هرم سيتى مالها وماعليها(فكروا معايا بصوت عالى محتاج النصيحه)

ازيكم يارجاله
اليومين دول بفكر ادوس فى حوار هرم سيتى( شقه بدون مشقه) كشاب لسه بيسمى :ask:(عرفتها من اعلان جاى مع وصل الغاز) وبعد ما اتصلت بيهم ماطلعتش بعقاد نافع رحت داخل على النت واتصدمت من كتر التناقضات اللى مكتوبه عنها
واتفضلوا مقتطفات من اللى مكتوب
الكلام اللى بالازرق بتاعى والاسود منقول
معلومات وصور عنها
http://static.panoramio.com/photos/o...l/12732044.jpg
تحيه واجبه للكبير:120146b
http://static.panoramio.com/photos/o...l/12731808.jpg
http://static.panoramio.com/photos/o...l/12731958.jpg
http://static.panoramio.com/photos/o...l/12731927.jpg
http://static.panoramio.com/photos/o...l/12731879.jpg
http://static.panoramio.com/photos/o...l/12731788.jpg
http://static.panoramio.com/photos/o...l/12731798.jpg
http://static.panoramio.com/photos/o...l/12731950.jpg
المكان
Wikimapia - Let's describe the whole world!
تنزل من الدايرى(تمشى حوالى 4 كيلو) اكنك رايح دريم لاند بعد دريم لاند شمال ورا فندق موفينبيك

وصف المشروع(الكلام ده منقول)

المشروع كبير جداً عباره عن كمبوند يحتوى على حوالى 50000 الف وحده سكنيه وتم زيادتها لتكون 55000 وحده على مساحة 2000 فدان

يوجد عدة نماذج بالمشروع يمكنك اختيار ما يناسبك ، ارتفاع المبانى ( طابق واحد / طابقين / ثلاث طوابق ) تختلف على حسب النموذج

مساحات مختلفة منها 38م و48م و63م:mahf(5): حيث تم تصميم نحو 40 نموذجا للمباني نفذ بعضها والبعض الآخر في مراحل لاحقة

اجمل شيء بالمشروع انك مش هاتحس ان فى منطقه سكنيه ، هاتحس انك فى مصيف

اشكال المبانى هناك زى اشكال مبانى الجونه بالبحر الاحمر

ولو اختارت الدور الارضى فبيبقى من حقك الحديقه و من حقك تعمل برجوله!! وسور لحمايتها ( مثل اى فيلا فى عماره ) ولو اخترت الاخير ممكن تستفيد من القبه وتعمل صندره

تم تقسيم المدينة إلى ثمان أحياء، لكل حي خدماته من مدارس ومستشفيات وأسواق ومناطق تجارية

