كل واحد يخلى بالوو من عربيتوو لحسن عصابة الكلاب ............

موقف حبيت اقولهولكوو علشان تخلوو بالكوو من عربياتكوووهههههههههههه

انهاردا فى حدود الساعة 6 الصبح كنت واقف ولقيت كلاب حوالى 5 او 6 كلاب

وكان فى عربية نوبيرا واقفة والعربية يا عينى السقف بتاعها الله يرحموو من الكلاب

تنطيت وبهدلة ونوم على سقف العربية قولت لازم اصور العربية واحذركوو من الكلاب

علشان اللى مش عارف الكلاب بتعمل ايه يعرف

دى صور للنوبيرا

http://www2.0zz0.com/2007/05/13/10/78105091.jpg

http://www3.0zz0.com/2007/05/13/10/70822675.jpg

http://www3.0zz0.com/2007/05/13/10/16226771.jpg

بعد كده صاحب العربية وصل وكان معاه السايس وشاف العربية كان هيغم عليه

http://www2.0zz0.com/2007/05/13/10/66605375.jpg

http://www2.0zz0.com/2007/05/13/10/87735901.jpg

راح فتح السايس الباب الخلفى وقعد يخبط فى السقف من جوه وعدلوو شوية الى حد ما

تخيلوو بعد كده الكلاب راحت فين راحت طالعة على عربية 128 غلابانة يا عينى وشوفو باقت عاملة ازاى

http://www4.0zz0.com/2007/05/13/10/97019321.jpg

http://www4.0zz0.com/2007/05/13/10/26115580.jpg

http://www3.0zz0.com/2007/05/13/10/61814957.jpg

شوفو بقا بعد مانزلوو من عليها السقف بقا عامل ازاى

http://www2.0zz0.com/2007/05/13/10/67977616.jpg

http://www3.0zz0.com/2007/05/13/10/78608737.jpg

وكنا بنقول دايما صاج النوبيرا ورق وطلعت كل العربيات ورق فى ورق

المهم من الموضع ده كلوو ان كل واحد يخلى بالو من عصابة الكلاب اللى مابترحمش ههههههههههههه

:lol: :lol: :lol:

يا ساتر ..... دول بهدلوا العربيات ........ بجد ربنا يستر..... على قد ما انا بحب الكلاب على قد ما كرهتها دلوقتى ههههههه

a7'ook
Sherif

السلام عليكم

أنا الموقف دا حصلى فى سيارتى القديمة لانسر 98 بعد ما صحيت الصبح ببص فى البلكونة لقيت السقف مطبق مكنتش مصدق و قلات عينيه مزغلله :shock:
لكن لما نزلت و أتامدت كنت حفرقع :evil:
و فى الأخر إستسلمت و عملت زى ما الراجل دا عمل و قعدت أخبطت فيه من جوه لحد من إتعدل شوية و فضلت كده لحد ما بعتها

اقتباس:

---

المشاركة الأصلية كتبت بواسطة sharky

السلام عليكم

أنا الموقف دا حصلى فى سيارتى القديمة لانسر 98 بعد ما صحيت الصبح ببص فى البلكونة لقيت السقف مطبق مكنتش مصدق و قلات عينيه مزغلله :shock:
لكن لما نزلت و أتامدت كنت حفرقع :evil:
و فى الأخر إستسلمت و عملت زى ما الراجل دا عمل و قعدت أخبطت فيه من جوه لحد من إتعدل شوية و فضلت كده لحد ما بعتها

---

خلى بالك بقا من اللى معاك دلوقت انا كنت واقف شايفهم وكنت عاوز اكلهم بس مش عارف وكنت عاوز ابعدهم عن

العربية بس تعمل ايه فى الكلاب والحمد لله كنت راكن عربيتى بعيد عنهم كان زمانها اتكلت مع العربيات ديه

أفكار لحل المشكلة:

1- لازم تكهرب العربية ...

لو بتركن تحت البيت وصل لها سلك آخره فيشة عندك ، وخلى أتخن كلب قاعد على العربية ووصل الكهربا واتفرج عليه وهو بيتشوى...

2- لو مركب إنذار: انتظر اللحظة المناسبة والكلب مطمئن فى رقدته وزمر الانذار... على الأقل هيقطع الخلف ومش هتشوف له أولاد يقعدوا على عربية حد..

3- إشترى بندقية رش نمرة 2 ، واملاها بدل الطلق بتاعها مسامير واتدرب على النيشان فيهم.

4-ضع فوق ظهر العربية شبكة تقلق راحتهم..

5- لغّم العربية..

6- أو الحل الصعب : اتصل بالبلدية ، من مهماتهم قتل الحيوانات الضالة...

اقتباس:

---

المشاركة الأصلية كتبت بواسطة Dr Ahmed

أفكار لحل المشكلة:

1- لازم تكهرب العربية ...

لو بتركن تحت البيت وصل لها سلك آخره فيشة عندك ، وخلى أتخن كلب قاعد على العربية ووصل الكهربا واتفرج عليه وهو بيتشوى...

2- لو مركب إنذار: انتظر اللحظة المناسبة والكلب مطمئن فى رقدته وزمر الانذار... على الأقل هيقطع الخلف ومش هتشوف له أولاد يقعدوا على عربية حد..

3- إشترى بندقية رش نمرة 2 ، واملاها بدل الطلق بتاعها مسامير واتدرب على النيشان فيهم.

4-ضع فوق ظهر العربية شبكة تقلق راحتهم..

5- لغّم العربية..

6- أو الحل الصعب : اتصل بالبلدية ، من مهماتهم قتل الحيوانات الضالة...

