مشكلة فى الدبرياج

**aymantop1** · 08-11-2009 04:03 AM

أولاً السلام عليكم إخوانى .
بقالى حوالى 4 أيام وأنا حاسس إن دواسة الدبرياج تقيلة عن المعتاد وبحس زى صوت تكتكة فيها وهى بتاخد مشوارها وخصوصاً فى الثلث الاول من المشوار والصوت ده بيبان أكثر لما العربية تاخد مشوار كبير وتبقى سخنة .!!
تانى حاجة إمبارح والنهاردة حصلت حاجة غريبة جداً وأنا واقف فى إشارة ودايس على الدبرياج لقيت العربية بتتحرك أنا اول مرة إفتكرت إنى بيتهايئلى المهم دوست فرامل ومورت وإديتها غيار وأنا دايس الدبرياج متحركتش النهاردة وقفت أنزل حد من العربية لقيتها برده إتحركت أول ما شيلت رجلى من على الفرامل برغم إنى كنت على أرض مستوية (مش منزل يعنى) .والموضوع ده إتكرر من إمبارح للنهاردة حوالى 5 مرات عايز أعرف تفسيركم للموضوع ده وهل هو عيب فى الماستر أو الاسطوانة وهل بداية لمشكلة فيهم .؟
أنا بصيت على زيت الباكم ولاقيتة فى نفس مستواه .
العربية لانوس 2003 عاملة 107 الف .. آسف للإطالة بس حبيت أشرح الموقف بالضبط

**mohamed_tr** · 08-11-2009 11:11 AM

اخى ايمن المشكلة اللى عندك كانت شبية من اللى عندى فى عربيتى النوبيرا
انا كان عندى لما ادوس على دواسة الدبرياج كان مش بيعشق الفتيس كويس وكان سعات تعمل ذى عندك تمش بسيط ذى ماتكون دايس علياه وبديت تشيل رجللك من غير ما تدوس بنزين مش بتمشى بسيط
وانا لما روحت للميكانيكى ملاقتش غير ان لازم اغير ماستر الدبرياج كلة والحمد لله بقت تمام
فجرب تروح لحد ويشفلك الماستر

**MMamdouh** · 08-11-2009 11:12 AM

المشكلة الاولى من الفورش.... رش علية WD40 الصوت حيروح

المشكلة التناية فى الغالب الماستر التحتانى للدبرياج مفوت... شيل الغطا الكاوتش بتاع الحماية حتلاقى تحتة زيت باكم... كدة يبقى الماستر مات

MMamdouh

**zocor742** · 08-11-2009 09:43 PM

المشاركة الأصلية كتبت بواسطة aymantop1

حاسس إن دواسة الدبرياج تقيلة عن المعتاد وبحس زى صوت تكتكة فيها وهى بتاخد مشوارها وخصوصاً فى الثلث الاول من المشوار

استاذ ممدوح الموضوع دة لسة ظاهر عندى جديد
من بعد ما كنت بسايس العربية والموبينا بايظة بعد ما غيرتها واتظبتت لقت زى تكتكة كدة فى الربع او الثلث الاخير للدواسة

هو فية حاجة كمان دواسة الدبرياج لما امسكها بأيدى واحركها فوق وتحت براحة بتتحرك زى مايكون فيها بوش (الحركة دى بعيدة عن مشوار الدواسة دى زى ماتكون حاجة متلخلخة) دواسة البنزين والفرامل مفهومش الكلام دة مظبوطين مسطرة الحمد لله

فى حاجة ممكن تسهل التحليل اول لما جبت العربية ركبت فيها جهاز للمعاق فى الدبرياج فقط لحد مارخصت وشيلتة بأيدى كان عبارة عن دراع(تظغط عالية ينزل الدواسة الارض تسيبة يرد لوحدة) وانا اللى فكيتة بنفسى وكان فية صواميل كتير اوى راكبة للجهاز دة
ممكن يكون فية صامولة مهوية او حاجة زى كدة
كان فية تزييق فى مشوار الدواسة واختفى بعد ما رشيت wd4 واختفى تماما لحد ما ظهرت التكتكة دى

هل فية رسم توضيحى اراجع بية على وضع تسبيت الدواسة وشكرا

**aymantop1** · 10-11-2009 02:18 AM

المشاركة الأصلية كتبت بواسطة mmamdouh

المشكلة الاولى من الفورش.... رش علية wd40 الصوت حيروح

المشكلة التناية فى الغالب الماستر التحتانى للدبرياج مفوت... شيل الغطا الكاوتش بتاع الحماية حتلاقى تحتة زيت باكم... كدة يبقى الماستر مات

mmamdouh

أستاذ محمد أنا بصيت النهاردة على الماستر التحتانى وملقتش إى أثر لأى زيت (البلف جاف تماماً) حضرتك فى إحتمالات أخرى تتسبب فى هذه المشكلة وللعلم إتكررت معايا مرة النهاردة . شكراً لإهتمامك ..

**MMamdouh** · 10-11-2009 11:48 AM

يبقى الماستر العلوى... دة مش حتشوفة الا لما تفك قربة مية التبريد او خرطوم الباكم بتاع الماستر التحتانى

MMamdouh

-

-

الموضوع: مشكلة فى الدبرياج

LinkBack

أدوات الموضوع

عرض

مشكلة فى الدبرياج - انشر الموضوع فى :

-

-

-

-

المواضيع المتشابهه

مشكلة فى الدبرياج

مشكلة مع الدبرياج

مشكلة في طقم الدبرياج

مشكلة في الدبرياج

مشكلة في الدبرياج

الكلمات الدلالية لهذا الموضوع

المفضلات

المفضلات

ضوابط المشاركة