عندك حق
رقم العضوية : 4058
تاريخ التسجيل : 10Jan2008
المشاركات : 2,975
النوع : ذكر
الاقامة : Zagazig
السيارة: PEUGEOT 505
السيارة[2]: PEUGEOT 405
دراجة بخارية: honda
الحالة :
دة إيميل ملخص لكل الإيميلات
إلي ممكن تجيلك اليو مين دول
ويدل على عصر الهبل الي عايشينه ...
أولا: المقاطعة:
قاطع المنتجات الأمريكية لأنها تدعم اسرائيل.
قاطع المنتجات البريطانية لأنها تدعم أمريكا.
قاطع المنتجات الدينامركية عشان الكاريكاتير.
قاطع المنتجات الهولندية عشان الفلم.
قاطع المنتجات الألمانية لأنها جنب الدول السابق ذكرها.
و النهاية كل الناس بيبعتو الايميلات دي لبعض من لاب توب كل البرامج الي فيه أمريكية،
و هم قاعدين في ستاربكس
بعد ما اتعشوا في كنتاكي
و معاهم "تيك أوي" من ماكدونلدز.
ثانيا: الصحة:
لا تشرب بيبسي لأنه
يحتوي على مواد تنظيف و عصارة خنزير.
لا تشرب ريد بول لأنه يسبب عقم..
لا تستعمل مزيل العرق و لاالشامبو و لا الصابون
لأنه يسبب سرطان.(استحما بقنديل ام هاشم)
لا تأكل لحم البقر لأنه يسبب جنون البقر.
لا تأكل دجاج بسبب انفلونزا الطيور
لا تأكل سمك بسبب المد الأحمر
لا تأكل خضار و لا فواكه
لأنها كلها هرمونات وبتتحقن عشان تكبر بسرعة
لا تشرب ماء معدنية
لأنه معالج بالكلور
ولو شربت
ماتملاش الازازة تانى مية عشان فيها فايرس
لا تأكل معلبات
لأنها تحتوي على مواد حافظة
لا تشرب عصير طبيعي
لأنه يأتي على شكل عصارة مركزة
لا تشرب عصير غير طبيعي لأنه كله ألوان
طيب يعني آكل هوا؟!!! .....
لأ طبعا
لأنه الهوا ملوث
بعوادم السيارات و المصانع هتموت
ندخل على العادات:
لا تشرب ماء بعد الأكل عشان بتعمل كرش
لا تنام و لا تمشي و لا تقعد بعد الأكل.
(طب اعمل ايه اتشقلب مثلا)
لا تدخن و لا تشرب شاي و لا قهوة بعد الأكل
(كل واسكت خالص اسمع مراتك بتقول ايه)
أحسن حاجة .... انك تاكل و ترمي نفسك من أعلى سطح!!!!!!
ماتخليش الماء في الثلاجة داخل علب بلاستك
لأنه مسرطنة
وبرده ماتخليهاش في زجاج
للأنه ممكن ينكسر بدون ما تعرف و تشربه و تموت
و لا تخلية برة الثلاجة لأنه ممكن يتلوث.
و لا تشرب من الحنفية لأنها مش نظيفة
لا تتكلم في الموبايل بدون سماعة
عشان الموجات بتقتل خلايا المخ
و لا تتكلم عن طريق السماعة
عشان الكهربا الساكنة
و لا تتكلم عن طريق البلوتوث
عشان الموجات برضو تقتل خلايا المخ
.(يالهوى كسر تليفونك ولو حد عازك يناديك)
(يعني كل العالم الي عايشين دلوقتي
عايشين من غير مخ)
ماتخليش الهوا يدور في السيارة لما تشغل التكييف
لأنه يتلوث من التنفس.
و لا تخلي الهوا يجي من بره لأنه ملوث.
لا تعبي بنزين الصبح
عشان الكثافة عالية
و لا تعبي في الليل
عشان الكثافة واطية
و اشرب خل عشان يحرق الدهون
.... ماتشربش خل عشان بيسبب قرحة في المعدة
و اطلع في الشمس عشان فيتامين "د"
.... ماتطلعش في الشمس عشان الأوزون.
ثالثا: الدين:
ابعث هذا الايميل لجميع من عندك
وتكسب 2586445329735 حسنة ....
(الحسبة صح ماتخافش)
(لأنه الي باعث الايميل حاسبها بالملي مكشوف عنه الحجاب)
حارس قبر الرسول (صلى الله علية و سلم)
حلم انه الرسول (صلى الله علية و سلم)
قالة انه لازم تبعت الرسالة.
و يجيلك ايميل مكتوب في أولة
قسم انك تبعث الايميل لكل الي تعرفهم
و بعدين يفكرك انك أقسمت.
