الدكتور محمد البرادعى رئيساً للجمهورية ... ايه رأيكوا يا جماعة

**kh_talaat** · 09-11-2009 10:20 AM

البرادعي ... أحمد زويل .... عمرو موسى

أو اي مواطن عايز يرشح نفسه يرشح

وبناء على البرنامج الأنتخابي لكل مرشح الناس هتختار واللي هينجح منهم في الأنتخابات ولا يستطيع تنفيذ بنود برنامجه الأنتخابي يتم اقصاؤه في الإنتخابات التالية

هو دة النظام الديمقراطي المتبع في الدول المتحضره إنما نقعد نقول
مين هيترشح ؟؟؟
ومين هينفع ؟؟؟
والبلد دي مينفعش معاها الديمقراطية !!!!
والناس معندهاش نضج سياسي عشان تقدر تنتخب رئيسها !!!

فهذا كله كلام تهريج يروجه الحزب الحاكم لإحباط الشعب وابعادة عن ممارسه حقوقه

**ecybrarian** · 09-11-2009 10:30 AM

بقى ده كلام ناس عاقلين..امال چمي يعمل ايه!!!!!

وخللي بالكوا المنتدى متراقب

**aliabutaleb** · 09-11-2009 11:22 AM

المشاركة الأصلية كتبت بواسطة ehabradwan

انا بصراحة ولا مع البرادعي ولا زويل الاتنيت يفتقدوا الخبرة السياسية

يعني هما اللي قبله كانوا عندهم أي خبرة سياسية ساعة ما مسكوا الحكم؟

**mynameh** · 09-11-2009 11:32 AM

هو صحيح راجل محترم و راجل مثقف و كل حاجة بس هسألكم سؤال :
هل يصلح محمد البرادعي أن يكون رئيسا لجمهورية مصر العربية ؟
مصر دولة محورية في المنطقة زائد انها الان في حالة تعب داخلية " منهكة داخليا "
سواء كان تعب سياسي داخلي او اقتصادي او صحي او .....

من وجهة نظري اللي المفروض يمسك مصر دلوقتي لازم يكون شخص شديد الذكاء الإجابي مش السلبي علشان يجنب مصر اي مشكلة ممكن تقع فيها خارجيا او داخليا و يحمي الافكار الإقتصادية اللي هينفذها
و كمان الأفكار الإجتماعية و التعليمية
و هو دا الشخص اللي مصر محتجاة و انا مش شايفة متوفر بنسبة كبيرة في اي حد في مصر دلوقتي

**zaza_lanos** · 09-11-2009 11:38 AM

والله البلد من غير حكومة
ميت فل وعشرة
سيبونا فى حالنا بقى الله يحرقكم كفايا اتاوات وسرقة

**محمد عز** · 09-11-2009 12:53 PM

يعني هما اللي قبله كانوا عندهم أي خبرة سياسية ساعة ما مسكوا الحكم؟

كلام من ذهب

انا نفسي فى واحد بيخاف ربنا

يؤمن بالعدل والمساواة ويكره الظلم

يعمل للمصلحة العامة

يحارب الفساد والواسطة وكل الاوضاع الغلط اللى فى مصر

**kh_talaat** · 09-11-2009 12:58 PM

المشاركة الأصلية كتبت بواسطة محمد عز

كلام من ذهب

انا نفسي فى واحد بيخاف ربنا

يؤمن بالعدل والمساواة ويكره الظلم

يعمل للمصلحة العامة

يحارب الفساد والواسطة وكل الاوضاع الغلط اللى فى مصر

كلام سليم

عشان كدة أنا دايما مؤمن ان بلدنا مش محتاجه غير انسان عنده ضمير ويخاف ربنا

وموضوع الخبره دة مش اساسي يكفي انه يكون انسان مثقف ومطلع

لأن المفروض ان الرئيس له مستشاريين في كل النواحي ، بالأضافه ان ادارة البلد تكون بنظام لا مركزي يعني مش كل حاجه في البلد لازم يبقى الرئيس هو اللي ياخد فيها القرار ، لأن في النهاية كلنا بشر وكلنا بنكمل بعض

**النوبي** · 09-11-2009 01:20 PM

ياجماعه مش مشكله انه يكون معندهوش خبره
مش مشكله يكون ضميره بيلعب بس مش كتير علشان مايقرفناش
مش مشكله اي حاجه لانه اكيد اللي هيمسك هيغير حجات كتير منها رؤوس الاموال اللي محتكرين البلد من اولها لاخرها
احنا بننادي بالتغيير مش اكتر
من حقنا ان احنا نجرب مع حد تاني
وحتي لو فشلنا معتقدش اننا ممكن نوصل للمستوي ده تاني

**النوبي** · 09-11-2009 01:21 PM

رساله من الايميل

أعزائي و أصدقائي
إخوتي وأخواتي
من أجل غد أفضل لمصر ، أدعوكم للانضمام إلينا في حملة المطالبين بترشيح الدكتور محمد البرادعي
رئيسا لجمهورية مصر العربية ...
بإمكانكم من خلال رابط المجموعة التعرف على مميزات الدكتور محمد البرادعي ، وعلى سيرته
وتاريخه ...
عاشت مصر حرة للمصريين وبالمصريين

الشاعر عبدالرحمن يوسف

رابط المجموعة على الفايس بوك :

Dr.elbaradei for presidency of egypt_ 2011ط¯.ظ…ط.ظ…ط¯ ط§ظ„ط¨ط±ط§ط¯ط¹ظ‰ ط±ط¦ظٹط³ط§ظ‹ ظ„ط¬ظ…ظ‡ظˆط±ظٹط© ظ…طµط± ط§ظ„ط¹ط±ط¨ظٹط© ظپظ‰ | Facebook

-

الموضوع: الدكتور محمد البرادعى رئيساً للجمهورية ... ايه رأيكوا يا جماعة

LinkBack

أدوات الموضوع

عرض

-

-

-

-

-

-

-

المواضيع المتشابهه

رسالة الدكتور محمد البرادعى عن الاحداث الاخيرة

عمر طاهر: عن الدكتور البرادعى ....

الكلمات الدلالية لهذا الموضوع

المفضلات

المفضلات

ضوابط المشاركة