ربنا يسترها معانا كلنا
عرض للطباعة
ربنا يسترها معانا كلنا
لا حول ولا قوة الا بالله
بجد انا بتخنق مجرد انى بشوف عربية نقل كبيرة ولا مقطورة معدية بس من جنبى وبقول ربنا يستر
انا كنت نازل القاهرة ساعة الحادثة دي وفضلت واقف قبل كوبري بنها بمسافة حوالي 2 كيلو وقفت ساعة تقريبا والطريق بدأ يتحرك وفي الأخر اكتشفت ان الناس بتدخل من جنب كوبري بنها لكن الطريق نفسة ممشيش ، روحت داخل من جنب الكوبري برضو ولافف وراجع تاني والكوبري نفسة كان واقف
انهاردة بقي نزلت القاهرة وكان في فعلا التريلا اللي مقلوبة دي وصناديق الأزايز علي جنب الطريق ومكانش في غير حوالي 3 عربيات اللي فاضلين من الحادثة ، هيا بعد بنها بحوالي 5 كم وانت متجة للقاهرة ، يعني الطريق كان مرصوص حوالي 10 كم عربيات واقفة ورا بعضها
الحمد لله اني رجعت ، موقفتش غير ساعة وشوية بس كفاية قوي
علي فكرة الشبورة كانت موووووووت يعني انا كنت عند موقع الحادثة الساعة 10 تقريبا والشبورة كانت لسة موجودة
وانهاردة برضو كان في حادثة تانية وقفنا بتاع نص ساعة بس ، مش فاكر كانت فين بالظبط بس تقريبا قبل طوخ ، الطريق كان غرقان زيت وشكلة كدة زيت مواتير والله أعلم
كل يوم على هذا الحال...
والله الواحد كره السفر بسبب الحوادث دي
الطريق لو مفتوح مبيخدش ساعة زمن...ومع ذلك اخد مني يوم السبت اربع ساعات ويوم الثلاثاء اللي فات اخد 3 ساعات
وبتيجي دايما في مواعيد صعبة جدا للأسف
شكرا للاخوه الافاضل اللى ردوا فى الموضوع
والله الطريق الزراعى ده لن ينصلح حاله الا بوقف سير عربيات النقل عليه .. ويعملولهم طريق خاص لوحدهم بعيد عن الملاكى والاجره والربع نقل
اللهم احفظنا