لون الكروم

**alkingwr** · 12-11-2009 01:21 AM

المشاركة الأصلية كتبت بواسطة el prince

شكراً يا كينج
حاجه غريبه و أول مره أعرفها !!

طيب مفيش طريقه أعملها أنا ؟
يعنى هل ينفع قطن طبى و شوية تنر مثلا ً ؟

العفو يا باشا بص بقى انت
ممكن تجرب تعملها ببنزين او تنر بس لو مانفعش يبقى لازم تعملها ب مزيل بويا بس المزيل عايز حرص جامد لانة ممكن يزيل النيكل مع البويا و ممكن الشبكة تبوظ والشبكة بتبقى متنكلة و بعد كدة مرشوشة بطانة رصاصى و بعد كدة اللون الاسود
بس جرب مش هتخسر حاجة

**am79** · 13-11-2009 01:42 PM

يعني يا جماعه ممكن ان الواحد يفك الفانوس ويركب فيه عاكس الكروم ده

طيب هو اكيد استيكر بيتلزق
طيب ايه افضل الانواع منه وبيتباع بالمتر ولا بالرول ولا ايه نظامه
لو حد عنده فكره يفدنا في الموضوع ده
ايه افضل نوع وكم سعر المتر اول الرول فيه
لو حد يعرف برضه يعرفنا ازاي تشيل وش الفانوس

**ozy2026** · 13-11-2009 02:49 PM

المشاركة الأصلية كتبت بواسطة yasorastare

يعني ده ينفع انك تحطه جوه الفانوس الامامي لو عندك العاكس بتاع الفانوس اتمسح

انا بصراحه عملته فى فوانيس الأشاره والنتيجه كانت ان الفانوس بقى نوره اقوى بكتييير من الأول وبقى باين حتى فى النهار بيبقى ضؤه باين
بس مجربتوش فى الفوانيس الأماميه لأن انا اساسا عندى الكشاف اللى قدام ب 10 جنيه جديد

بس اعتقد مش هتنفع لأن الكشافات اللى قدام بتسخن جامد من اللمبه فممكن تبوظ اللزق

يعنى ممكن تعمله فى الكشافات اللى ورا او فوانيس الأشاره انما الفوانيس اللى قدام معتقدش

**ozy2026** · 13-11-2009 02:52 PM

المشاركة الأصلية كتبت بواسطة El Prince

شكراً اخ / ozy
جميله فكرة مراية الفانوس دى ..

أنا بفكر أنكل باقى الشبكة الاماميه للعربيه و هى فيها جزء بلاستيك أسود و جزء نيكل - ف عايز أخليها كلها نيكل
و شفت عربات عاملاها كلها نيكل عاملة زى الأصلى بالظبط
يا ريت الافاده ..
وشكراً مقدماً ...

العفو يا باشا على ايه

وفعلا انت ممكن تعمل بيه الشبكه بس لازم تتعمل بفن علشان شكلها يبقى حلو واعتقد هتبقى احسن من انك تشيل الدهان بتاعها (انا برضه اول مره اعرف ان شبكه الفيرنا نيكل اصلا)

**medozaed** · 13-11-2009 02:56 PM

الاستيكر مش هاينفع مع الفانوس لانه بيسخن جامد انا عملت الفانوس بورق فويل بتاع المطبخ بس شكله مش حلو اوى

**bmw323** · 13-11-2009 03:27 PM

بس حلوة أوى المعلومة بتاعت الشبكة بتاعت الفرنا أنها نيكل أصلا ياريت تعمل موضوع فى قسم هيونداى علشان لو حد حب يجرب لتعم الفائدة

**am79** · 13-11-2009 07:46 PM

المشاركة الأصلية كتبت بواسطة medozaed

الاستيكر مش هاينفع مع الفانوس لانه بيسخن جامد انا عملت الفانوس بورق فويل بتاع المطبخ بس شكله مش حلو اوى

يعني انت ياباشا جربت الفويل وبرضه مش حلو
طيب متعرفش ايه حل عاكس الفانوس ده اصل انا كنت ناوي اعمله بالفويل بس انت بتقول جربته ومش حلو
ياريت حل اصله عندي الفانوس الواحد استيراد ب 750 جنيه

**medozaed** · 14-11-2009 06:33 PM

لو الازازه بتاعت الفانوس شفاف مش هينفع اى حل لان العاكس لازم يكون بيلمع وفبريكه
لو الازاز بتاع الفانوس منغبش اعمل حكايه الفويل هتبقى النتيجه ماقبوله

**El Prince** · 15-11-2009 10:14 AM

المشاركة الأصلية كتبت بواسطة alkingwr

العفو يا باشا بص بقى انت
ممكن تجرب تعملها ببنزين او تنر بس لو مانفعش يبقى لازم تعملها ب مزيل بويا بس المزيل عايز حرص جامد لانة ممكن يزيل النيكل مع البويا و ممكن الشبكة تبوظ والشبكة بتبقى متنكلة و بعد كدة مرشوشة بطانة رصاصى و بعد كدة اللون الاسود
بس جرب مش هتخسر حاجة

جربت التنر إمبارح - فاشل جداً , طلع عينى ومرضيش اللون الاسود يطلع ...
الخسائر تمن إزازة التنر و القطن - و آخر التعب الشبكة بأت مجيره .. !!!

واضح ان لازم الواحد يروح لواحد صنايعى بتاع دوكو ..
وطبعاً هايعملى فتح و نصبه ..