السلام عليكم ورحمة الله
انا عاوز اعرف هل النيسان صنى موديل 2008 افضل من سيات كوردوبا 2008 وبالنسبة للفرق بينهم اية وايهما افضل وبالنسبة لقطع الغيار هل هى غالية
عرض للطباعة
السلام عليكم ورحمة الله
انا عاوز اعرف هل النيسان صنى موديل 2008 افضل من سيات كوردوبا 2008 وبالنسبة للفرق بينهم اية وايهما افضل وبالنسبة لقطع الغيار هل هى غالية
الصنى عربيه كبيره عن السيات كوردوبا فا مافيش مقارنه على ما اعتقد
كمان معروف ان الالمانى قطع غياره غاليه جدا ( بس انا مش متاكد من الموضوع دا)
يعني ايه حضرتك...اقتباس:
الصنى عربيه كبيره عن السيات كوردوبا
انا اعتقد عامة ان الكوردوبا افضل
بعدا اذنم تذكورو مواصفات الكوردوبا والصنى وعيوبهم اية لعمل مقارنة مبينهم لاكن مينفعش ان العربية اطول والعربية التانية احسن انا عاوز رد شامل للمقارنة مبينهم
موضوع العزل دة مشكلة لان الواحد حتبقى اغلبية مشاويرة للشروق والرحاب فحيجيلى صداع بسبب الموضوع دة دا انا فى الفيرنا حاسس بالموضوع شوية امال النيسان كمان لا وضيق الكنبة الخلفية وتقل الدركسيون على جنوط 15 نشوفية العفشة والكراسى كمان ناشف انا صرفت نظر عنها خلاص وشكرا لكل اللى رد على اسئلتى شكرا ليكم
انت اختصرت خالص يا وولف
بس والله جدع
ريحت دماغك
يا رب اعرف اعمل زيك واخد قرار
عشان انا تعبت جدا من الحيرة
السيات كوردوبا 1600 سى سى افضل من النيسان صنى بكتيررررررررررررررررر كفاية انها ماتور المانى فولكس فاجن وماتور الجيتا وفتيس الجيتا وبعدين قطع غيار الاوروبى كمان حتبقا رخيصة ولو كانت غالية دلوقتى عن النيسان صنى فمش غالية اوى يعنى
المواتير الالمانى ليست افضل من اليابانى ولكن كل واحد منهم ليه مميزاته وعيوبه
ميين الي تعب مع السيات؟.اقتباس:
...ولو جبت السيات هتتعب معاها
يعني موتور bmw m3 ولا مايفك؟اقتباس:
المواتير الالمانى ليست افضل من اليابانى ولكن كل واحد منهم ليه مميزاته وعيوبه
كوردوبا
ربنا وفق
مش عارف..حاسس إن المقارنه بينهم متنفعش..
زى مقارن بين..رونالدو..و كارلوس..ده حاجه وده حاجه..
النيسان أسلوب صناعه و قياده مختلف..و السيات دى مدرسه تانيه خالص..
النيسان أنا شايف إنها سياره عائليه الطبع نوعا ما..
السيات مش كده خالص..دى عربيه شبابى نوعا ما.يعنى.ممكن تقارنها مع المازدا مثلا.