وحتى تكون المدينة متكاملة فإنها تضم منطقة صناعية وأخرى للورش والصناعات الخفيفة، كما تضم 45 مدرسة و3 مستشفيات كبيرة و38 مسجدا وعددا من الكنائس
وهذه المنشآت موزعة على الأحياء بكل حي خدماته واحتياجاته وله أسلوبه المعيشي والمهن الخاصة به، وتفصل بين الأحياء متنزهات ونوادي
=========
مساحه الوحده 63 متر
الاستلام
بعد 12 شهر
الشروط والقيود
ان يكون مرتب الاعزب اقل من 1000 جنيه مصرى وأكبر من 400 جنيه وللمتزوج أن يكون المرتب اقل من 1500 جنيه
ان يكون المتقدم لشراء الوحده لا يوجد عقار ملك بأسمه او
ايجار قديم بأسمه
الاوراق المطلوبه للتقديم
فقط صوره البطاقه الشخصيه -
ويجب ان تكون رقم قومى
مفردات مرتب يبين ان مرتبك متوافق مع الشروط
سحب استماره تقديم ب 300 جنيه ,
مبلغ لا يرد فى حاله الالغاء
دفع مبلغ 500 جنيه اذا كنت تريد التقسيط
كدفعه مقدمه تحت حساب حجز وحده سكنيه بمشروع 6 اكتوبر
شكل المبنى
المبنى عباره عن طابقان فقط ,
كل طابق به شقتان , لا يوجد بلكونات فى المبنى بالكامل , لا يوجد اساس اسمنتى حيث انه مبنى بنظريه الحوائط الحامله , شكل العقار من الداخل عباره عن صاله حوالى 3.3 متر × 3.3 متر , وهناك حجرتان مساحتهم حوالى 3 متر × 3 متر ومطبخ وحمام , الدور العلوى لا يوجد به سقف اسمنتى ولكن يوجد قبه " مثل المساجد " مصنوعه من الطوب الأحمر
سعر الوحده السكينه
فى حاله الدفع الفورى
الطابق العلوى 68000 جنيه
وتدفع عنك الحكومه 10000 جنيه مصرى
ليكون صافى المبلغ المدفوع 58000 جنيه مصرى
الطابق السفلى : 78000 جنيه مصرى
وتدفع عنك الحكومه 10000 جنيه مصرى
ليكون صافى المبلغ المدفوع 68000 جنيه مصرى
فى حاله الدفع بالتقسيط
تقوم شركه تمويل للتمويل العقارى بتقسيط المبلغ
عن طريق التعاون مع بنكين
منهم بنك الاهلى سوستيه جنرال
و يتم التقسيط حسب مرتبك
ونذكر هنا مثال للتوضيح ولكن هذا المثال على أن الشقه فى الدرو العلوى بالاسعار القديمه
اذا كان مرتبك 1000 جنيه
واردت ان تحصل على الشقه عن طريق التقسيط
لو اردت ان تقسطها على 18 سنه
عليك ان تدفع 15 الف جنيه مصرى كدفعه مقدمه
ومعه مصاريف 1500 جنيه مصرى عباره عن 487.5 جنيه مصاريف تأمين الحريق ,
و 800 جنيه مصاريف إداريه ,
بالاضافه الى 500 جنيه مصاريف تقييم الوحده
عليك ان تدفع ايضا شهريا فى الثمانيه سنوات الاولى 250 جنيه مصرى
وفى اخر عشره سنوات 450 جنيه مصرى
وعليك ان تدفع دفعات سنويه 2395 جنيه مصرى طوال الثمانيه عشر سنه تبدا مع الدفعه المقدمه تقريبا او بعدها بوقت قليل
من الاخر لو نييجى نحسبها 15000 مقدم+2000 تلاكيك+(250*8*12)+(450*10*12)+(2395*18)=1381 10
طبعا قله ادب لو هتقسط:mahf(5):
الرقم المباشر 19370
===================
ندخل بقى على الكلام اللى يسد النفس
-المبانى كلها بنظام الحوائط الحامله(لاقواعد ولاعمدان) وده سبب رخصها وانا مش هفتى فى المدنى وياريت لو معانا متخصص يقول لنا ايه عيوبها
-اختار الجار قبل الدار وبالفعل حكومتنا الناصحه عملت اللى عليها وزياده واستسهلت ونقلت المنكوبين اللى من الدويقه عليها خاصه منطقه ايه1-2 واسطبل عنتر ودار السلام
ودلوقتى بينقلوا الناس من عزبه خير الله عليها يعنى من الاخر هتبقى عشوائيه ان شاء الله حتى لو عملوا جدار عازل
محافظة القاهرة: نقل 550 أسرة من عزبة خير الله إلى 6 أكتوبر
ومحدش يقوللى دول اخواتك وفين الوطنيه والكلام الكبير ده:36_1_2[1]:مش هنشتغل بعض (مش مشكلتى ان الحكومه مش عارفه تتصرف فترمى خيبتها عليا:rfds: ) العيل من الحتت دى بيبقى عنده 12 سنه ومدمن ومعظمهم ان شاء الله هيبقوا حراميه وبلطجيه والموضوع ده اللى هينسف المشروع من اساسه:120146b
وطبعا بيقولوا دى سنه وهيمشوا موت يحمار اى كلام عشان يبيعوا وياعالم ممكن قدام ينقلوا مين تانى وممكن تلاقيهم جنبك!!!
رد مقتبس من احد الساكنين

