الحمد لله على كل شئ ,, الاوبترا اتخبطت و عاوز مساعده

**Hatem Sallam** · 18-11-2007 11:42 PM

فداك يا باشا ... و تيجى فى العربية أحسن من اى حاجة والهى ....يا ريت تيجى فى العربية على طول ف ولا تزعل نفسك

أنا بقى الموضوع ده حصل معى مرتين و الحمد لله ...نفس الخبطة كل مرة و الفرق بينهم سنة بالضبط ...كل مرة فى العشرة الأواخر من رمضان ....المهم أول مرة التوكيل قاللى 120000 فصلحتها بره عند امير و جوزيف اللى فى شارع ابو داودالظاهرى م نصر واتكلفت 3500 بس والحقيقة كان شغلهم نضيف

تانى مرة كنت مأمن عليها فوديتها توكيل العبور و اتكلفت 8000 المرة دى و الله يسامحهم شغلهم زى الزفت
اعتقد انهم رشوا الشنطة و مش عارف اعمل فيها ايه ( يا ريت النصيحة من الأعضاء فى الجزء ده)
و كمان جرحوا الباب و ادونى ورقة عشان ابقى اصلحه بعد كده و قعدت شهر كامل و لسه مستلمها من كام يوم
و والهى انا اتعقدت من السواقة خلاص فى البلد دى و سايبها تحت البيت و مبخرجش بيها الا للشديد القوى

أنصحك بالآتى
1- وديها لأمير و جوزيف و شوف هيقول ايه ...هما عن تجربة كويسين
2-لازم تأمن على العربية فى البد دى
3-أنا عن نفسى انشاءالله عمرى ما هاجيب زيرو تانى و هاجيب مستعمل و كمان 4*4 أو هاقعد فى البيت و بلا قرف

و ربنا يوفقك و يعوض عليك .....و اكيد فدا حاجة تانبة

**Ahmed Anwer** · 19-11-2007 12:00 AM

التوكيل قاللى 120000 فصلحتها بره عند امير و جوزيف اللى فى شارع ابو داودالظاهرى م نصر واتكلفت 3500 بس

ايه ده من 120 الف ل 3.5 ألف !!!!!!!!!!!!!!!!!

120 الف ترميها و تجيب ياريس زيرو و لا كورولا الشكل الجديد !!!!!!

**kimo_kiko** · 19-11-2007 08:38 AM

الاخوه الافاضل :

hoko_mosha

mohaismail

إسلام شاهين ,,, ان شاء الله هروح التوفيقية اسأل على الحجات

Ahmed Anwer الف شكر ليك يا باشا و ان شاء الله لو احتجت حاجه هقولك

sharky

fahd_628

OsKaR

Hatem Sallam كلامك كله مظبوط 100 فى الميه و يارب ما يتكرر اى حاجه وحشه تانى و ان شاء الله عحاول اعمل اللى قلت عليه

بجد انا سعيد بمداخلاتكم جدا جدا و دا حسسنى انى مش واقف لوحدى و طمنى كتير فعلا هونتم عليا كتير بكلامكم المشجع ليا

و يا رب ما يحط حد فى حاجه وحشه ابدا

و طبعا انا ان شاء الله هعملها بره التوكيل نظرا للمغالاه الرهيبه فى التكلفه

و بالنسبه للاستاذ
karim_monir

و الله مقدر جدا كلامك و انا سعيد ان فى ناس زيك كده عندهم استعداد للوقوف بجانب الاخرين بهذه الطريقه و انا معايا الموبايل و ان شاء الله لو احتجت حاجه هكلمك بدون تردد لانى عارف الناس اللى زيك اخلاقهم بتبقى ازاى و ربنا يحفظك من كل سؤ .

**أبو عمار** · 19-11-2007 08:46 AM

ربنا يعوض عليك و يقدرك على تصليحها و الحمد لله إنها جت على قد كده فداك ز فدا أولادك

**Hatem Sallam** · 19-11-2007 08:48 AM

عذرا يا باشا 12000 غقط مش 120000 طبعا

**Mohtofy** · 19-11-2007 10:02 AM

بص ياصحبى كل الى أقدر أقولك علية أن إحتمال كبير تكون دى عين حسود صابتك ... قول زى القرأن مبيقول ( بسم الله الرحمن الرحيم إنا لله وإنا إليه راجعون ) والحمدلله إنها جت على أد كده و بقول للناس اللى ردو عليك فى المنتدى والله العظيم إنتم ناااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااس محترمين
:roll:
ربنا يعوض عليك ياصحبى وإن شاء الله تتصلح ( بره التوكيل ) وترجع زى الأول وأحسن

وربنا يكفيك ويكفينى وكل الأعضاء الكرام والمسلمين أجمعين شر الحوادث

**running_man** · 19-11-2007 01:53 PM

هات الأجزاء من التوفيقية أو من بره عموما
و اعملها فى الحرفيين فيها ناس ممتازه
بس شوف حد يكون اتعامل مع حد كويس و كدة

و اياااااااك و الدواخل و ان شاء الله تتلم في الفلوس
و قدر الله و ما شاء فعل
هو الواحد لازم ياخدله عين في أي عربية زيرو مهما كان حريص :|
بس جت فيك جامدة شوية
فداك يا عم

**Tamer-Ezzat** · 20-11-2007 12:02 AM

قدر الله وما شاء فعل ، أصبر وأحتسب.

مش دايما شغل التوكيلات نضيف ، ومش كل الصنايعية اللى برة حرامية
حاول توصل لصنايعى حد اشتغل معاه قبل كده وخليك معاه خطوه وبخطوة
وربنا يعوض عليك ،،

**zezo13178** · 21-11-2007 07:07 AM

ربنا يعوض عليك يا كيمو سيبك من التوكيل بس عليك وع الحرفيين فيه ناس هناك دكاتره زي ما كريم قالك ولو عاوز اي مساعده في الحرفيين انا عارف ناس كتير هناك
بس نصيحه للجميع اي حد يجيب عربيه زيرو لازم يامن عليها تامين شامل