السلام عليكم جميعا....

بقالي فترة قلقان علي العربية ونفسي أأمنها بأي شيء غير أجهزة الانذار لاني مش غاوي حد يمد ايدة الكريمة ويلعب في كهربة وضفاير العربية ....الامر مايسملشي ومرة تصيب ومرة تخيب...

طبعا الحامي والحارس الاول هو الله سبحانة وتعالي ...ولكن من باب الاخذ بالاسباب قلت اشوف طريقة ...

انا اعرف ان في حاجة "مش عارف اسمها التجاري" انا مسميها عصاية الدركسيون مؤقتا لحد ما اعرف من الاخوة الاسم العلمي اية....هي طبعا زي ما اكيد ناس كتير فهمت قصدي عبارة عن عكاز حديد بسوستة بيتم تعليقة في الدركسيون وربطة مع دواسة البنزين او الفرامل مش عارف...المهم انة بيضع شوية صعوبات علي اي واحد بيفكر انة يسرق العربية كلها ودة المهم ...

المعلومات ايلي عايز اعرفها ...

هل هي عملية ....ولا طلعت اي كلام وبتتفك في ثواني ومالهاش لازمة
هل يوجد انواع من العصاية دي ...وياتري اية احسن نوع...
رينجات الاسعار.....لاني هاشتريها من المنصورة....علشان اعمل حساب فروق التوقيت....

في عصاية تانية بس دي بتركب علي الدركسيون نفسة وما بتخليهوش يلف خالص او ينفع يتحرك...ياريت برضة لو في اي معلومات عنها..

شاكر لكل من سيشارك بالافادة مقدما ....

وقانا الله واياكم شر لصوص السيارات بجميع انواعهم......