الحقوا البطارية

**exact** · 08-11-2009 03:00 PM

السلام عليكم
أنا معايا عربية سويفت 94 من حوالي شهر جبت بطارية اي سي ديلكو جافة 55 أمبير
المهم البطارية ركبتها ومكتوب طبعا زي مانتو عارفين العدسة خضرا اوك لو سوده تشحن لو بيضا تبقى تتغير
المهم البطارية مبقلهاش شهر زي ما قلت لكم وكانت طول الشهر عدستها أخضر زرعي وبعدين كنت في مشوار ونزلت 5 دقايق من العربية وجاي بادور تاني العربية مبتنطقش أبص عالعدسة لقيتها بيضا!!!!!!!!!!! فجأة كده بدون سابق انذار قعدت احاول واحاول اسمع تكة الكتاوت بتاع المارش والاقي لمبات التابلوه بتطفي خالص وفجأه لقيت العربيه لقطت ودارت.... جيت رحت للكهربائي بنبص عالعدسه لقيتها اخضر زرعي قاسها لقاها مشحونة وزي الفل ...نسيناها الموضوع يومين ورجع نفس السيناريو بالمللي اتكرر تاني....
حد عنده فكرة ده من ايه؟؟؟؟؟؟؟؟؟؟

**reamoz** · 08-11-2009 04:34 PM

روح ياباشا على اللي اشتريت منة البطارية وخليه يغيرهالك علشان كدة هي بايظة وفي مرة مش هتنطق تاني

**e_amrawad** · 08-11-2009 04:55 PM

أعتقد العيب ليس بالبطارية ولكن بالدينامو ,
راجع مع الكهربائي أولاً شحن الدينامو علي قدرات مختلفة وبعد كدة لو العيب اتاكد انة من البطارية, روح لأي موزع معتمد وهو هيديليك بطارية جديدة مع خصم فرق استخدام حسب مدة ضمان البطارية (تقريباً حوالي سنة)

**exact** · 09-11-2009 10:50 PM

المشاركة الأصلية كتبت بواسطة e_amrawad

أعتقد العيب ليس بالبطارية ولكن بالدينامو ,
راجع مع الكهربائي أولاً شحن الدينامو علي قدرات مختلفة وبعد كدة لو العيب اتاكد انة من البطارية, روح لأي موزع معتمد وهو هيديليك بطارية جديدة مع خصم فرق استخدام حسب مدة ضمان البطارية (تقريباً حوالي سنة)

فحصت الدينامو كويس جدا
أنا كنت عملت صيانة فبل اما اشتري البطارية الجديد عشان ميعملش فيها حاجة ورجعت قيسته امبارح تاني وبصيت عالسيور لقيت العمليه زي الفل والفولت والامبير بتوعه كويسين سواء كان فيه حمل او مفيش وشغلت كل حاجة في العربية حتى الانتظار وكانت استجابته كويسة من غير مايحمل عالبطارية الحاجة الغريبة ان العدسة طول مالعربية دايرة او ماشية بتبقى خضرا واما تبات تلاقيها ابيضت واول اما تدور العربية تلاقي نقطة خضرا ظهرت وبعد كده بتوسع المهم انها ساعات مع الابيض ده بيبقى فيها شحن كويس وبتدور العربية ...انا والله ماعدتش فاهم حاجة...هما بيشتغلونا بموضوع العدسة ده وللا ايه...وايه طريقة عملها؟؟؟ وفيه واحد اقترح اني اغير القواطيش وانضف الاسلاك كويس واتاكد من وصلة الارضي من البطارية!!!!!!!!!!!!!
أنا احترت..وياترى حد يعرف موزع معتمد فالمحلة؟؟

**هيثم** · 10-11-2009 11:35 AM

هيا العدسه ديه عباره عن ايه وايه فكره عملها

**reamoz** · 10-11-2009 04:41 PM

ياباشا روح للي اشتريت منة البطارية وقولة إن الدينامو شحنة سليم والبطارية بتهرب شحن ولا تتنازل عن إنة يغيرهالك

**exact** · 12-11-2009 12:42 AM

المشاركة الأصلية كتبت بواسطة هيثم

هيا العدسه ديه عباره عن ايه وايه فكره عملها

العدسة دي ياسيدي عبارة عن فتحة زجاجية موجودة في البطاريات الجافة من فوق وجواها حاجة زي محلول من مادة زيتية ولو لونها خضرا اوك لو سوده تشحن لو بيضا تبقى تتغير والنظام ده بيسموه مقياس الكثافة النوعية Hydrometer
شبة اللي بتاع البطاريات بيقيس بيه كثافة الحامض وهو بعد بحث وتدوير لقيت ان البطارية الجافة بتبقى عبارة عن سبيكة من الرصاص المخلوط بالكالسيوم في محلول حمضي (ماء نار -كبريتيك) لو تركيز الحمض أو كميته قلت يبدأ اللون في العدسة يتغير وهكذا