Tamersayed Ahmed نهاردةرحت اوراسكوم وكان معيا ابن اخت مراتى الوادقعد معايا على الكافية
بص للزحليقة وقاللى العب ياعمو رحنا للزحليقة لقيت عيال هدومهم مقطعة
بيلعبو خدت الواد على الزحليقة الثانية فوجئت بالواد بتاع الدويقة عايز
يرمى الواد من فوق الزحليقة زعقت للواد فنزل واستنى ابن اخت مراتى وهو
نازل من الزحليقة وراح شدة من رجلة فوجئت بية مسحول على الارض فى واقعة عنف غير مبرر اطلاقا طيب دول العيال يا ترى الاهالى حتعمل فينا اية
-الناس بتشتكى من سوء التشطيبات
رد مقتبس من احد الساكنين
-لا والمفجأة لما تيجي تشطب الشقة تطلع اوراسكوم تمنع اي عمال من برة وتلزمك انهم يشطبوا الشقة وبأسعار نار يجماعة كفاية سرقة المشروع بقي استثماري اوي الراجل دة اخد الارض ببلاش بسببنا ودلوقتي بيغلي علينا منك لله كفاية علينا بتوع الدويقة حبيت تعمل واجب مع الريس اهي جت علي دماغك اشرب بقي المبيعات بتتاعتك قلت
اللى عايز معلومات اكتر
ط³ظƒط§ظ† ظ…ط¯ظٹظ†ظ‡ ط§ظˆط±ط§ط³ظƒظˆظ… - ظ‡ط±ظ… ط³ظٹطھظ‰ | Facebook
من الاخر انا مقلق قوى ل ادبس فى الموضوع ده ايه رايكم
ظ…ط¯ظٹظ†ط© ظ‡ط±ظ… ط³ظٹطھظ‰ - ط¨ط§ظ„ط³ط§ط¯ط³ ظ…ظ† ط§ظƒطھظˆط¨ط± | Facebook

خسارة

شكرا علي الموضوع الشامل

بصراحة هي مش وحشة بس الكلام اللي بتقوله عندك حق فيه والواحد يدبس في الاخر ولو فكرت تبيع بعد ما تتعاقد اكيد هاتخسر
نصيحة اصبر لغاية ماتتاكد من المعلومات اللي قدامك ويمكن حد من الاعضاء يكون واخد فكرة عنها يفيدك ان شاء الله

وحشة قوى وقلبت دويقة

بصلااحة شكل البيوت بشع
عاملة زي مدينة الاشباح
ده بيوت الفلاحين في البلد دلوقت بقت احلى واشيك من كدة

بس على مكتب الاستقبال اللى هو المفورض فى المبنى اللىتبكتب فيه العقد اللى فى اول المدينه او مكتب المبيعات زى ما بيسموه وشوف الميه مرشحه ازاى من مواسير الصرف
والبيبان والشبابيك لو نفخت فيها زى التعلب المكار هتتقع او على الاقل تتخرم انا رحتها من سنه تقريبا من كتر الحاح الاعلانات ومشيت لما شفت المناظر
ومحدش عايز يدك معلومه غير لما ياخدك لفه الاول مع انى لفيتها بعربيتى ياعم بلاش كلام فاضى والمفروض انها للشباب فين الشباب اللى يقدر يدفع الكلام ده من الاساس

بصراحة انا رحت هناك شوفت الموقع من الاخر ناس نصابة مباني شكلها غريب وشايف كمان انها غالية جدا لان المساحات 63 متر وكمان لو كان كويس كان زمان المشروع اتباع من زمااااااااااان نصيحة بلاش حد ياخد هناك

عندكم حق ياجدعان فى اللى قلتوه واحسن حاجه ال1 يصرف نظر عن الموضوع ده

طب حد يعرف حتة تانية تكون كويسة واسعارها قريبة من دى

اقتباس:

