من 3 دقائق بالظبط كنت بفتح جروب من الجروبات بتاعة مباراة مصر و الجزائر المرتقبة على الفيس بوك...علشان أشوف الناس و تعليقتها و وصلوا لإيه في الحماس "القاتل"!
إذ فجأة ألاقي الموبايل بيرن من رقم خارج مصر و كوده غريب عليا...لأني متعود المكلمات تيجي إما من دبي و الخليج أو إنجلترا...و عارف الكود بتاعهم كويس؟؟؟؟لكن ده كان 00213...أول مرة أشوفه
قلت يمكن شَغل ولا حاجة...اما أرد...
أنا: ألو
المتصل (بلهجة عربية): مساء الخير انا....(مش فاكر إسمه إيه) من الجزائر و بدي أحضر المقابلة!
أنا (أول حاجة جت في بالي بعد كلمة مقابلة هي نايل موتورز): جزائر إيه و مقابلة إيه؟
المتصل: انا بدي أجي المقابلة الإسبوع القادم في مصر!!
أنا: حضرتك عايز مين أو متصل بمين بالظبط؟
المتصل: انا بِدي 100 تذكرة لمبارة الجزائر في القاهرة و بدنا نحضر كلنا!!!
انا: حضرتك أكيد متصل بالرقم الغلط...معنديش تذاكر هنا
المتصل: والله حاول تشوف أي تذاكر بدنا نحضر
أنا: يا سيدي انا مش رايح الماتش أصلاً!
المتصل (مستغرب قوي): مش هاتشوف الماتش؟؟؟؟؟؟
أنا: لأ يا سيدي مابتفرجش على ماتشات!
المتصل: والله شكلي إتصلت بنمرة غلط فعلاً
أنا: ولا يهمك يا زعيم
سلام سلام
إيه رأيكم بقى في اللي حصلي ده
انا متأكد طبعاً انكم هاتعاتبوني إزاي ماشتمتوش و ماهزقتوش و ماقلتلوش خليكوا في بلدكم أحسن بدل ما ترجعوا على نقالات.....بس انا أصلاً مش في دماغي الموضوع ده و واخده بحسن نية :)
تقتكروا المكالمة دي كان وراها قصد معين؟؟؟؟يجسوا نبض الشعب مثلاً؟؟؟
نظرية المؤامرة شغالة معايا حلاوة
شكلك كدة هاتعمل زى احمد حلمى فى فلم اسف على الازعاج
المفضلات