دي طريقتي في السواقه وشايف انها كويسه نوعا ما
مش بغير حارتي الا في حاله ان يكون قدامي عربيه ماشيه براحه
التحرك شمال او يمين باستخدام الاشارات
بسيب مسافه معقوله بيني وبين العربيه اللي قدامي واللي عاوز ياخد غرز ياخد ولا حينفعني ولا حيضرني
لما بتجاوز عربيه بيبقي من شمالها وبنبهه بكلاكس خفيف علشان يعرف اني موجود ولما حد بيديني كلاكس وبيحاول يعديني برد عليه علشان يعدي ويفهم اني شايفه
غير كده بقي بلتزم بالسرعه المقرره ايا كانت ويوم ما انحرف امشي باعلي منها 10 كيلوا الا لو الطريق فاضي جدا
مش بحاول اشد مع حد سواء عربيته اقل من عربيتي ولا اعلي من عربيتي لان كل واحد عارف امكانيات عربيته وعارف هي ممكن تعمل ايه فمش محتاج يثبت حاجه للناس
مش بعللي الكاسيت ومش جايب سماعات عاليه علشان مصدعش حد ولا حد يسمع بره العربيه انا مشغل ايه
وفي نفس الوقت اكون سامع اي خلل ممكن يحصل في العربيه
اظن ان دي طريقه معقوله
والاهم من كل ده انك لما تتحرك من مكان وتروح مكان تاني يكون باقصي قدر من السلامه للعربيه واللي جوه العربيه