بعيدا قليلا عن السيارات

**seka** · 18-11-2007 08:01 PM

والله وحشتنونى جدا كل شئ وحشنى المقطم القاهرة الكبرى وضواحيها
بعيد قليلا عن السيارات اود ان اقص عليكم قصتى و ارجو ان تتقبلوا موضعى المتواضع
اتحدث اليكم من مرسى مطروح مدينة الهدوء والجمال الغير عادى انا و الحمد لله وصلت يوم 8 من الشهر ده و اول منزلت من العربية حست بهواء بارد غريب غير اللى انا متعود علية فى كفرتنا خالص البرد هنا عامل زى اوربا شوية انا ببتدى حياتى من هنا -مطروح- بشراء ارض كبيرة وبناء عليها مشروع لم يسبق اقمتة من قبل هنا
سيستغرق بناءة حوالى ثلاثة شهور و بادية تشيغلية الرسمى فى الصيف المقبل و اعذرونى عن عدم الافصاح عن المشروع لانة بمثابة مفاجاة و باذن الله اول ما يتفتح لابعتلكم علشان تشوفة ان اسكن مباشره على شاطئ روميل و بالنسبة للعربية فهيا زى الفول انا خلصت 1000 كليو فى القاهرة فى مصر باعجوبة و عملت الحمد لله الصيانة فى الصفوة و هما ناس محترمين جدا وشغلهم نظيف و باذن الله حاروح لهم على طول و انا هنا ليست بحاجة الى التكيف ولكن ساعات بشغل الفاية الصبح ولسة مجبتش اى حاجة و ارجو الافادة منك وهنا سوق ليبا فية كل حاجة من الابرة للصاروخ و بسعار جميلة جدااااااااا
وسلامى لكم جميعا و احب اقول السلام ده امبابة امبابة اول و تانى و تالت يعنى كل بلد و لها محطة الا امبابة و لها مطار بولاق بولاق يعنى كل منطقه ولها شيخ الا بولاق لها سلطان ومصر الجديده الي بيعتني الحديده و لاظوغلى يعنى كل حتة فيها نقطة الا لاظوغلى فيها الدخلية بحالها

**إسلام شاهين** · 18-11-2007 08:06 PM

يا بختكككككككككككككككككككككك كككككككككككككككككككككككك أنا بموووووووووووووووووت في مرسى مطروح لدرجة إني اشتريت شقه هناك جنب سوق ليبيا في مساكن حسن علام وكل صيف لازم أروح هناك ماعرفش أصيف غير في مطروح بس الصور اللي إنت منزلها جميله بس الشوارع الفاضية ديه استنى لشهر 7 وإنت مش هتعرف حتى تصورها .

ترجع بالسلامة وكان الله في عونك وخلي بالك السرقات في مطروح في الشتاء بتبقى كثير جدا علشان بتبقى شبه مهجورة غير من أهلها بس .

**seka** · 18-11-2007 08:10 PM

الف شكر يا برنس و ان شاء الله ستكون اول المعزومين فى افتتاح مشروعى وشكرا ع النصيحة الغالية من مرسل اغلى

**Islam_galal** · 19-11-2007 02:05 PM

لعلمك الحياه في مطروح دلوقتي لها مذاق تاني خالص مش حتحس بيه الا لما ترجع
طبعا احنا فب انتظار مشروعك الغير معروف و عازمين نفسنا كده غلاسه

**seka** · 20-11-2007 06:06 PM

لا ياباشا غلاسة اية دا لو ماشالتكمش الارض اشيلكم ع رأسى وبعدين انا مش راجع انا استقرت هناك لو نزلت حيبقى يوم او اتنين بالكتير

**وائل عطية** · 20-11-2007 06:12 PM

ألف مبروك مقدما على المشروع وربنا يباركلك فيه
الصور جميلة جداً..يابختك ..مش حسد والله

**seka** · 21-11-2007 09:06 AM

الله يبارك فيك و الله انا متشكر ليكم و ربنا يبارك للجميع

**tutankhamoun** · 21-11-2007 09:15 AM

مبروك يا باشا على المشروع مقدما و ربنا يباركلك فيه يارب
و فعلا خطوة ممتازة بأنك هجرت القاهرة التي أصبحت مقهورة على أمرها

**Hassan Khalil** · 21-11-2007 04:11 PM

ربنا يباركلك في مشروعك و يجعله بداية خير لك و لاسرتك باذن الله تعالي ...
الصور اللي انت نزلتها اكثر من رائعة .. و عملت للواحد انشكاح وجداني ( اذا جاز التعبير ) ..و صفاء جواني ..
و خليتنب ابص علي الاوضه اللي انا قاعد فيها بين 4 حيطان و اقول بكل ثقة ( كتنا نيلة في حظنا الهباب )
الحمد لله علي كل حال ..و ان شاء الله نجيلك في الصيف و نباركلك علي مشروعك ..
بالتوفيق