ايـــه أفضل الخيارات في رينج 50 ألف جنيه ؟؟

**a7madramadan** · 08-11-2009 12:22 AM

السلام عليكم و رحمة الله و بركاته

أنا ليا واحد صاحبي عمااال يسألني و تااايه و انا تاااااايه معاه في الاختيار لأفضل عربية في رينج ال 50-51 ألف جنيه و لإني مالك لعربية لادا 2107 و مريحاني قولتللو ممكن يجيبها و هو ماعندهوش اعتراض بس حابب اعرف اييه الخيارات التانية الي قدامه

موش فارقة كتيير ان كانت العربية جديدة زيرو أو عالأقل حالتها نظيفة جدا (موديل السنة الي فاتت)
-تكون قليلة المشاكل -و متينه علشان احنا في مصر -و الشكل يا سيدان عادية او هاتش باك مافيش مشاكل- الجيربوكس مانيوال - الكماليات موش مهمة قد كده بالنسباله - استهلاك معقول للبنزين و الأقل أفضل - و موش مهم ان سعر اعادة البيع يوقع للأرض بعد سنتين ولا حاجة لإن العربية هتتجاب علشان يتقعد بيها فترة كبيرة بس يكون الوقوع في السعر يستاهل ان العربية تتجاب برضه

أنا عارف ان هنا أحسن ناس بتفهم في العربيات في مصر كلها فقولت اني أسأل اخواني هنا قبل ما اقوله آخر كلام ولكم جزيل الشكر

**mexmarine** · 08-11-2009 03:49 AM

معايا عربيه اوبل استرا موديا سنة 2000 1200 سى سى فول اوبشن إير باج للسائق لون زيتى ميتالك رخصه حتى 2011 بإسمى ( صاحبها) بالأسكندريه فابريكه دواخل بحالة الزيرو و رشه بره حزام الفرش جلد و الكاوتش جديد و بطاريه جافه , صناعه المانى و موفره بنزين و موتور 2 كامه
إيكو تيك ( قطع غيارها مش غاليه و لا يوجد بها اى اصلاحات .

**ACE** · 08-11-2009 04:29 AM

ممكن يشترى رينو كليو
عربية ممتازة وهتكون ارخص من 50 الف كمان

**محمد أنور** · 08-11-2009 08:32 AM

لانسر كريستالة موديل 99 او 2000

**a7madramadan** · 08-11-2009 11:52 AM

يعني أخليه يسيبه من موضوع اللادا الزيرو ؟؟

و أخليني في المستعمل افضل ؟؟ بس الموديلات الي بتقولو عليها موديلاتها قديمة نسبيا معظم الي بتقولوه موديل 2000 موش دي بتكون متبهدله استهلاك للموتور و العفشه و الخ ؟؟؟

**ACE** · 08-11-2009 03:41 PM

المشاركة الأصلية كتبت بواسطة thediesel

يعني أخليه يسيبه من موضوع اللادا الزيرو ؟؟

و أخليني في المستعمل افضل ؟؟ بس الموديلات الي بتقولو عليها موديلاتها قديمة نسبيا معظم الي بتقولوه موديل 2000 موش دي بتكون متبهدله استهلاك للموتور و العفشه و الخ ؟؟؟

لا ال 50 الف ممكن يجيبو كليو موديل 2005 او اعلى