---

المشاركة الأصلية كتبت بواسطة hamzawy

طب حد يعرف حتة تانية تكون كويسة واسعارها قريبة من دى

---

شوف التجمع الاول هتلاقي حاجات كويسة

انا مش فاهم يعنى هو يقول فى البرنامج الانتخابى اسكان الشباب اسكان الشباب وباسعار مش عارف ايه وعملو كده فعلا اللى كان تقدمهم 5000 جنيه دلوئتى بئا ادوها لشركات استثمارية وادفع 15000 و5000 تعاقد و2000 حجز وى وى وى ايه قلة الادب ديه فين الرقابة على الموضوع ده وفين المتابعه للبرنامج الانتخابى وموضوع ابنى بتك اللى بتحصل فيه مهازل وسرقة علنى واتاوه من العرب على اصحاب الاراضى ولا العمال اللى كل واحد فيهم لم شويه ناس وجاب عربية خشب واسمت وعمل فيها معلم ومقاول كبير واشرب يازبون
وبعدين فين الشباب اللى هيدفع 15000 مقدم حسبى الله ونعم الوكيل

I never knew that it had small size apartements

I thought it would have a range from 100m to say 200m

but never thought it was for the needy

أنا رحت اتفرجت عليها من حوالي سنة، وعندي شوية ملاحظات:

• الأسعار اللي مكتوبة دي قديمة شويتين، بالنسبة للكاش "تقسيط سنة واحدة" بيبقى حوالي 95 ألف وده طبعا سعر غالي جداً بالنسبة لأنها حوائط حاملة
• شكل العمارات على الطبيعة ماكنش ظريف خالص، والسلالم تحس انها ضيقة بشكل مبالغ فيه "تقريباً عشان عامل سلم منفصل لكل دور"
• بالنسبة للشروط، شرط المرتب اتعدل -لكل مشاريع إسكان الشباب مش بس أوراسكوم- بقى يجب ألا يزيد الدخل عن 1750 للأعزب أو 2500 للأسرة بالنسبة للمتزوج

لو حابب تاخد حاجة تبع إسكان الشباب أرشح لك المشروعات الآتية:

• مشروع إسكان المستقبل بالشيخ زايد - مجموعة شركات درة
• مشروع شركة بدر الدين بالشيخ زايد "عاملين إعلان في الأهرام النهاردة"
• مشروع تاون فيو بأكتوبر TOWN VIEW
• فيه مشروع تبع شركة مينا بس مش فاكر اسمه ايه
• مشروع حي المنتزةhttp://www.era-eg.com/Montaza_ar.htm
• مشروع الرباب تبع شكرة الفرسان "كانوا عاملين إعلان الأسبوع اللي فات الأسعار بتبدي من 61000 للدور الأخير"

اقتباس:

---

المشاركة الأصلية كتبت بواسطة MOSHAKS

وبعدين فين الشباب اللى هيدفع 15000 مقدم حسبى الله ونعم الوكيل

---

ياباشا لو على الـ15000 مقدم بس كانت بقت بسيطة، القسط الشهري أحيانا بيتجاوز الـ2000 جنيه مع أن الشرط ان مرتبك مايزيدش عن 1750 :majd(4):

