ارجو الدخول من الاخوه المهندسين ( مدنى )

**eng/muhamad** · 08-11-2009 08:28 PM

اخوكم مهندس صغير لسه او بمعنى اصح هيكون مهندس كمان سنه ان شاء الله
و المفروض ان انا اعمل مشروع التخرج التيرم الجاى
و مشروع التخرج ده هو اللى بيحدد التخصص
و مش عارف اتخصص ايه ؟؟؟؟
اولا لا اريد مجال الخرسانه و الانشاءات
يبقى بعد ذلك تخصص
1- مساحه ( من المواد اللى بحبها فى الكليه و فاهمها اوى و دكتور الماده نفسه قالى سجل مشروع مساحه بس المشكله شغلها قليل اوى فى مصر و شغلها متعب جدا طول اليوم وقفه فى الشارع و الشمس )
2- طرق ( حابب المجال جدا بس حاسس ان فرص شغله قليله و كمان الدكتور اللى هيشرف على مشروع الطرق صعب جداااااا و هيتعبنى اوى )
3- ستيل ( مستبعده شويه )
ياريت اسمع اراؤكم و عاوز اعرف اكتر تخصصات مطلوبه فى مجال العمل و خصوصا فى دول الخليج علشان ان شاء الله ناوى اسافر بعد ما اخلص و تحديدا فى دولتى قطر و السعوديه
و عاوز اعرف هل التخصص بيفرق فى المرتب
ياريت اى معلومه بخصوص الموضوع

**M.Hosni** · 08-11-2009 10:31 PM

مبتفركش في مشروع صحية ؟؟
مهندسين الشبكات و الصحية مطلوبين كتير الأيام دي في دول الخليج

**mando_07** · 08-11-2009 10:38 PM

steel or concrete
فرصهم في الشغل أحسن

**samehafez** · 08-11-2009 11:24 PM

بص يا يا باشمهندس ... مش فارقه
اختار اللي انت حابه , الشغل ده رزق , و مش هتفرق كتير بعد ما تتخرج و عاوز تشتغل في حاجة تانيه ... محدش هيقولك لا
و بالنسبة للسفر و المرتب و وجع الدماغ ده ...سيبها على الله
متعرفشي الخير فين ... انا كنت شغال في السعودية و رجعت مصر عشان فرصة احسن جوه مصر

انا شايف المساحة اسهل ( و اي مساعدة تحتاجها في المشروع كلمني اخوك مهندس مساحة اصلي ... هيهيهيهى مش تقليد
هندسة شبرا )

**eng/muhamad** · 09-11-2009 07:33 AM

مبتفركش في مشروع صحية ؟؟
مهندسين الشبكات و الصحية مطلوبين كتير الأيام دي في دول الخليج

لا مش بفكر فيه خالص عشان دراسه مواد مياه عندى مش حلوه بعديها كلها بتقدير جيد و مش بحب المواد بتاعتها اصلا

steel or concrete
فرصهم في الشغل أحسن

مش حابب التخصصين دول خااااالص

بص يا يا باشمهندس ... مش فارقه
اختار اللي انت حابه , الشغل ده رزق , و مش هتفرق كتير بعد ما تتخرج و عاوز تشتغل في حاجة تانيه ... محدش هيقولك لا
و بالنسبة للسفر و المرتب و وجع الدماغ ده ...سيبها على الله
متعرفشي الخير فين ... انا كنت شغال في السعودية و رجعت مصر عشان فرصة احسن جوه مصر

انا شايف المساحة اسهل ( و اي مساعدة تحتاجها في المشروع كلمني اخوك مهندس مساحة اصلي ... هيهيهيهى مش تقليد
هندسة شبرا )

انا حابب مساحه جداا و هو اقرب مشروع بفكر فيه بس اسمع ان فرص شغله فى مصر قليله
1- عاوز اعرف من حضرتك فرص شغله كتيره و لا لأ
2- طبيعه الشغل يعنى كله شغل مواقع و شمس و وقفه و كده و لا ممكن يكون له شغل تانى
3- ايه الكورسات اللى ممكن اخدها بعد التخرج و تساعدنى فى شغل المساحه اصل انا بصراحه جوز اختى شفال gis فى السعوديه و قالى اتخصص مساحه و اخد شويه كورسات هتكون فرصه سفرى حلوه اوى فعاوز اعرف ايه الكورسات دى

**محمد عز** · 09-11-2009 12:41 PM

عزيزى المهندس محمود

من خلال عملى كمهندس طرق ونقل ومرور ، على فكره انا خريج هندسة القاهرة دفعه 2004 وكنت مشروع نقل ومرور

مجال الطرق كويس جدا

ومجال النقل والمرور مجال نادر نوعا ما

لذلك المرتبات فيه اعلى بس طبعا فى الدول اللى بتهتم بالنقل والمرور زى الامارات وقطر والكويت