---

اكهربهم وبعدين الفاتورة هتبقا على مين على الكلاب ههههههههههه

حلوة النصائح ديه بس انا لسه هستنا لما يطلع على العربية وينام كمان وبعدين اشغل الانذار يعنى بعد فوات الاوان

ههههههههههههههههههههههههه ه

:lol: :lol: :lol: :lol: :lol:

شراب فيلية حريمي(مش اسمة كدة برضة) واملاة شطة سوداني مطحونة وحط واحد في الشنطة والتاني في حوض الموتور--------حاسة الشم مش هاتخلي اتخن كلب يهوب بس يوم واحد وتشيلة علشان الريحة في العربية واوعي تنسي اللي في حوض الموتور لحسن يمسك في اي سير
dr/ehababdelhafeezاسبرانزاوي32

اية الافكار الهايلة دية يا دكتور احمد --دة كان فاضل تقول ---ينط من البلكونة على الكلاب وهى فو السيارةويكون ياريت لابس حزام ناسف وفى نفس اللحظة --انا شايف انها مسئولية السايس ولابد ان يشوف شغلة كويس --

اقتباس:

---

المشاركة الأصلية كتبت بواسطة جنيدى

اية الافكار الهايلة دية يا دكتور احمد --دة كان فاضل تقول ---ينط من البلكونة على الكلاب وهى فوق السيارة ويكون ياريت لابس حزام ناسف-

---

فكرة هايلة ...

احنا بنحاول نحل المشكلة من جذورها

احنا مش بتوع المسكنات ههههههههههههههههههههههههه

والله يا اخى هى روحك الحلوة دية اللى بتخللينى انتظر نزولى مصر علشان اشوفك واعرفك عن قرب --سلامى للدكتور عمر

هههههههههه

يا ساتر يا رب

شكرا يا باشا على الموضوع

دي مش كلاب
دي تيران
كان عندي كلاب في المنطقة ايام ما كان معايا الانذار اللي بشاشة
وكنت اول ماسمع الانذار بيضرب في الشاشة اعرف انها لكلاب
وافضل اضرب الانذار يطلعوا يجروا علي طول
بس كانو مروقين الاكسيل
حاجة اخيرة
ما بيطيقوش الغطاء المشمع
بيحبوا القماش

انا عندى فكرة الكلاب بتخاف من القطط --وطبعا القطط وزنها خفيف لن يؤذى السيارة ------------بس خلاص الباقى انتم عارفينة !!!!! :P

يا استاذ جنيدي.. انا لحد وقت قريب كنت فاهم ان القطط هيا اللي بتخاف من الكلاب.. و طبعا توم و جيري مأصلالفكرة دي عند الواحد من طفولته.. أخيرا و بعد 31 سنه عرفت ان انا كنت فاهم غلط :wink:

فعلا يا استاذ احمد --وكمان 31 سنة مش كتير- :P :P :P وبعدين توم --فار مش كلب وجيرى هو القط --بس لو تقصد الكلب اللى بيبقى فى الجنينة--لا --ما تخفش منة دة كرتون :P :P :P

لا حول ولا قوة الا بالله
دى الكلاب بوظت العربيات خالص
شكرا على الموضوع

طب ونعمل ايه بقى للكلاب

انا من رأيي بقى نبيع العربيات ونشترى بسكلتات احسن او الموتوسيكلات الصينى الجديده دى
ههههههههههههههههه

بس انا شايف ان الحل هو الانذار علشان اول مايلمسو العربية الانذار يشتغل هيجرووو ويسيبوو العربية

كان فيه كلب أبن كلب فضل مستلم عربيتي 3 شهور كل يوم ينام فوق السقف
سواء عليها الغطاء أو لأ
منفعش معاه الضرب ولا الحدف بالطوب
يجري وتاني يوم يرجع يشتح عليها تاني
لغايه ما البلديه خلصتني من أهله
بس الحقيقه ال 128 كان سقفها بيترض بسهوله من غير شكله ما يتغير

اقتباس:

---

المشاركة الأصلية كتبت بواسطة tamohsen

كان فيه كلب أبن كلب فضل مستلم عربيتي 3 شهور كل يوم ينام فوق السقف
سواء عليها الغطاء أو لأ
منفعش معاه الضرب ولا الحدف بالطوب
يجري وتاني يوم يرجع يشتح عليها تاني
لغايه ما البلديه خلصتني من أهله
بس الحقيقه ال 128 كان سقفها بيترض بسهوله من غير شكله ما يتغير

---

هههههههههههه معلش اديك ارتحت منوو بس هو مابوظش السقف زى اخواته دووووووول

اقتباس:

---

شراب فيلية حريمي(مش اسمة كدة برضة) واملاة شطة سوداني مطحونة وحط واحد في الشنطة والتاني في حوض الموتور--------حاسة الشم مش هاتخلي اتخن كلب يهوب بس يوم واحد وتشيلة علشان الريحة في العربية واوعي تنسي اللي في حوض الموتور لحسن يمسك في اي سير

---

وليه تستني يوم واحد بس وتشيله ما تسيبه علشان تهرب الضيوف الغير مرغوب فيهم من العربية ..

اقتباس:

---

المشاركة الأصلية كتبت بواسطة karim_monir

دي مش كلاب
دي تيران
بس كانو مروقين الاكسيل

---

بس كانوو مروقينها ازاى ههههههههههه

:lol: :lol: :lol:

شكلك حصلك حاجة زى اللى حصلت من ديه يا كريم

حلوة قوى أفكارك د/أحمد بس أنا هاجرب موضوع أن ألغم العربية ده لأنه عاجبني جداً ههههههههههه ...