انا و الموبايل و تذاكر مباراة مصر و الجزائر!

**Ahmed R08** · 08-11-2009 10:52 PM

المشاركة الأصلية كتبت بواسطة ecybrarian

يا بك دي حركة نصب دولية زي موضوع تليفونات نيجريا بتاع زمااااان

ايه موضوع تليفونات نيجيريا بتاع زمان دة ؟

**mahamedaraby** · 08-11-2009 11:00 PM

معرفش انا حاسس ان هو موضوع بجد ناس من الجزائر عايزه تيجى المتش وتدخل وسط الجماهير بتاعتنا وترمى طوبه ولا حاجه وتبوظ المتش ممكن يكون المخطط بتاعهم

او

تكون نصابيه

**Nile_Storm** · 08-11-2009 11:13 PM

ايه ده انا حصلي كده من يومين بس مفهمتش منه حاجه رحت قايله النمره غلط :)

**bmya** · 09-11-2009 05:38 AM

يا خووووووووووفيمن زجاجه طايشه ولا زلطه هبله تيجي من عندنا من المشجعين وتضيعنا في ثانيه
وبصراحه مش عارف اللي اتصل ده عبيط ولا بيستعبط ولا حد ضحك عليه

**aliabutaleb** · 09-11-2009 08:34 AM

صعبوا عليا والله يا نادر
انا مظنش إن ده نصب.
باحاول أتخيل نفسي مكانهم
مسافرين من بلد لبلد عشان نشجع منتخبنا
والمشقة والتعب والتكاليف المادية اللي هانتحملها
ولما نيجي لغاية البلد اللي هايتلعب فيها المباراة منلاقيش تذاكر
ونضطر نروح نتفرج عليه على قهوة :)
بيتهيألي لو كان فيه شفافية في موضوع التذاكر ده مكانش ولا هو ولا اللي عندنا اضطروا يتكبدوا المشقة دي كلها في الحصول على التذاكر.

**ahmed76** · 24-11-2009 02:54 PM

المشاركة الأصلية كتبت بواسطة dr_no

ايه موضوع تليفونات نيجيريا بتاع زمان دة ؟

يااااااااااه فكرتنى بذكريات نيجيريا

واحد يتصل بيك ويقولك عايزين مهندسين فى شركه بترول نيجيريه محترمه
فى لاجوس العاصمه ويعيشك معاه فى الوهم
وتخش على النت تلاقى الشركة وتلاقى البترول
معاك مستر .......... من انجلترا مدير الhr
احنا قرينا ال cv بتاعك وانت زى الفل
بمرتب طبعا محترم ...........
تقوله طيب فيه امتحان...... يقولك مبروك انت قبلت
طيب يا عم انتوا لسه ماشوفتوش امكانياتى يقولك مبروك انت قبلت
يا حاج ....... مبروك انت قبلت
وتقعد بقى تفكر هى لاجوس فيها ناموس ولا لأ والحراره كام وتجهز شنطه السفر
وتغنى يا حبيبتى يا مصر

بس عايزين 600 دولار مش فاكر مصاريف اداريه وتأشيرات واقامه
وشكرا....طبعا فهمت.........