اللى عاوز اقوله انك متشغلش نفسك اوى بالمشروع
انت ممكن تاخد مشروع خرسانه وتطلع تشتغل فى الطرق
اللى هيحدد مجال تخصصك هو الشغل اللى انت هتشتغله بعد التخرج

اختار المشروع اللى انت بتحبه وحاسس انك ممكن فعلا تجيب فيه درجات كويسه علشان يحسنلك التقدير العام

انا حاسس انك ميال للمساحة فاتوكل على الله وخد مشروع المساحة

اما بقا الشغل فده بقا انت ونصيبك

**eng/muhamad** · 09-11-2009 05:34 PM

شكرا لكل الردود و شكرا لكل الاخوه الزملاء
و ان شاء الله خلاص قررت مساحه و لكن قبل القرار الاخير لابد من الاستخاره ان شاء الله و انا قررت كده لعده اسباب
1- انا حابب الماده و واخد فيها 4 مواد بتقدير امتياز
2- دكتور الماده بيحبنى و علاقتى بيه كويسه جدا
3- زوج اختى يعمل فى السعوديه gis و هو تخصص قريب جدا من المساحه ( هو و المساحه ولاد عم ) و قالى ان تخصص مساحه هناك كويس و مطلوب و مرتباته كويس و هو ان شاء الله هيساعدنى على السفر بعد ربنا طبعا
4- والدى شغال فى قطر و انا اسمع ان التخصص ده مطلوب فى قطر
و ان شاء الله خير

**إبراهيم.صادق** · 09-11-2009 08:30 PM

المشاركة الأصلية كتبت بواسطة eng/muhamad

شكرا لكل الردود و شكرا لكل الاخوه الزملاء
و ان شاء الله خلاص قررت مساحه و لكن قبل القرار الاخير لابد من الاستخاره ان شاء الله و انا قررت كده لعده اسباب
1- انا حابب الماده و واخد فيها 4 مواد بتقدير امتياز
2- دكتور الماده بيحبنى و علاقتى بيه كويسه جدا
3- زوج اختى يعمل فى السعوديه gis و هو تخصص قريب جدا من المساحه ( هو و المساحه ولاد عم ) و قالى ان تخصص مساحه هناك كويس و مطلوب و مرتباته كويس و هو ان شاء الله هيساعدنى على السفر بعد ربنا طبعا
4- والدى شغال فى قطر و انا اسمع ان التخصص ده مطلوب فى قطر
و ان شاء الله خير

ربنا يوفقك إن شاء الله في اللي انت اخترته، أعتقد إنك كده اخترت الاختيار المناسب لك

أخوك مهندس مدني وكنت مشروع مساحة وبعد كده أخدت دبلومة GIS ومازلت أعمل في هذا المجال منذ أكثر من 5 سنوات

بس نصيحة لو ربنا كرمك بفرصة شغل في مجال المساحة ماتفكرش تغير للــGIS

أتمنى لك التوفيق

**eng/muhamad** · 09-11-2009 08:35 PM

بس نصيحة لو ربنا كرمك بفرصة شغل في مجال المساحة ماتفكرش تغير للــgis

ليييه ؟؟؟
و كمان عاوز اعرف ايه الكورسات اللى ممكن تفيدنى فى مجال المساحه

**إبراهيم.صادق** · 09-11-2009 09:51 PM

المشاركة الأصلية كتبت بواسطة eng/muhamad

ليييه ؟؟؟
و كمان عاوز اعرف ايه الكورسات اللى ممكن تفيدنى فى مجال المساحه

لان مجال الـGIS محدود جداً في مصر -برة الوضع مختلف شوية- وفرص النمو فيه محدودة يعني بعد كام سنة بتلاقي نفسك مش عارف المفروض تروح فين بعد كده يعني مشكلة "career path" بمعنى آخر لازم تبدي تعمل تعديل لمسارك "تخرج برة شرنقة الــGIS إلى الـ IT عموماً وإدارة الأعمال"

بالنسبة للكورسات بصراحة ماعرفش لأني ماشتغلتش خالص في المساحة من بعد مشروع التخرج بس أهم حاجة لازم تكون بتعرف أتوكاد كويس

الموضوع: ارجو الدخول من الاخوه المهندسين ( مدنى )

LinkBack

أدوات الموضوع

عرض

ارجو الدخول من الاخوه المهندسين ( مدنى ) - انشر الموضوع فى :

-

-

-

-

-

-

-

المواضيع المتشابهه

ارجو المشورة من الاخوه الافاضل

ارجو الرد من الاخوه الكرام

ارجو النصيحه ... من الاخوه الاعضاء .

سؤال - ارجو المساعده من الاخوه

الكلمات الدلالية لهذا الموضوع

المفضلات

المفضلات

ضوابط المشاركة