اقتباس المشاركة الأصلية كتبت بواسطة shnory مشاهدة المشاركة
ربنا يخليكي يا توتا انا بيكون ليا الشرف اني اشارك في مواضيعك
كمان بالنسبه لارائي الساخره فهي تحليل للواقع بصوره تانيه علشان الواحد مش ناقص غم
بالنسبه لموضوع الزباله
فلما جت الشركات الفرنسيه علشان تنضف البلد منها
كان الاتفاق انهم حيدوا لكل شقه 20 او 30 كيس تقريبا كل شهر والزباله تتحط في صندوق تحت العماره
علي اساس ان الشركه حتستفيد منها وحتعيد تصنيعها
وطبعا الاكياس دي هي اللي بنشوفها في كارفور ب20 جنيه ال10 اكياس
واطفال الزباله وجامعي البلاستيك بقم بيفرزوا الزباله قبل ما تروح للشركه
وبناء عليه
ان الشركه مخسرتش
بس مكسبتش المبالغ اللي كانت متوقعاها
فمججدوش العقد بتاعهم وبقت الشركه مصريه
واهم بيحاولوا علي قدهم ينضفوا الشوارع
بالنسبه لاننا بناكلها فده واقع
لان فيه مخلفات كتير اوي بيعاد تصنيعها وعلي سبيل المثال حقولكم ان زباله وبواقي العيش في المطاعم بيتعمل منه سلطه الطحينه
كل الاكياس البلاستيك والمعلبات هي بلاستيك جاي من الزباله وبيعاد تصنيعه وبكده يبقي احنا بناكل فيها
واسعندي مروري وركنتي وسحب رخصي في موضوعك
أسعدني مرورك جدا وبالفعل أثريت الموضوع بإضافتك اللى للأسف
بتنقل صورة مريرة لواقع أمر

على فكرة موضوع النضافة ده فى الاساس ثقافة شعوب وفهم متحضر
بمعنى اذا حضرتك بمصر وشفت سيارة اتفتح زجاجها واتفضل مشكورا
صاحبها برمى أى فضلات منها ..والمنظر لفت نظر الناس هتلاقي اللى بيقولك
ياعم كبر هى جت على دي يعنى؟
ياعم سيبك خليك بحالك

طيب تعالى أقولك عن واقعة حصلت قدام عينى هنا بدبي
كانت على يمينى سيارة عليها بادج البلدية وتقريبا كان فيها ولد صغير
مع باباه فالولد فتح زجاج السيارة ورمى منديل

مين بقى اللى بالسيارة اللى وراه؟
مواطن عادي جدا ايه اللى عمله ؟ أخد رقم السيارة واتصل بالشرطة
عشان تتخذ الاجراء اللازم اللى هو ايه بقى ؟؟

غرامـــــــــــــــــــة 500 درهم

تفتكر بعد كدة ممكن حد يفكر انه حتى يتهاون مع اى طفل يرمى شىء
والامثلة كتير بفرح لما بشوفها هنا وبتمناها اوى اوى اشوفها فى بلدي

عرفت انها ثقافة شعوب

سعيدة بتواصلك ومرورك ولك منى فائق الاحترام