EMSadeck

you are correct

there are a lot of other places other than this place

at least you wont live with those people

هذا الرد قرأته منذ فترة و كان فى منتدى
فضيحة جديدة تضرب مشروع مبارك القومي للاسكان، لكن هذه المرة بطل الفضيحة ليس وزارة الاسكان بمفردها وانما تتقاسم بطولة الفضيحة مع شركة اوراسكوم التي حصلت علي 40 فدانا في أفضل مناطق مدينة اكتوبر لتشارك فيما اسموه بمحور القطاع الخاص في المشروع القومي لإسكان الشباب وفقا للبرنامج الانتخابي للرئيس مبارك. تفاصيل الفضيحة كثيرة ومتعددة، لكننا سنبدأ من البداية. منذ ستة أشهر تقريبا وقعت شركة أوراسكوم اتفاقية مع وزارة الاسكان تقضي بحصول الشركة علي 40 فدانا تقع خلف مدينة الانتاج الاعلامي علي طريق الواحات البحرية بسعر رخيص جدا مقابل أن تبني مساكن للشباب مدعومة من الحكومة بـ 15 الف جنيه لكل وحدة سكنية علي نصف الارض وتبني الشركة مساكن استثمارية تباع وحداتها بالسعر الحر علي النصف الثاني من الأرض. الاتفاق يقضي أيضا بأن تبني اوراسكوم الارض كلها في مدة زمنية محددة مما يلزمها بالتزامن في البناء، الشباب مع الاستثماري حتي لا تقع في خطيئة "تسقيع" الارض المخصصة للوحدات الاستثمارية. الوحدة السكنية وفقا للاتفاق تكلفتها 50 الف جنيه تدعمها الدولة بـ 15 الف جنيه منحة لا ترد. الي هنا والاتفاق واضح وبسيط وسليم وان كان ينقصه جهة تشرف عليه. الفضيحة ظهرت عندما خرجت المباني للنور، وانكشفت اللعبة التي قررت أوراسكوم ان تضحك بها علي الجميع، بمن فيهم السادة كبارات وزارة الاسكان من وزيرها حتي خفرائها. لأول مرة في مشروع اسكان قومي مخصص له مليارات الجنيهات وتعمل خلفه وزارات مصر كلها وفقا لتوجيهات الرئيس مبارك ان يتم البناء بدون اساسات وبدون كمرات حاملة وبدون عمدان مسلحة وبدون حديد مسلح. لأول مرة يتم بناء مشروع قومي بنظام الحوائط الحاملة التي توقف عن بنائها الفقراء بعد ان وقعت علي رءوسهم كثيرا. هذه الحوائط الحاملة مبنية علي "فرشة" اسمنتية سمكها 9 سم فقط من المفترض ان تحمل مبني ارتفاعه ثمانية أمتار، نفس الحوائط الحاملة المكونة من الطوب الابيض ستحمل سقفا سمكه 9 سم فقط يحمل بالتبعية دوراً ثانيا من الحوائط الحاملة. لهذه الدرجة وصلت الاستهانة ببرنامج الرئيس وبحياة الناس وبعقول القائمين علي وزارة الاسكان، ومع ذلك ليت الامر توقف عند هذا الحد، بل إن المفاجأة الحقيقية هي تكلفة الوحدة بطريقة البناء هذه المخجلة، فقد كشف عقد من عقود مقاولي الباطن أن تكلفة المبني الواحد المكون من أربع شقق سكنية مساحة كل شقة 63 مترا محدد بـ 34 الف جنيه فقط يعني الشقة الواحدة تكلفتها لن تتجاوز الـ 8500 جنيه فقط. لهذه الدرجة يتم الاستهتار ببرنامج الرئيس وبحياة الناس وبعقول القائمين علي وزارة الاسكان، فلو علمنا أن السعر الذي حددته اوراسكوم للشقة الدور الارضي بـ60 الف جنيه والشقة بالدور العلوي بـ75 الف جنيه يضاف اليها فائدة سنوية علي التقسيط ترفع تكلفة الشقة 20 الف جنيه اخري يعني ذلك ان اوراسكوم كلفت المبني ثمانية آلاف وخمسمائة جنيه وستحصل علي ثمنها "الكاش" متوسط 67.5 الف جنيه أضف اليها 15 الف جنيه منحة لا ترد من الدولة للمشروع يكون اجمالي ما ستحصل عليه من المبني المكون من أربع وحدات سكنية 270 الف جنيه أضف اليها 60 الف جنيه منحة الدولة للشقق الاربع يكون الاجمالي 330 الف جنيه. يعني صافي الربح للشركة من المبني الواحد بعد خصم التكلفة الرهيبة 296 الف جنيه. يعني لو قامت اوراسكوم ببناء 500 مبني بهذه الطريقة ستحصل علي أرباح قدرها 148 مليون جنيه، يا بلاش والله. الأغرب من كل ما سبق ومن كل ما سيأتي أن اوراسكوم لم تشترط في مقاولي الباطن المسند اليهم اعمال البناء "العبيطة" أي سابق خبرة أو أي اشتراطات تضمن الجودة والسمعة فقط بطاقة ضريبية وتحصل علي عقد مقاولة لأي مبني بسعر 34 الف جنيه. هل هناك سر وراء هذه المهزلة؟ نعم سر بسيط جدا، هو أن مشروع اوراسكوم ليس عليه رقيب، لا جهاز مدينة اكتوبر ولا هيئة المجتمعات العمرانية ولا قطاع اسكان الشباب بالوزارة ولا حتي جهة محايدة من تل أبيب تضمن تنفيذ الاتفاق بتفاصيله الكثيرة. سؤال واحد نختم به هذه الفضيحة، هل كل المشاريع الاسكانية التي تتم في المدن الجديدة تنشأ بنفس الطريقة وبنفس الطناش؟ وحتي نبسط المسألة للسادة القائمين علي وزارة الاسكان الافاضل نلخص كوارث اوراسكوم في هذه الفضيحة في الآتي: أولا :اختراع نظام جديد للبناء خاصة في الأساسات فبدلا من حقن التربة قبل صب الأساسات قامت بصب الأساسات مباشرة ضاربة عرض الحائط بالطرق الهندسية المعتمدة، الامر الذي قد يسبب خطرا علي المبني حتي لو بارتفاعات صغيرة لأن التربة في هذا المكان تحتاج للحقن حتي لا تسبب ميلا في الأساسات بعد فترة. ثانيا : إن شركة اوراسكوم لم تسدد ثلاثة أقساط علي التوالي منذ استلامها للأرض الأمر الذي يوقعها تحت طائلة مخالفة العقد وبالتالي سحب الأرض من الشركة بما عليها من إنشاءات. ثالثا: إن الاتفاق مع وزارة الاسكان يقضي ببناء وحدات سكنية تكلفتها 50 الف جنيه وليس 8500 جنيه بالمخالفة للاتفاق. رابعا: إن الأرض تم تنظيمها بحيث تكون نصفها للشباب والنصف الثاني للاستثمار علي ان يكون البناء متزامن بين الاثنين، لكن أوراسكوم قامت بالمشروع في بناء الجزء الخاص بالشباب وتسقيع النصف الآخر الاستثماري لحين الانتهاء من الشباب وبالتالي سيكون سعر متر الارض مختلفاً تماما بعد تعمير بقية الارض.