(لا اله الا الله)
و ايميل فيه الجملة الحلوة اللطيفة
(اذا لم تبعث الايميل فانت لا تستحق أجره)
كأن هو اللى بيوزع الحسنات
و ايميل يقولك أحاديث كاذبة
و اذا ما بعثتها فأنت مقصر
و ايميل يقولك "دعاء مرة واحدة في العمر"
(يعني ادعية و بعد كدة افجر؟؟؟؟)
و ايميل يقولك "دعاء هز عرش الرحمن"
و ايميل يقولك "دعاء من دعاه حققت له 100 أمنية"
و بعدين فتوى الرضاعة
و فتوى تحريم "البوكيمون"
و فتوى تحريم "البلايستيشن"
بس محددوش 1 ولا 2 ولا 3
و أحلا فتوى فيهم ............ . فتوى قتل "ميكي ماوس"
و الفتوى الجاري طرحها "المفتش كرومبو لازم يتقتل"
الخلاصة بقة عشان ننجز ونجيب من الأخر
أحسن حل .....
انه الواحد لا ياكل
و لا يشرب و لا يتنفس
ولا يتكلم في التلفون
و لا يطلع من البيت
و بس يقعد يبعث ايميلات .....
على فكرة:
اذا بعت الايميل دة لكل الي عندك
هاتلاقي وظيفة اذا كنت عاطل وهاتلاقي عروسة اذا كنت عازب وراح وتبقى غني لو انت فقير
اما اذا مابعتوش بقة للكل
هتترفد من شغلك
وتطلق مراتك
وتفتقر الي الابد
يا أمة ضحكت من جهلها الأمم
منقول للأمانة العلمية
أضفيت على الحسن العبقا … فالورد تضوّع و اعتنقا
حـسّـن يا رب لنا الـخـلقا … طـهّـره فـلا يـحوي نزقا
رقم العضوية : 7138
تاريخ التسجيل : 08Mar2008
المشاركات : 8,275
النوع : انثى
الاقامة : ..............
السيارة: .............
السيارة[2]: ..............
دراجة بخارية: ...................زز
الحالة :
عندك حق
رقم العضوية : 35540
تاريخ التسجيل : 14Mar2009
المشاركات : 26,487
النوع : انثى
الاقامة : Egypt_Alexandria
السيارة: لا يوجد
السيارة[2]: لا يوجد
دراجة بخارية: -
الحالة :
انا اول ما يجيلى اميل من دول مش بقرأه اصلا
وفعلا كتروا اوى زيادة عن اللزوم
كل الناس نصبوا نفسهم فى دور الناصح الامين وكله بيبعت وخلاص
رقم العضوية : 4058
تاريخ التسجيل : 10Jan2008
المشاركات : 2,975
النوع : ذكر
الاقامة : Zagazig
السيارة: PEUGEOT 505
السيارة[2]: PEUGEOT 405
دراجة بخارية: honda
الحالة :
ده اكبر دليل على السذاجة والطيبة والجهل برضوا
لان حاجات زى ديه بتساهم فى انحدار مجتمع بكامله
بمعنى انى بنشر نصيحة بغرض شريف وهى فى اثاثها غير مؤكدة ومزيفة وللاسف ناس كتير بتصدق
انا كنت مرة ماشى لقيت شاب بيوزع ورقة من الخرف بتاع لازم تصورها وتنشرها والا الكون كلة هيطربق على راسك وتموت
رحت واخدها منه وقلت له يا راجل حرام عليك فين الايمان بالله وبالقدر خيره وشره بقي هى الورقة دية هتتحكم فى البشر وعلى فكرة حديثها مزيف وكلامها كذب
مين قال لما الانسان يموت ده يبقى شئ مكروه
مكروه للعاصى اما اللى قلبه مطمن بالايمان على استعداد للموقت فى اى وقت لثقته وايمانه بالله عزو جل
وقلت كدا لكتير من الغلابة اللى وزع عليهم
موضوع خطيييييييييييييير جدا ميتسكتش عليه ده زى السحر بيقع فيه ناس طيبة كتيييييير
ولازم يكون لينا وقفة ودور فى الموضوع ده
أضفيت على الحسن العبقا … فالورد تضوّع و اعتنقا
حـسّـن يا رب لنا الـخـلقا … طـهّـره فـلا يـحوي نزقا
رقم العضوية : 4058
تاريخ التسجيل : 10Jan2008
المشاركات : 2,975
النوع : ذكر
الاقامة : Zagazig
السيارة: PEUGEOT 505
السيارة[2]: PEUGEOT 405
دراجة بخارية: honda
الحالة :
والف شكر للأخوات الفاضلات على مرورهم الكريم
والى الامام دائما
أضفيت على الحسن العبقا … فالورد تضوّع و اعتنقا
حـسّـن يا رب لنا الـخـلقا … طـهّـره فـلا يـحوي نزقا
المفضلات