عفشه كونى لاوكتافيا 4 2006

**khaledtag** · 08-11-2009 11:57 AM

السلام عليكم عايز اعرف اجيب منين عفشه كونى لعربيتى الاوكتافيا 4 2006 بس تكون ناعمه زى العربيات اليابانى عشان انا عارف ان العفشه الكونى بتبقى كذا نوع انا عايز النوع الناعم بس مش عارف منين اجيبها بالظبط ومين احسن واحد يركبها واسعارها ايه
ياريت يا شباب رد ضرورى
شكراااااااااااا

**Ahmed Selim** · 08-11-2009 12:20 PM

أنعم حاجة فى الكونى برضه هتبقى ناشفة مقارنة باليابانى......أنسى المساعدين الرياضية ( سواء كونى أو غيره ) لو بتفكر فى النعومة.

عموماً المساعدين الكونى موجودين عند أرابكوم فى مدينة نصر و هما بيبعتوك لواحد تانى عشان يركبهم.

**Ahmed Selim** · 09-11-2009 12:23 PM

المشاركة الأصلية كتبت بواسطة khaledtag

شكرا على الرد ياباشا بس انت قصدك ان الرياضيه مش حلوه ؟؟؟
طيب لو كده يبقى المساعدين الكونى العادى بكام
والعفشه كامله تعملها كام
وفين ارابكوم فى مدينة نصر بالظبط ؟؟؟
شكرررااااااااااااااااااا

العفشة عشان تكون رياضية لازم تكون ناشفة
و أنت عاوز حاجة ناعمة

و مينفعش الأتنين يبقو مع بعض.........

حتى الكونى العادى ( الأزرق ) برضه رياضى

أنت ممكن تسأل أرابكوم على ال OEM replacement الكونى بتاع عربيتك
وده بيبقى مساعد زى الأصلى تماماً بس كونى اللى عاملاه..............و مش رياضى

أرابكوم أول شارع يمين قبل شارع سيتى ستارز لو شارع سيتى ستارز على يمينك

**khaledtag** · 30-11-2009 01:14 AM

شكرا يا بااااااااااااشاااا

**mikology** · 03-12-2009 08:57 PM

انا بردو عاوز اجيب عفشه كونى بردو لعربيتى وهى تمبرا 91 بس مش عارف ايه الفروقات فى العفشه دى بالظبط - يعنى لما اجى اشترى ابقى عارف انا رايح اشترى ايه بالظبط
ياريت حد لو يقدر يفيدنى ولو يقدر يقولى ايه اللى هايتغير فى العفشه عندى و ايه اللى هايفضل وتقريبا الاسعار كام عشان الواحد يروح و مظبط نفسه قبلها وشكرا يا رجاله