هذا الموضوع نهديه للسيد أحمد المغربي وزيرالاسكان للبت فيه، فهل يتعامل معه بنفس الحماسة التي يظهرها علي أراضي الغلابة أم ان أوراسكوم "عضمة ناشفة" قد لا يستطيع إعادتها للصواب؟!

اقتباس:

---

المشاركة الأصلية كتبت بواسطة EMSadeck

أنا رحت اتفرجت عليها من حوالي سنة، وعندي شوية ملاحظات:

• الأسعار اللي مكتوبة دي قديمة شويتين، بالنسبة للكاش "تقسيط سنة واحدة" بيبقى حوالي 95 ألف وده طبعا سعر غالي جداً بالنسبة لأنها حوائط حاملة
• شكل العمارات على الطبيعة ماكنش ظريف خالص، والسلالم تحس انها ضيقة بشكل مبالغ فيه "تقريباً عشان عامل سلم منفصل لكل دور"
• بالنسبة للشروط، شرط المرتب اتعدل -لكل مشاريع إسكان الشباب مش بس أوراسكوم- بقى يجب ألا يزيد الدخل عن 1750 للأعزب أو 2500 للأسرة بالنسبة للمتزوج

لو حابب تاخد حاجة تبع إسكان الشباب أرشح لك المشروعات الآتية:

• مشروع إسكان المستقبل بالشيخ زايد - مجموعة شركات درة
• مشروع شركة بدر الدين بالشيخ زايد "عاملين إعلان في الأهرام النهاردة"
• مشروع تاون فيو بأكتوبر TOWN VIEW
• فيه مشروع تبع شركة مينا بس مش فاكر اسمه ايه
• مشروع حي المنتزةhttp://www.era-eg.com/Montaza_ar.htm
• مشروع الرباب تبع شكرة الفرسان "كانوا عاملين إعلان الأسبوع اللي فات الأسعار بتبدي من 61000 للدور الأخير"

