اعتقد ان مستحيل يكون في مصر عربية 126 الكتروني غير عربيتي انا
انا يا جماعة عملت المستحيل دة بفضل الله والعربية فرقت جداااااا جدااااااا علشان حولتها من اسبراتير عادي ابو ابلاتين وكوندنسر (مكثف) الي اسبراتير الكتروني

سحب زيادة واداء اقوي بالرغم من انها 2 سلندر لكن العربية اداء 4 سلندر مشاء الله
طبعا التجربة منجحتش من اول مرة لكن بالصبر الحمد لله وصلت للتعديل الصح واللي يخلي العربية تفضل طول عمرها بدون مشاكل الاسبراتير العادي زي سحب ضعيف ولو الابلاتين باظ عمرها متدور ولا تشتغل صح والصبح بدري تاخر التدوير وساعات تنتش وتقطع لو الابلاتين لدع ولما المكثف او الكوندنسر يبوظ انسي انها تدور مشاكل كتيررررررر تخليك تزهق من العربية وترميها

دلوقتي مع الاكتروني التدوير اسهل واسرع وبذات الصبح والسحب تمام مشاء الله ومفيش تنتيش وحرق بنزين تمام

لو في حد لة تجربة في تعديل العربية 126 ياريت يفدنا وانا في دماغي تعديلات كتير منها دورة تبريد للزيت بس انا لحد دلوقتي مفيش عندي مشكلة لسخونة العربية تبريد هوا زي الفل
ومطرقعة في دماغي اعدلها فتيس اوتوماتك بس دي محتاجة دراسة وفلوس وخبرة الناس بتوع تركيب الاوتوماتيك ياريت لو حد لة خبرة يساعدني
اسف للاطالة