بلي العجل جابلي هسهس في دماغي

**wisambasha** · 08-11-2009 12:15 PM

بلي العجل الامامي غيرته يوم 1 شهر 7 اللي فات بعد ما عمل معايا موقف زي الزفت وكان هايتسبب لي في كارثة علي طريق مارينا العلمين لولا لطف ربنا الحمد لله المهم غيرته بالنوع الياباني (الطقم كامل بالاويسيلات ب 160 + 70 جنيه تركيب عند الميكانيكي بتاعي)

عملت بيه حوالي 3500 كيلو في 4 شهور لحد ما ابتديت اسمع صوت خشونة واضحة جدا من كام يوم فتخيلت ان الخلفي كمان جاب اخرة لاني كنت مخطط اني اغيرة بعد ما غيرت الامامي

اشتريت بلي خلفي كوري ب 100 جنيه وركبته برضه عند الميكانيكي بتاعي يوم الجمعة اللي فاتت

وبعدين طلبت منه انه يكشفلي علي التيل الامامي وبالمرة يشوف اخبار بلي قدام اللي غيرناه من 4 شهووووور ايه؟
وكانت الصاعقة لما سمع احلي صوت خشونة وقاللي ايه المزيكا اللي انت ماشي بيها دي ؟؟!
البلي ده لازم يتغير لانه بايظ بالتلاته (بايظ بايظ بايظ) وواضح ان النوع اللي انت جبته ده مضروب
انا طبعا ذهلت ولما مشيت بالعربية فعلا سمعت الخشونة واضحة كأني ما غيرتش البلي الخلفي خالص واتاري اللي كان عاوز يتغير هو الامامي فعلا (يا خسارة فلوسي)
سالت علي البلي الاصلي في التوكيل وعند الجندي في دمشق لقيته ب 356 جنيه بالاويسيلات ونصحني اني ما اركبوش الا عند واحد ضامنه لانه البلي ده من النوع البلح اللي لازم يركب علي مكبس وما يدقش عليه وهو بيركبة
وكان عنده النوع الياباني زي اللي راكب وما نصحنيش بيه خالص وقالي برضه لازم يتركب عند حد فاهم

انا دلوقتي مش عارف اغيرة فين وهل اشتري الاصلي واغيره في التوكيل واضمن الشغل والا اشتري الاصلي لكن انا مااضمنش اغيرة عند الميكانيكي تاني

**zastaffa** · 08-11-2009 12:30 PM

علي فكره اللي بيبوظ البللي كتير هي الجنوط الاسبورت العريضه فلو انت مركب جنوط رياضي رجع الاستندر احسن واريح اينعم شكله بيئه بس احسن من وجع الدماغ

**zakiali** · 08-11-2009 12:48 PM

كان عندي نفس المشكله دي علي فكره في الفيرنا .. لازم تركب البلي الأصلي .. ومش مهم الفلوس . عشان تريح دماغك انا ركبت زيك كده في الأول بلي ياباني وبعدين لقيته ضرب بعد اسبوع .. روحت مركب الأصلي .. حاجة تقرف بجد محدش فاهم حاجه يا معلم ومفيش حاجه مضمونه في البلد التـــــيــــــت دي

**wisambasha** · 08-11-2009 01:22 PM

المشاركة الأصلية كتبت بواسطة zastaffa

علي فكره اللي بيبوظ البللي كتير هي الجنوط الاسبورت العريضه فلو انت مركب جنوط رياضي رجع الاستندر احسن واريح اينعم شكله بيئه بس احسن من وجع الدماغ

انا مركب الجنوط السوداء العادية اللي نازلة بيها العربية ولو هاجنط هاركب نفس المقاس 13

المشاركة الأصلية كتبت بواسطة zakiali

كان عندي نفس المشكله دي علي فكره في الفيرنا .. لازم تركب البلي الأصلي .. ومش مهم الفلوس . عشان تريح دماغك انا ركبت زيك كده في الأول بلي ياباني وبعدين لقيته ضرب بعد اسبوع .. روحت مركب الأصلي .. حاجة تقرف بجد محدش فاهم حاجه يا معلم ومفيش حاجه مضمونه في البلد التـــــيــــــت دي