ياباشا لو على الـ15000 مقدم بس كانت بقت بسيطة، القسط الشهري أحيانا بيتجاوز الـ2000 جنيه مع أن الشرط ان مرتبك مايزيدش عن 1750 :majd(4):

---

شكرا ياباشا :verygood:وربنا يسهل وجارى البحث عن المشروعات اللى قلتها
========
الاخ goge
كنت عايز احط المشاركه بتاعتك فى راس الموضوع بس حسيت ان الموضوع هيكبر قوى
وبالنسبه للفضيحه المذكوره مش فارقه معايا ان السوارسه ينصبوا على الحكومه او العكس يولعوا هما ال2 فى بعض اللى يهمنى اشوف الارخص والافضل رغم انها كلها نصب*نصب وانا طبعا الضحيه فى الاخر:majd(4):
وشكرا ياباشا على مشاركتك :verygood:
=========
الاخ MOSHAKS
عندك حق فى كل اللى قلته انا واحد صاحبى عايز يبيع الارض اللى خدها من ابنى بيتك علشان يطلع من المقلب ده:T_thum1[1]:
=====================
ونورتوا ياجدعان

نسيت اقولكم كلمت واحده النهارده من خدمه العملا ولما جبت لها سيره اسطبل عنتر وعزبه خير الله حسيت ان لدغها عقرب وقالت لى: مين اللى قالك كده يافندم؟! هى الدويقه بس وكلها سنه وهيتنقلوا على مساكنهم الجديده
اى خرف والسلام رغم ان سكان هرم سيتى هما اللى قالوا كده

أود أن أعلق على نقطة الحوائط الحاملة .. هذا الأسلوب في البناء لا غبار عليه واقتصادي وآمن جداً حتى ارتفاع خمسة أدوار (وهناك عقارات من ستة أدوار حوائط حاملة) وهذه العقارات راسخة وتحملت الزلازل بدايةً من زلزال أكتوبر 1992 (كنت ساكن في عمارة حوائط حاملة والشارع كله كان كدة وانفجرت أنبوبة في البيت اللي جنبنا سنة 1984 وكل اللي حصل شوية شروخ وتنكيس بسيط وبعد كدة زلزال 1992 والبيت مازال راسخاً ما شاء الله) .. الحوائط الحاملة حل هندسي أكثر من رائع للمساحات الصغيرة مع ارتفاعات حتى خمسة أدوار.
أنا باقول كدة بس عشان الاطمئنان من ناحية المتانة والأمان، إنما بالنسبة لباقي النقط في موضوع هرم سيتي (السعر الغريب وسكان العشوائيات المنتقلين) دي نقاط سلبية جداً في هذا المشروع.

اقتباس:

---

المشاركة الأصلية كتبت بواسطة taotao

أود أن أعلق على نقطة الحوائط الحاملة .. هذا الأسلوب في البناء لا غبار عليه واقتصادي وآمن جداً حتى ارتفاع خمسة أدوار (وهناك عقارات من ستة أدوار حوائط حاملة) وهذه العقارات راسخة وتحملت الزلازل بدايةً من زلزال أكتوبر 1992 (كنت ساكن في عمارة حوائط حاملة والشارع كله كان كدة وانفجرت أنبوبة في البيت اللي جنبنا سنة 1984 وكل اللي حصل شوية شروخ وتنكيس بسيط وبعد كدة زلزال 1992 والبيت مازال راسخاً ما شاء الله) .. الحوائط الحاملة حل هندسي أكثر من رائع للمساحات الصغيرة مع ارتفاعات حتى خمسة أدوار.
أنا باقول كدة بس عشان الاطمئنان من ناحية المتانة والأمان، إنما بالنسبة لباقي النقط في موضوع هرم سيتي (السعر الغريب وسكان العشوائيات المنتقلين) دي نقاط سلبية جداً في هذا المشروع.

