بعد الشراكة الجدية لبيجو"نفسكم يجمعوا عربيات بيجو موديل اى"

السلام عليكم ورحمه الله و بركاته
جا على بالى ان لازم الادارة الجديدة لبيجو تدخل بحصة فى السوق علشان الشراكة تعود عليهم بمكسب

و طبعا اشهر عربيتين بيتباعوا فى السوق حاليا الفيرنا و اللانوس و دول فى حدود 1500 و 1600 سى سى و تقريبا نفس السعر بفرق بسيط يدور حول ال 65 الف جنية

الشريحة التانية الكبيرة فى السوق هية العربيات الصغيرة الى من 800 ل 1100 سىسى و طبعا انتوا عارفين سعرهم كام يا فى حدود 35 الف يا فى حدود 55 الف

اما عربيات 1300 سىسى يا صينى يا ايرانى فى حدود من 48 الف ل 54 الف(اليارس و الميتسوبيشى طبعا سعرهم عالى بتكلم فى الثمانينات فما فوق)

تفتكروا حيجمعوا عربية اى؟:whtauwant:
و تتمنوا يجمعوا عربية اى؟:ask:
و اى السبب؟:3_3_102[1]:

تيجوا نجمع افكارنا و نبعتلهم يمكن لما يلاقوا اقبال و طلبات كتيرة يحطوها فى خططتهم القادمة

انا عن نفسى بحب نوعين من العربيات
الهاتشباك و العربيات العالية
الهاتشباك ال 205 جميلة بتجمع بين العربية الصغيرة و الهاتشباك فى نفس الوقت بشرط ماتور صغير 1000 سى سى مثلا على عكس ال 206 خايف من سعر قطع الغيار بتاعتها

ال 405 رائعة لو عربية عائلية ممكن اعليها شوية عن الارض

اما لو واحد عايز عربية شغل و بيت فى نفس الوقت انا مرة شفت هنا فى اسكندرية عربية زى الربع نقل هية شبة عربيات الاسعاف بس حجم صغير تنفع عائلية و تنفع تنقل فيها اى حاجة لان ليها بابين بيتفتحوا قصاد بعض من وراء بس مش عارف اى حاجة عن الموديل دا ولا اسمة حدور على النت

انتوا رايكم اى ؟

علما ان فية موديلات كتيرة من بيجو منزلتش مصر

المشكلة إن قطع الغيار عندهم غالية للغاية

انا رايى انهم لازم يهتموا بالفئة السيدان 1600 وهى فعلا فئة شبه مفقودة فى بيجو زى استاذ عمرو مختار ماقال فى موضوع تانى رغم ان بيجو فضلت تنافس الفئة دى كتير لمدة 20 سنة بالعظيمة بيجو 405 لكن للاسف العربية بقت فى وسط عربيات متطورة بيتقال عليها قديمة رغم انها كانت سابقة عصرها بكتييييير -405 من سنة 1987- وكمان كان سعرها مرتفع بس كانت تستاهل برضه دلوقتى احنا محتاجين عربية كده ويكون سعرها فى رنج من 70 الف ل 100 الف او حتى لو هتبقى فئة اعلى شوية منها توصل 120 مثلا يعنى حاجة تقابل مثلا السيراتو واللانسر والنيسان صنى هو طبعا الفئة دى موجودة وهى ال 407 لكن مش بتنافس لانها غالية جدا بالنسبة لشريحة السعر فى الفئة دى وده طبعا للفرق الرهيب فى الخامات والامكانيات وفرق العمالة الاوربية رغم انها بره مصر فرقها فى السعر مش كبير:120146b
مش لازم تبقى فرنساوى بس تبقى بيجو وتكون محترمة يعنى التوكيل يعمل زى رينو مثلا نزلت الميجان مش فرنساوى بس تقفيل محترم وعربية محترمة بتكنولوجيا متطورة مش لازم عشان ننزل عربية بالسعر ده يبقى تقفيلها وحش وتكنولوجيا قديمة ومش لازم التوكيل يكسب فيها مبلغ كبير على الاقل لحد ما تنافس وتعمل سوق كبير زى ما كل العربيات اليابانى والكورى بدات وبعد كده بقت اسعارها استهبال بصراحة