اطب وافرض اني اشتريت الاصلي تضمن منين الشخص اللي هايركب ما انت لسة قايل بجد محدش فاهم حاجه يا معلم ومفيش حاجه مضمونه في البلد التـــــيــــــت دي

**ecybrarian** · 08-11-2009 09:11 PM

وسام باشا، انت ماقلتش لنا كيف تم تركيب البلي الأمامي اول مرة؟؟ لازم تركيب البللي يتعمل بكباس مش بالدقدقة والشغل التعبان ده. وعموما إللي يبوظ البللي ممكن يكون عيب زوايا، او شمعدان، او جنوط معوجة

**wisambasha** · 09-11-2009 12:52 PM

المشاركة الأصلية كتبت بواسطة ecybrarian

وسام باشا، انت ماقلتش لنا كيف تم تركيب البلي الأمامي اول مرة؟؟ لازم تركيب البللي يتعمل بكباس مش بالدقدقة والشغل التعبان ده. وعموما إللي يبوظ البللي ممكن يكون عيب زوايا، او شمعدان، او جنوط معوجة

شكرا يا هيشو
فعلا اول مرة البلي ركب فيها بالدقدقة مش بالكبس لان الميكانيكي قاللي مش كل العربيات البلي فيها محتاج مكبس علشان يركب

اما الزوايا انا باكشف للاطمئنان كل فترة والحمد لله انا ماعنديش جنوط معووجة والا كانت بقت واضحة في الترصيص او الطارة
هو ممكن يكون حاجة في الشمعدان فعلا او بقي في نوعية البلي او طريقة تركيبه

والله اعلم

**wisambasha** · 17-11-2009 02:50 PM

احب يا جماعة اني اقول كلمة حق وشكر واجب لتوكيل كيا فرع القطامية (محمد زكي) وبالاخص مهندس صلاح عيد مدير خدمة العملاء و المهندس محمد هاشم في الورشة

الناس بصراحة ذوق فوق العادي في التعامل مع مشاكل العملاء وخدمة ما بعد البيع وكمان بيتابعوا العميل بعد انتهاء الاصلاح من خلال التليفون لمعرفة التعليقات علي الاصلاح ان وجدت

انا غيرت عندهم طقم بلي عجل امامي كامل بالاضافة الي 2 شمعدان و2 صرة

بس حبيت انقل تجربتي دي ليكم علشان اللي ماجربشي المركز هناك يعرف معلومات اكتر عنه.

**aYaBooY** · 17-11-2009 07:46 PM

الف مبروك حل المشكلة
بس كلام في العموم مفيش اي بلي يركب او يتفك غير عند خراط علشان لما بيركب دق المحور مش بيكون مظبوط و بالتالي العزم بيكون غير متساوي و النتيجة البلي يبوظ
حاجة تانية البلي الاوروبي عموما خاصة الايطالي بيكون افضل من الاسيوي

**future_aya** · 17-11-2009 09:20 PM

احسنت ( كنت حقولها )

**future_aya** · 17-11-2009 09:24 PM

wisambasha كلامك 100% صح

الموضوع: بلي العجل جابلي هسهس في دماغي

LinkBack

أدوات الموضوع

عرض

بلي العجل جابلي هسهس في دماغي - انشر الموضوع فى :

-

-

-

-

-

المواضيع المتشابهه

دماغي هاتنفجر

يعني ابيع العربية ؟ ولا ارمي الجنوط ؟ اتوبيس جابلي الجمب التاني

دماغي مش في راسي

صنايعي جابلي المراره

انا خلاص هيجيلي هسهس وقراع

الكلمات الدلالية لهذا الموضوع

المفضلات

المفضلات

ضوابط المشاركة