---

على كده ياريس الكلام اللى بنسمعه عن ان لو طوبه وقعت الدنيا هتقع طلع
كله هجص
المشكله هل الطريقه دى لازم تتنفذ بدقه ولا ربنا بيسترها فى الاخر
اقصد انها بسيطه فى التنفيذ ولا لا ولو بسيطه ليه محدش بيبنى بيها؟؟

اقتباس:

---

المشاركة الأصلية كتبت بواسطة emsadeck

ياباشا لو على الـ15000 مقدم بس كانت بقت بسيطة، القسط الشهري أحيانا بيتجاوز الـ2000 جنيه مع أن الشرط ان مرتبك مايزيدش عن 1750 :majd(4):

---

ده من احد عجائب ج ع ع اللانهائية

ازاي اشترط مرتبك لا يتجاوز 1750 و ادفعك قسط فوق ال 2000؟؟؟؟؟

ده على اعتبار انك غني و عندك رصيد في البنك تدفع منه؟

و لا هتشحتهم من اصحابك

و لا هتاجر الشقة للاعمال المنافية للاداب عشان تلم القسط؟

و لا هتاخد رشاوي؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


حاجة تفقع بجد

Some of europe countries and all of usa and canada homes (villas) are like that, they don't build the homes there with concrete.

في مشاريع نفس الفكرة لكن مساحة أكبر ؟؟؟

اقتباس:

---

المشاركة الأصلية كتبت بواسطة الطنطاوي

في مشاريع نفس الفكرة لكن مساحة أكبر ؟؟؟

---

no all other places same area

some say 80m but when you go to them they say net is 65m

and you can only get one flat not more

اقتباس:

---

المشاركة الأصلية كتبت بواسطة TaoTao

أود أن أعلق على نقطة الحوائط الحاملة .. هذا الأسلوب في البناء لا غبار عليه واقتصادي وآمن جداً حتى ارتفاع خمسة أدوار (وهناك عقارات من ستة أدوار حوائط حاملة) وهذه العقارات راسخة وتحملت الزلازل بدايةً من زلزال أكتوبر 1992 .. الحوائط الحاملة حل هندسي أكثر من رائع للمساحات الصغيرة مع ارتفاعات حتى خمسة أدوار.
أنا باقول كدة بس عشان الاطمئنان من ناحية المتانة والأمان،

---

+11111

اقتباس:

---

المشاركة الأصلية كتبت بواسطة أحمد كمال

ده من احد عجائب ج ع ع اللانهائية

ازاي اشترط مرتبك لا يتجاوز 1750 و ادفعك قسط فوق ال 2000؟؟؟؟؟

---

لو عرفت الحل اتصل على 09000900 ممكن تكسب شقة مساحتها 48 متر :36_9_4:

اقتباس:

---

المشاركة الأصلية كتبت بواسطة أحمد كمال

ده على اعتبار انك غني و عندك رصيد في البنك تدفع منه؟

---

لو غني أكيد مش هاتاخد شقة 63 متر :stink[1]:

اقتباس:

---

المشاركة الأصلية كتبت بواسطة أحمد كمال

و لا هتشحتهم من اصحابك

---

ماحدش بيشحت حد حاجة خلاص، لانه اصلاً محتاج اللي يشحت معاه :36_7_4[1]:

اقتباس:

---

المشاركة الأصلية كتبت بواسطة أحمد كمال

و لا هتاخد رشاوي؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

---

صعب لانه مش أي مكان ينفع تاخد فيه رشاوي ؟! :jimlad:

اقتباس:

---

المشاركة الأصلية كتبت بواسطة أحمد كمال

و لا هتاجر الشقة للاعمال المنافية للاداب عشان تلم القسط؟

---

ده الاحتمال الوحيد اللي فاضل :devil2:

اقتباس:

---

المشاركة الأصلية كتبت بواسطة أحمد كمال

حاجة تفقع بجد

---

أنا بجد خلاص اتفقعت :036::036::036:

نرجع تاني للموضوع، هو فيه حوالي 130 شركة شغالين في مشروع اسكان مبارك للشباب كلهم نفس المساحة "63 متر" بنفس الشروط "السن والدخل"، في رأيي الشخصي أي شركة فيهم [OVERLINE]ممكن[/OVERLINE] تكون كويسة ماعدا أوراسكوم ودجلة