بعيدا قليلا عن السيارات

**Hisham_ElFeky** · 23-11-2007 08:36 PM

ربنا يوفقك في اختيارك ترك القاهرة لان دا قرار امنية حياتي اني اعمله بس مستحيل

ربنا يوفقك في مشروعك السري وربنا يكرمك ونعدي عليك الصيف القادم وانا في اندلسيه

**seka** · 24-11-2007 12:18 PM

الله يبارك فيك وبعدين ليه مستحيل تخرج من القاهرة بس انت انوى و فعلا حتلقى فرق تانى خالص

**Hassan Khalil** · 24-11-2007 02:42 PM

والله يا استاذ hk_52 انا اسرتى فى مصر اللى هما ابويا وامى واخوتى اما انا اعذب و انا عايش هنا لوحدى و داخل كدة بفتحت صدر ما يعلم بيها الا ربنا و ربنا يستر و يعدى الموضوع على خير يا رب اصل الحكومة ......... معلش بقى مش عاوز الخبط فى الكلام

يا سيدي احنا الاتنين عزاب زي بعض ..و انا كل لما افكر ادور علي سفرية ارجع اقول ( ابويا و امي ) ... طبعا انا عارف تماما ان ربنا سبحانه و تعالي يكفلهم برحمته و عنايته .. بس الواحد بيحاول يبرهم شوية (قليل من كثير ابائنا و امهاتنا بذلوه علشانا ) ..
الشاهد في الموضوع .. ان الواحد بيعمل راجل ..و ساعة ما ييجي وقت الجد بينخ ( من نخ ينخ فهو يتراجع عن موقفه اي : يستعيل)..
لذلك ..فانا بقولك اني مقدر تعبك تماما .و مطروح رغم انها جوه البلد لكنها في الاخر ... غربة
ربنا يعينك علي غربتك .. و يكملك مشروعك علي خير .. و يجعله رزقا حلالا طيبا مباركا .. و يغمي عين الناس اللي مش كويسه عنك ..

**seka** · 24-11-2007 07:36 PM

فعلا والله الواحد من غير اهله بيبقى مالوش لازمة وانا فعلا عرفت قيمتهم اكتر و اكتر لما بعيدت و انا اصلا بحبهم جدا بس الواحد هنا مش عارف. كل حاجة بعملها بنفسى حتى الغسيل برغم ان البيت مجهز هنا باحدث الاجهزة المنزلية يعنى غسالة فول اتوماتيك بس ماعرف اشغلها كويس زى الحاجة عندى عندى بوتاجاز بس اخرى اعمل عليه فنجان قهوة طب انا حقولك ع موقف حصل بجد مرة حبت اعمل مكرونة اسباجتى عملت فيها الشيف اسامة السيد و رحت نقعتها حوالى 4 ساعات لاقتها رجعت لاصلها مش عارف اعمل اى حاجة لنفسى وبرغم انى مقدرتى المال تمام و الحمد لله بس مضايق جدا جدا