربية علشان شاكلها واخدة عين متينة للاسف
الناس مبقتش تحب للناس الخير
و طمنا عملت فيها ايه
و قلي صحيح انت مأمن ولا لأ؟ انا عارف انو سؤال غبي شوية لانك كاتب انك كنت لسة مستلم بس يا رب تكون كنت مأمن