الموضوع: إزاى أسوق سواقة ملوكى...

المشاركة الأصلية كتبت بواسطة dr.sherif mansy

إسمحوا لى اضيف رأيي فى الحكاية دى فى 4 نقاط :

أولاــ المفروض ان هى دى السواقة اللى الكل يسوقها ، التزام بالسرعة القانونية للطريق ، التزام بالحارة المرورية ، التزام بقواعد المرور ، العمل بالقاعدة القديمة التى تقول : "القيادة فن و ذوق و أخلاق".

ثانياــ المفروض لمن يجلس خلق المقود أن يتحلى بهدوء النفس و الأعصاب و ألا يسمح لحالته المزاجية بالتحكم فيه و فى قيادته ، زى ما كلنا بنعمل فى الشغل ، بنفصل بين حالتنا النفسية و شغلنا ، مثلا ممكن اكون سايب بناتى تعبانين و سخنين فى البيت وهاموت من القلق عليهم و لكن أدخل عملية و انا هادئ و متحكم فى نفسى ، المفروض السواقة تكون كده برضه.

ثالثاــ زمان ايام الشقاوة كنت باسوق ساعات كده و ساعات بجنون ، و لكن لما بقيت مسئول عن عائلة بقت كل سواقتى (تقريبا 99%) كده ، لدرجة ان اصحابى القدام بيعاكسونى و يقولوا لى "سواقتك بقت عواجيزى" لكن مش بيهمنى

رابعاــ و الله مهما نعمل و نحاول ، هاتلاقى اللى يكسر عليك و يغرز من قدامك و يفضل يحدف عليك ..:b4_048:.. يا توسع يا يخبطك ، و يا سلام لما سواقين التاكسى و الميكروباص يلاقوا ان واحد منهم كسر عليك و انت ما عملتش حاجة ، تلاقى الكل بيتسابق علشان يكسروا من قدامك و يغلسوا عليك. أنا استويت منهم و دايما باحاول اطنش و أكبر دماغى .... هى دى شوارعنا و هى دى سواقة الناس عندنا..

و تحياتى

+1111 تماام جدا

و مهما كانت سواقتك هادية حتي لو راكب رولزرويس برضو مش هتسلم من العالم التييت اللي الذوق مبينفعش معاهم مطلقا ، يا تمشي بالدراع يا هتلاقي طوب الأرض بيلطش فيك ، وكل وقت و لية ظروفة

مش عارف حضرتك جبت منين ان الناس الماشية هادية بتبقي واخدة حقها ، بالعكس انا شايف انهم بيبقو "ملطشة" خصوصا في الزحمة

بالنسبالي معظم الوقت بمشي كدة برضو في متوسط من 90 لـ 120 وبمسك الحارة اللي في النص ، مع الفارق اني مبسمحش لحد مطلقا انة يهبل معايا