رقم العضوية : 51617
تاريخ التسجيل : 30Oct2009
المشاركات : 8
النوع : ذكر
الاقامة : egypt
السيارة: matrix
السيارة[2]: accent
الحالة :
المهم
أنا عاوز اشتري عربية
و دورت و احترت جدا و مش عارف اوصل للي انا عاوزه
فكمهندس هقول لكم الcriteria بتاعتي
و اتمنى مساعدة
السعر: لسه محددتش السقف و الله
بس سبعينات هيكون الافضل بس فيه سماحيه اوصل لتمانينات لو حاجه تستاهل
الحالة: الجديد مفضل بس مش قافل الباب قصاد المستعمل يعني، بس لو مستعمل طبعا سبعينات ده كتير كمان بس ممكن سبعينات
موديل:لو جديده على الاقل السنة الي فاتت او الي قبلها
لو مستعمله من 2003 شغال
الحجم:بفضل العربيات الصغيره بشكل عام، حاجه في نفس حجم ال128 يا ريت
الهاتش باك مش مفضلة بس لو اضطريت امري لله
الفتيس: اوتوماتيك
السي سي: بفضل ال1300 او 1500 بس لو مفيش غير 1600 اشطه
الثبات و صاج العربيه: من اهم الحاجات عندي و باختصار يعني معامل الامان و ثبات العربية على السرعات لغايه 130 مثلا، كده كده انا مش بعلي سرعه عن 120-130
اسعار قطع الغيار: كل ما كانت مش عالية كل ما كان افضل
مكيفة بالطبع
همم ايه تاني
آه العفشه، مهم جدا العفشة و تعاملها مع المطبات، انا وقعت في غرام اللوجان بسبب موضوع العفشه بتاعتها دي، بس مشكلتها بالنسبة لي ان قطع غيارها غالية اوي و انها مانوال
طبعا التوكيل المحترم مهم
بالنسبةة للمواصفات كمان عاوز استهلاك بنزين يكون مش عالي و سعر اعادة بيع كويس
الاوبترا و الافيو مش ضمن اختياراتي
و عاوز رأيكم في الكيا سيراتو و الالنترا
بس
متنظر اقتراحاتكم
بالنسبه للي شفته كنت عاوز تقييمك للداهاتسو سيريون كمان؟
بس معنديش اقتراحات تانيه
منتظركم
و معرفش مكان الموضوع كده صح ولا غلط فيا ريت لو غلط حد من المشرفين ينقله مكانه
رقم العضوية : 40835
تاريخ التسجيل : 22May2009
المشاركات : 3,475
النوع : ذكر
الاقامة : damietta
السيارة: thanks god
السيارة[2]: opel astra 2000
الحالة :
اول ما قرات شروطك
حسيت انك عاوز سيريون فعلا
المفضلات