تجربتي الكاملة للشيري a11

**novo** · 09-11-2009 11:14 AM

أولا صباح الفل
العربية عامله معايا 60000كم في 4 سنين و هي موديل 2005 نصف كماليات و أنا أضفت الزينون و الجنوط و الباركينج سينسور و الانزار و فلتر سيموتا
أولا أتكلم عن كل القطع اللي ركبت حتي الان:
1) تم تغيير تيل الفرامل مره واحده فقط علي 25000 و كان تمنه 120 جم
2)تم تغيير حساس مياه في التوكيل 110جم( نتيجة حادثه)
3)تم تغيير طرمبة الباور 1000جم ( أكبر حاجه تم تغييرها 45000كم)
4) لأوحة التحكم في التكييف اللي في التابلوة ودي واحد زكوه قرص جامد على زرار التحكم في الحراره ففوت 400جم
5)شحن فريون في التوكيل 150جم
6) اكصدام أمامي 400جم
7)رفرف 150جم
8)فانوس أمامي 350جم(موجود بره في دمشق 175جم)
9)كبوت 450 جم
10)مارش نتيجة حادثه 700جم
11)علامة شيري 25جم
12)سير كاتينة ياباني من التوكيل 160 نوعيته ياباني
13)سير مروحه و دينامو 150 ياباني من التوكيل
14)شمعات فرنساوي من التوكيل 100جم
15)مراية كاملة مانوال 350جم(موجودة في دمشق 150جم)
النتيجه ان الحاجه الوحيدة اللي اتغيرت بدري هي طرمبة الباور
يتبع

**novo** · 09-11-2009 11:50 AM

ثانيا:المميزات:
1)قطع غيارها أسعارها معقولة و معظمها موجود بره التوكيل
2)مساحات داخلية جيدة و شنطة مساحتها كبيرة جدا خصوصا أن العربية خمسة أبواب
3)الخامات جيدة يعني التابلوه لونه مغيرش مثلا و البلاستيك المستخدم مش ردئ
4)العربية ممتعة جدا في سواقتها موتورها قدرته معقولة 92 حصان و الثبات هايل و التماسك جميل يخليك تقرص في الملفات و ماتخافش
5) السرعة القصوي 195كم و دي كانت علي طريق العلمين و مشيت حبه عليها و ده أخرها لان الار بي ام كان علي 6 و علي فكرة العربية كانت تقيلة و ماتحسش انك طاير.
6)شكل العربية لطيف وهي تصميم ايطالي كان لشركة سيات
7)تكيفها هايل
8)تقفيلها محترم و ده تحس بيه في كل جزء في العربية.

**novo** · 09-11-2009 01:46 PM

ثالثا:العيوب:
1)التوكيل معاملتهم مش مرنه و بخادوا وقت طويل و أسعارهم القطع عندهم غالية عن بره.
2)العفشه ناشفه و متعتبرش مريحه و لو في نقر بتحس بيها ( الثبات علي حساب الراحه)
3)صوت الموتور عالي بعد ال120كم(البعض يعتبره رياضي)
4)سعر اعادة بيع ضايع من 38000 الي 42000
5)موضوع طرمبه الباور و قرفه
نصيحتي لاي حد بيفكر يشتري العربيه دي انو يشتريها مستعمله لانه بالسعر ده مش قادر أفكر في حاجه أحسن منها...عربية كويسة فعلا
تحياتي
novo

**novo** · 09-11-2009 03:48 PM

المشاركة الأصلية كتبت بواسطة x_gomgom

مشكور جداً على عرض التفصيلي لمراحل حياه السياره معاك. تقرير ممتاز و الف سلامه على حضرتك و فداك العربيه
و ايه اخبار استهلاك البنزين معاك و عند حضرتك اي معلومات عن الاوتوماتيك منها,,,,
انا شايف انها شبه السيات التوليدو من ناحيه الشكل فهل هذا الشبه يبنطبق على الجانب الميكانيكي...
جزاك الله كل خير

شكرا على زوق حضرتك
استهلاك البنزين رائع و لازم 92 و الاستهلاك كالاتي 9 لتر لكل 100 كم و ده بالتكييف في الزحمه,6.8 لتر لكل 100كم علي الطريق السريع 110كم
11.5 لتر كم علي السريع بمتوسط سرعه 140 كم
علي فكره هي شبه التوليدو لسبب و هي ان خطوط انتاج العربيه دي اشتروها بعد ما سيات خلصت التوليدو بس وجه الشبه يقتصر علي الشكل و الابعاد و التابلوه شبهه جدا.
ميكانيكيا في أجزاء من صنع ناس مشهورين في مجالهم زي الabs من صنع بوش و التكييف شركة فاليو الفرنسية بي الموتور أنا قريت انو من تصميم شركة فورد
الوتوماتيك ما انصحكش بيه لانه لسه في عربيات كوري عندها مشاكل فيه (زي النوبيرا)زائد ان التوكيل مش هيعرف يحل لو فيه مشكله.
تحياتي
novo