اقتباس:

---

المشاركة الأصلية كتبت بواسطة hani945

المشكلة إن قطع الغيار عندهم غالية للغاية

---

:120146b ولو انى مش شايف ان قطع غيار بيجو فظيعة ولا غالية اى زى الاشاعات ال ماشية فى السوق هى طبعا غالية جدا عن اسعارها خارج مصر لكن مقارنة بال موجود من الماركات الاخرى فى مصر فهى مش غالية خالص لكن طبعا فرصة نتمنى ان التوكيل يرحمنا شوية ويرخص قطع الغيار ومش بيجو بس ياريت كل الماركات وكل التجار وبلاش الجشع بتاع التجار

على فكرة كون اسعار العربيات البيجو مرتفع فده شيئ طبيعي لانك بتتكلم عن سيارة اوروبية وقد يكون سعرها معقول جدا بالنسبة للاوروبي (قارن مع مثيلاتها الاوروبي)
اما الياباني فطول عمره ارخص من الاوروبي ناهيك عن الكوري والصيني

لاكن المطلوب من التوكيل انه يقدم عروض تقسيط مغرية
انه يكون عنده عمالة مدربة فعلا على التكنولوجيا الحديثة في العربية
يقوم بتسويق التكنولوجيا الحديثة الموجودة في العربية ويوعي الناس بطيرقة استخدامها والمحافظة عليها بحيث تكون نقطة ايجابية في العربية مش سلبية زي ما هو منتشر في السوق
بما ان اسعار السيارات مرتفع فلازم يقابله تخفيض في الصيانة وقطع الغيار وبكدة يحصل توازن

وفي الاخر البيجو ... بيجو ... ليه عشاقه مهما كانت تكلفته .

مع إنى راكب ستروين zx بس بيجو وستروين شركة واحدة ونفسى توكيل بيجو يأخذ كمان توكيل ستروين لأن توكيلها الحالى فاشل
ونفسى لو التوكيل يعيد طرح 206+ الجديدة ولكن تكون بسعر منافس والبيجو 406 مع بعض التحسينات التى تناسب الوقت الحالى لأن المبجلة 407 غاليه جدا وسعرها ليه منافسين جامدين جدا ألمانى

اقتباس:

---

المشاركة الأصلية كتبت بواسطة elghrory

مع إنى راكب ستروين zx بس بيجو وستروين شركة واحدة ونفسى توكيل بيجو يأخذ كمان توكيل ستروين لأن توكيلها الحالى فاشل
ونفسى لو التوكيل يعيد طرح 206+ الجديدة ولكن تكون بسعر منافس والبيجو 406 مع بعض التحسينات التى تناسب الوقت الحالى لأن المبجلة 407 غاليه جدا وسعرها ليه منافسين جامدين جدا ألمانى

---

بص متوسط سعر العربيات المجمعة ما بين 52 الف ل 65 الف

فلازم لو تم تجميع اى عربية يكون سعرها فى المتوسط دا

لو هاتشباك تكون قريبة من 52 لو سيدان تكون قريبة من 65

غير كدة السوق مليان عربيات زيرو ف نفس الرنج بقطع غيار ارخص بكتير

نفسي يعيدو تصنيع ال 406 والبرستيج بس فرنساوى بموديلات حديثة
وتكون زى بتاعت اوروبا كمبيوتر اعطال ايرباج ابى اس ده طبعا بالنسبة لل 405 ويسلام لو ينزلوا ال mi 16 و t16
تبقي كدا ال 405 عدت

اقتباس:

---

المشاركة الأصلية كتبت بواسطة elghrory

مع إنى راكب ستروين zx بس بيجو وستروين شركة واحدة ونفسى توكيل بيجو يأخذ كمان توكيل ستروين لأن توكيلها الحالى فاشل
ونفسى لو التوكيل يعيد طرح 206+ الجديدة ولكن تكون بسعر منافس والبيجو 406 مع بعض التحسينات التى تناسب الوقت الحالى لأن المبجلة 407 غاليه جدا وسعرها ليه منافسين جامدين جدا ألمانى

---

فعلا ال 206 + بداية قوية وأنا أول الحاجزين لو نزلت بسعر كويس