بس النيسان.عربيه يتقال عليها .ترضى جميع الأزواق بنسب معقوله
انا مش من انصار اليابانى او الأوروبى وبحترم الاتنين، لكن شايف ان حكاية(موتور ألمانى) دى مش مقياس ، لأن الفيليشيا كانوا بيقولوا عليها موتور المانى وشفنا منها الويل، والأوكتافيا برضه ماشية رافعة العلم الألمانى المزعوم فوق دماغها ومع ذلك سحبها ضعيف بالمقارنة بأى عربية يابانى او حتى كورى فى فئتها، والأوبل كورسا"هاتشباك" كانت موتور ألمانى ومع ذلك بتسحب لما يجيلها مزاجها مش لما بمزاج اللى سايقها
ارجو ميتفهمش من كلامى انى بقول ان الكورودوبا وحشة لأنى مجربتهاش، لكن المقصد ان كلمة"موتور المانى" لا تصلح كحجة لا رد لهالإسكات المعارضين، التجربة هى المحك الوحيد، والكوردبا قليلة جدا فى مصر وليس لها سمعة معروفة سواء بالخير او بالشر، ولا نستطيع الحكم عليها لمجرد انها تحمل تحت كبوتها"موتور ألمانى" بدون تجربة او خبرة عدد من مالكيها الأمناء
ياشا انا سوقت الاتنين و اقدر اعملك مقارنه سريعه كده
انا اصلا معايا صني 2008 و الكوردوبا 2009 بتاعة واحد صحبي و اختها لفه منه علشان العربيه دي عاجباني اوي اوي
المهم اولا الكوردبا 1400 مش 1600 التسارع بتاعها معقول و قيادتها سلسه مش محتاجه مجهود الباور كويس شكل العربيه من جوه فخم و انوار التابلوه و كده علي عكس النيسان عاديه من جوه و الباور تقيل شويه ، الكوردوبا قعدتها ضيقه و في عيب رخم اوي اوي اوي بالنسبالي البدلات بتاعة البنزين و الدبرياج و الفرامل قريبه من بعض بدرجه ملحوظه و رخمه انا مقاس جزمتي 45 و كنت مضايق و انا سايق لان ممكن تيجي تدوس دبرياج طرف الجزمه ييجي علي الفرامل و الحركات الظريفه دي علي عكس النيسان
الكنبه اللي ورا انا ظبط الكرسي في الكوردوبا علي قعدتي و رجعت قعدت في الكنبه علشان احكم انهي اوسع طبعا النيسان اوسع و انا وزني 140 كيلوا تقريبا و طولي 174 لكن في النيسان بظبط الكرسي علي قعدتي في كرسي السائق و ببقي قاعد كويس ورا مش مرتاح لكن في الكوردبا اصلا اخت وقت عقبال ماقعدت و قفلت الباب و جيت اطلع منها
و اخيرا طلعت انا و صحبي نشد بقي علشان ابقي مقتنع ان النيسان احسن لاني كنت بقارن بينها ساعة لما جيت اشتري
المهم طلعت منه اول تاني ثالث بطول العربيه و بفرق عنه كمان لكن هو في الرابع كان مثبت معايا
بمعني المسافه بيني و بينه و احنا بنشد كانت بتزيد لحد ماجيبنا رابع و بعدين مكنش في زياده اخري انا كنت علي 130 تقريبا
دي تقييمي للعربيتين علي قد خبرتي يعني
ارجوا اكون افدتك
شكرا للتقييم
الكوردوبا طبعا افضل بكتير علة الاقل التقفيل
السيات تكسب من حيث جوده خامات و جوده تقفيل
الصني تكسب من حيث الانتشار و سهوله الصيانه
و سعر اعاده البيع و دي وجهه نظري المتواضعه
احلى كرم هو ده المفيد
شكرا على مروركم والتوضيح وشكرا على تجربة القيادة والتوضيح
ع فكرة دي فئة و دي فئة (يعني النيسان تتقارن ب اللانسر و الكورولا و الالنترا مثلا)و(الكوردبا(ابيزا بشنطة)تتقارن ب الفابيا و البولو و الكولت و اليارس مثلا) :10d5c8~1107:النيسان:10d5c8~1107: بقا ي سيدي سيارة عملية بكل المقايس (تقريبا نادرة الاعطال و اي حد يعرف يصلحها و قطع غيارها مش غالية و لا حاجة تقريبا زي اسعار قطع غيار النيو اكسنت و اقل كمان و تكيفها محترم جدا و عمرها الافتراضي طويل و هي عمتا مناسبة جدا لمصر و الطرق المصرية التي ليس لها مثيل ف العالم كلة) السيات بقا عربية افخم م الصني و اشيك م حيث التابلوة والعدادات و ممكن يكون عزلها احسن بس قطع غيارها نار وكمان مش منتشرة اوي خارج التوكيل و مليانة سنسورز و مش اي حد يعرف يصلحها. يعني م الاخر ايلي جاب سيات عمتا بيبقي عايش تحت رحمة التوكيل بس سيات بردو ماركة محترمة .