الموضوع: مرسى ياس تحفة ابوظبى التى اذهلت العالم (تحقيق كامل )

المشاركة الأصلية كتبت بواسطة lord_fouad

بس ملحوظة مهمة .. الامارات و كل دول الخليج ليس عندهم الخبرة لبناء قشاية واحدة من هذه المباني .. كله مستورد في مستورد حتى البشر

و ايه يعني!!!!!!

ما احنا استوردنا شركات نظافة و الحمد لله الزبالة في كل مكان و بزيادة فوق ما تتخيل

و استوردنا خبراء ايطاليين للسكة الحديد و للأسف الحوادث شغالة يوميا

المهم تكون عارف هدفك ايه و تجيب ايه من برة هل تجيب خبرات و امكانيات تبنيلك حاجة تكون سبب في ازدهار السياحة و تديلك شهرة و عائد مادي جبار و فوايد كتير ولا لا مؤاخذة تستورد..........قمح فاسد غير صالح للاستخدام الأدمي

تجيب شركات دولية و تحاول تحتك بيها و تسجل أرقام قياسية و تعمل أطول برج في العالم كل شققه و فلله متباعة من قبل ما يحفروا الأساس و جاب تمنه أضعاف مضاعفة ولا تستورد من الصين غشاء بكارة صناعي و لعب أطفال مسرطنة!!!!!!!!!!!!

انا رأيي انهم كان ممكن يضيعوا الفلوس دي على الرفاهية و قصور اوروبا المفروشة بالدهب و المرصعة بالألماس لكن المشاريع اللي زي دي استثمار ملهوش حل و فوايد بلا حدود.................

اما بالنسبة لموضوع الاستثمار في التعليم و الصناعة اللي بتقولوا عليه فاعذروني كلامكم وجهة نظر شخصية بدون اي دليل....انا كنت بأتعلم هنا في مدارس حكومة مجانية و كانت اكتر من ممتازة من امكانيات و معامل و مدرسين و مكيفات و كل شيء و الكلام ده من التسعينات اكيد اتطوروا جدا دلوقت و بيبعتوا المواطنين بعثات و عاملينلهم كليات فيها مدرسين أجانب و امكانيات ضخمة جدا و بيوزعوا عليهم لابتوبات في الجامعة.......اذكر سنة 2002 كنت هناك و صاحبي قالي لازم أروح حالا أصل الموقع بتاع الكلية خلاص هيقفلوه و أنا نسيت أسجل المواد اللي عايز أدرسها التيرم ده عالنت!!!!!!!!

كنت هألطم طبعا و قلت ربنا يخليلنا هندسة حلوان اللي مريحانا من الهم ده و بتختارلنا هيه المواد أوتوماتيك...........

و كذلك المصانع فدبي و أبوظبي فيها مصانع كتيرة جدا نظرا للتسهيلات اللي بتقدمها و فيه حاجات منها بتتصدر ....وكلكم سمعتم عن مفاوضات دايملر كرايزلر لبناء مصنع في جبل علي بدبي و شركات تانية كتير و كفاية ان كل الشركات العالمية عالأقل شركات السيارات مكاتبها الأقليمية في دبي لادارة الشرق الأوسط كله

ياراجل ده توكيلات العربيات هنا في السعودية لما بتكون عربيتك زي المرسيدس و الكاديلاك و كده فيها عيب جامد جدا بيبعتوها دبي تتصلح هناك لأن المركز الرئيسي و الورش الرئيسية هناك و تقدروا تسألوا في الموضوع ده لأنه معروف...........و غير كده كتير من نماذج ان الناس دي عايز يكون لهم مكانة دولية و ده واضح حتى في المعارض العالمية و المنتديات و الندوات اللي بيستقبلوها..........

يكفي ان مفيش فندق بياخد تصنيف 5 نجوم هناك الا لو كان من ضمن الشروط وجود مهبط طائرات هليكوبتر فوقه علشان رجال الأعمال و المؤتمرات و كده.........فكر سابق عصره شوية.........فاكرين لما بيل جيتس جه مصر واشترط يقفلوله البلد لأن وقته ثمين جدا و علشان يروح من مطار القاهرة للفندق اللي هيعمل في مؤتمر صحفي مش عايز يضيع وقت في الشوارع!!!!

يكفي ان الامارات أخدت من يومين المركز الخامس على مستوى العالم في أكتر دول العالم تنافسية في الأقتصاد و التميز.....من المنظمة الدولية بتاعة الحاجات دي مش في استفتاء ولا في مجلة لأ من حاجة تبع البنك الدولي...................

تفتكروا احنا في المركز الكام في التنافسية على مستوى العالم في ظل الحكومة الألكترونية و الروتين!!!

لا تبخسوا الناس أشيائهم......الشاطر نشجعه و الخايب نساعده......احنا كلنا دين و دم واحد

اللهم ارزق سائر بلاد المسلمين الامن و الأمان و اجعل بلادنا سخاءا رخاءا و اشملها بعونك و رضالك ياربنا.......