جهاز Wireless Parking Sensor

**boty50** · 18-11-2007 05:48 PM

السلام عليكم

منذ حوالي اسبوع اشتريت جهاز الباركينج سينسور لسيارتي الدايهاتسو تيريوس 2007
وذلك نظرا لعدم رؤية ماهو خلف السيارة الجيب بسهولة

الجهاز من امازون انجلترا وثمنة حوالي 15 باوند = 170 جنية مصري
وهو مزود بعدد 2 حساس يركبوا في اكصدام السيارة الخلفي ويربطوا الي وحدة الأرسال الموصلة علي
النور الأبيض للأضاءة الخلفية

يتم ارسال اشارة لاسلكية الي الوحدة الأمامية الصغيرة التي يمكن تركيبها علي التابلوة
الأمامي للسيارة و تغذي بالكهرباء من ولاعة السيارة او بسلك مباشر من خلف التابلوة

الوحدة الأمامية بها 2 مؤشر يمين وشمال بدرجات LED ملونة اخضر واصفر واحمر
حسب درجة القرب من الشيئ خلف السيارة وكمان بة صوت متدرج يمكن توطيتة او اغلاقة
بمفتاح صوت للتعلية او التوطية ، انا قفلتة خالص حيث لاأحب الأزعاج

مدي السنسور من 3 متر الي 1 ونص متر خلف السيارة

**اسلام المصرى** · 18-11-2007 05:59 PM

و عليكم السلام و رحمة الله و بركاته :-) شكرا جزيلا على يا أخ boty50 على المعلومات و تعريفنا بهذا الجهاز. ان شاء الله يكون متوفر بالأسواق المصرية قريبا

**fayedhatem** · 18-11-2007 07:25 PM

من فضلك ازاي جبته بالتفصيل

**أبو عبدالله** · 18-11-2007 08:00 PM

ياريت تقولنا جبته بكام بالظبط وازاي نشتريه احنا

**boty50** · 18-11-2007 08:46 PM

أعزائي

الموضوع بسيط ومذكور بالمشاركة انة من موقع امازون علي النت
www.amazon.co.uk

ودة رابط مباشر للجهاز (فية انواع اخري كثيرة)
http://www.amazon.co.uk/exec/obidos/ASIN/B000M2UJXO

المشكلة اللي ممكن تقابلكم هي ان معظم الشركات المشتركة مع امازون
لاتشحن الأجهزة عموما خارج انجلترا لذلك فأنا منذ سنة تقريبا مشترك
بخدمة ممتازة وفوق الرائعة مع شركة ارامكس للشحن اسمها تسوق واشحن (شوب اند شيب)
http://www.aramex.com/shopandship/

وهي متوفرة بمعظم الدول العربية ومن ضمنها مصر
ملخص الخدمة انك بتدفع مبلغ معين لمرة واحدة فقط عند الأشتراك
وبيكون ليك حساب وصندوق بريد بأسمك في امريكا واخر في بريطانيا
يعني كأنك ساكن هناك ومقيم بهم طوال العام

وهذا العنوان هو اللي بتبعت علية اي شيئ بتشترية من اي موقع
وفور دخول اي شحنة الي صندوق بريدك بأمريكا او بريطانيا يتم ارسالة
عن طريق ارامكس الي عنوانك في بلدك وتخليص جميع الأجراءات علية
وتسليمك لة بالبيت

طبعا انت بتدفع ثمن الجهاز والشحن داخل انجلترا عن طريق كارت الفيزا او
تحويل بنكي لأمازون حسب ماتحب

واي استفسار انا بالخدمة

**montela** · 18-11-2007 09:45 PM

علي فكرة انا لسة قاري مقال اسلام مشهور الأخير اللي بيكتبة في سوق السيارات وهو كان عن السينسور دة وكان قال ان تمنة في مصر من 500 الي 1000 جنية :-)

**boty50** · 18-11-2007 09:56 PM

عزيزي
تكلفتة الكاملة الي ان وصل الي يدي
(السعر+شحن داخل انجلترا+ارمكس الي الكويت) كلة حوالي 19 دينار كويتي
وهو يساوي اقل من 380 جنية مصري

**Adham** · 18-11-2007 09:57 PM

أيوة بس حضرتك بتقول ان مدى السنسور من 3 متر لواحد و نص متر يعني مش حايفيد في ركن عربية انت محتاج تعرف المسافة بالسنتي متر مش بالمتر و نص

**montela** · 18-11-2007 10:15 PM

ممكن بس اللي كان أسلام بيكلم عنة بيتكون من 7 سينسور قدام يتركبوا في الشبكة و كمان 7 سينسور ورا
وكمان معاهم شاشة صغيرة بالالوان تتحط قدام السواق
اكيد اختلاف الامكانيات يفرق في السعر
وعلي العموم دة مش كلامي دة كلامة :-)

**boty50** · 19-11-2007 08:52 AM

عزيزي

الأجهزة المزودة بالأشارة والصوت مصممة كلها تقريبا علي المسافة دي
يعني تحس بالشيئ اللي وراك من مسافة 3 متر تقريبا (تدي اشارة خضراء وصوت متقطع بطيئ)
الي اقصر مسافة وهي تقريبا متر وتدي اشارة حمراء و صوت متواصل

طبعا انا لما ذكرت الجهاز دة واخترتة بالذات علشان هو اقل واحد في عدد السنسور
ماننساش ان كل سنسور حايتركب لازم حايكون له ثقب في الأكصدام
كمان ماننساش ان كل سنسور حايكون لة سلك منفصل بيوصل الي وحدة التحكم
اللي بتجمعهم كلهم وترسل الي وحدة الأستقبال لعرض البيانات

اما اذا كنت من هواة الركن في الأماكن الضيقة جدا او لم تكن تملك جيب له عجلة خلفية
متركبة علي الباب الخلفي فلازم تركب الجهاز الأخر المزود بكاميرا لأن نوعية الأجهزة
المذكورة هنا لن تفيدك بالتأكيد